អន្តរជាតិ
កម្មកររ៉ែមាសនៅអាហ្វ្រិកខាងត្បូង៤នាក់ស្លាប់ដោយសារថ្មធ្លាក់សង្កត់ ខណៈឆ្នាំមុនស្លាប់៨១នាក់
ប្រភពរូបថត៖ iStock
×![]()
ដោយ: ថ្មីៗ
កម្មកររុករករ៉ែមាស៤នាក់ នៅភាគឦសាននៃប្រទេសអាហ្វ្រិកខាងត្បូង ៤នាក់បានស្លាប់ ក្រោយជាប់កប់ក្រោមដី ដោយសារតែថ្មធ្លាក់សង្កត់។ នេះបើតាមការផ្សាយរបស់ AFP ដោយយោងតាមប្រធានសហភាពកម្មកររុករ៉ែនៅអាហ្វ្រិកខាងត្បូង (NUM) នៅថ្ងៃអាទិត្យ។
កាលពីថ្ងៃសុក្រ កម្មករម្នាក់ត្រូវបានសង្គ្រោះ ជាមួយនឹងស្ថានភាពរបួសដ៏ធ្ងន់ធ្ងរ ដោយសារតែគ្រោះថ្នាក់ធ្លាក់រលំផ្ទាំងថ្ម នៅតំបន់រុករក Tau Lekoa Mine នៃក្រុង Orkney ប្រទេសអាហ្វ្រិកខាងត្បូង ហើយនៅថ្ងៃនេះ NUM បានប្រកាសពីដំណឹងមរណភាពរបស់កម្មករ៤នាក់ ដោយពួកគេដាច់ទំនាក់ទំនងជិតឈឹងជាមួយក្រុមសង្គ្រោះ។
លោក Joseph Montisetse ប្រធានសហភាព NUM បានបញ្ជាក់ឲ្យដឹងថា ភ្លាមៗ មានកម្មករម្នាក់បានស្រែកសុំជំនួយអុកស៊ីហ្សែនផងដែរ។
ករណីគ្រោះថ្នាក់លើកម្មកររុករ៉ែនៅអាហ្វ្រិកខាងត្បូងមិនមែនជារឿងថ្មីនោះឡើយ ដោយសារជម្រៅដែលរុករកគឺជ្រៅជាងគេបំផុតក្នុងពិភពលោក។ បើតាមនាយកដ្ឋានធនធានរ៉ែរបស់ប្រទេសនេះ មនុស្ស៨១នាក់ បានស្លាប់កាលពីឆ្នាំមុន៕
© រក្សាសិទ្ធិដោយ thmeythmey.com
