ស៊ីហ្គេម៖ កីឡាការិនីសូហ្វតិន្នីស ម៉េត ម៉ារីយ៉ាន បានមេដាយសំរឹទ្ធលើវិញ្ញាសាឯកត្តជន

កីឡាជាតិ

ជាតិ

ស៊ីហ្គេម៖ កីឡាការិនីសូហ្វតិន្នីស ម៉េត ម៉ារីយ៉ាន បានមេដាយសំរឹទ្ធលើវិញ្ញាសាឯកត្តជន

07, Dec 2019 , 2:59 pm

រូបភាព

ដោយ: រួបរួម

កីឡាការិនីសូហ្វតិន្នីស ម៉េត ម៉ារីយ៉ាន នាព្រឹកថ្ងៃសៅរ៍ ទី៧ ខែធ្នូ នេះ ទទួលបានមេដាយសំរឹទ្ធលើវិញ្ញាសាឯកត្តជននារីពីព្រឹត្តិការណ៍កីឡាស៊ីហ្គេមលើកទី៣០នៅក្រុងម៉ានីល ប្រទេសហ្វីលីពីន។ ម៉ារីយ៉ាន បានបើកឆាកចាញ់កីឡាការិនីម្ចាស់ផ្ទះហ្វីលីពីន Manalac Noelle Conchita Coranzon ៤-០ ប៉ុន្តែបន្ទាប់មក បានយកឈ្នះកីឡាការិនីឡាវ Champamanivong Phonesamai ៤-០ ដូចគ្នា នាការប្រកួតបន្ទាប់។

ម៉ារីយ៉ាន និងកីឡាការិនីថៃ Srirungreang Dares បានមេដាយសំរឹទ្ធស្ទួន ខណៈកីឡាការិនីហ្វីលីពីន Manalac Noelle Conchita Corazon បានមេដាយមាស និងកីឡាការិនីឥណ្ឌូណេស៊ី Kawengian Anadelyda បានមេដាយប្រាក់។

បើតាមតារាងផ្លូវការ កម្ពុជាទទួលបានមេដាយសរុប២៤ហើយ ដែលក្នុងនោះ មាន មាស២ ប្រាក់៤ និងសំរឹទ្ធ១៨។ កម្ពុជាក៏មានសំរឹទ្ធ២ទៀតផងដែរ ពីកីឡាប្រដាល់សកល ប៉ុន្តែមិនទាន់ត្រូវបានរាប់បញ្ចូលក្នុងតារាងឡើយ ដោយរង់ចាំការបំពាក់មេដាយផ្លូវការ៕