ជាតិ
អត្ថបទពាណិជ្ជកម្ម
ភ្ញៀវទេសចរបង្ហាញអារម្មណ៍រីករាយពេលបានបាញ់ធ្នូនៅបន្ទាយជ័យ៨០២
× សៀមរាប៖ ភ្ញៀវទេសចរជាតិ-អន្ដរជាតិ បានបង្ហាញអារម្មណ៍រីករាយជាខ្លាំង ពេលបានមកទស្សនានិងបាញ់ធ្នូ នៅបន្ទាយជ័យ៨០២។ ពួកគេទទួលបានបទពិសោធន៍ថ្មីទាំងការបាញ់ធ្នូបុរាណខ្មែរនិងធ្នូសម័យ។
វិស័យកីឡាបាញ់ធ្នូ ហាក់ទទួលបានការគាំទ្រខ្លាំង តាមរយៈសាធារណជនក៏ដូចជាភ្ញៀវទេសចរជាតិ-អន្ដរជាតិមួយចំនួនធំ បានបង្ហាញវត្តមានក្នុងការបាញ់ធ្នូនៅបន្ទាយជ័យ៨០២។ ទីតាំងនេះមានបង្ហាញ ក៏ដូចជាបង្រៀនទេសចរឱ្យចេះបាញ់ធ្នូបុរាណ ក៏ដូចជាធ្នូសម័យ។ បុគ្គលិកនៅបន្ទាយជ័យ៨០២ រង់ចាំស្វាគមន៍ទេសចរទាំងអស់ដែលចាប់អារម្មណ៍ការបាញ់ធ្នូ ដែលភ្ញៀវទេសចរនឹងទទួលបានបទពិសោធន៍ថ្មីៗ ព្រមទាំងបានពិសារអាហារខ្មែរដែលមានការរៀបចំបែបបុរាណ និងចម្អិនដោយចុងភៅមានពិសោធន៍ច្រើនឆ្នាំ។
ពាក្យ «បន្ទាយជ័យ៨០២» បង្កប់នូវអត្ថន័យរម្លឹកពីឆ្នាំនៃសករាជ្យថ្មីដែលព្រះមហាក្សត្រខ្មែរបង្រួបបង្រួមទឹកដីខ្មែរជាអាណាចក្រដ៏ខ្លាំង និងជាឆ្នាំដែលបើកទំព័រថ្មីនៃការអភិវឌ្ឍអណាចក្រខ្មែរដ៏រុងរឿង។ ហើយការដាក់ឈ្មោះបន្ទាយជ័យ៨០២នេះដែរ ក៏ដើម្បីឱ្យស៊ីទៅនឹងទីតាំងដែលស្ថិតនៅតំបន់រលួស ដែលគេស្គាល់ថាជាអតីតរាជធានី បរិហរាល័យ និងជារាជធានីដ៏រុងរឿងនៅសម័យកាលនោះ។
បន្ទាយជ័យ ៨០២ មានទីតាំងស្ថិតនៅភូមិស្ទឹង ស្រុកប្រាសាទបាគង ចំងាយប្រមាណ១៥គីឡូម៉ែត្រពីទីរួមខេត្តសៀមរាប។ ភ្ញៀវទេសចរជាតិ-អន្ដរជាតិអាចទំនាក់ទំនងទៅកាន់បុគ្គលិកផ្នែកទីផ្សារតាមរយៈលេខទូរសព្ទ ០៩៨ ៩៥ ៥៦ ៤៤ ដើម្បីដឹងពីតម្លៃ និងប្រភេទសេវាកម្មផ្សេងៗបន្ថែមទៀត៕
អត្ថបទពាណិជ្ជកម្ម
© រក្សាសិទ្ធិដោយ thmeythmey.com