ជាតិ
សិល្បះ
×![]()
ដោយ: រួបរួម
«ទម្រង់លើកដៃប្រណម្យត្រឹមដើមទ្រូង» គឺជាកាយវិការពិតរបស់ព្រះបាទជយវរ្ម័នទី៧។ នេះបើតាមការអះអាងរបស់ក្រុមការងារចម្រុះមកពីអាជ្ញាធរជាតិអប្សរា និងសាលាបារាំងចុងបូព៌ា។ អ្នកជំនាញដែលមានលោក ជាវ ប៊ុនថង និងលោក Eric Bourdonneau បានបង្ហាញលទ្ធផលនៃការស្រាវជ្រាវនេះ នាកិច្ចប្រជុំបច្ចេកទេសលើកទី៣៣ នៃគណៈកម្មាធិការអាយស៊ីស៊ី-អង្គរ នាថ្ងៃទី១០ ខែធ្នូ ឆ្នាំ២០១៩។
«ចំពោះការអះអាងបែបនេះ ក្រុមការងារចម្រុះបានបង្ហាញភស្តុតាងជាច្រើនទាក់ទងនឹងការសិក្សាស្រាវជ្រាវទាំងផ្នែកប្រវត្តិសាស្ត្រ បុរាណវិទ្យា ការថតស្កែនវិភាគបែបវិទ្យាសាស្ត្រទៅលើទំហំ និងការផ្គុំបំណែកព្រះហត្ថដែលរក្សាទុកនៅអភិរក្សដ្ឋានអង្គរ ទៅនឹងដងខ្លួននៃបដិមាព្រះបាទជ័យវរ្ម័នទី៧ពិតជាត្រូវគ្នាគ្រប់ជ្រុងជ្រោយត្រង់ចំណុចដែលតភ្ជាប់គ្នា»។ អាជ្ញាធរជាតិអប្សរាបានអះអាងយ៉ាងដូច្នេះក្នុងទំព័រហ្វេសប៊ុកផ្លូវការរបស់ខ្លួន អមដោយរូបថតជាច្រើនសន្លឹក។
អាជ្ញាធរជាតិអប្សរា ក៏បានលើកឡើងផងដែរថា លទ្ធផលស្រាវជ្រាវថ្មីមួយដែលកើតចេញពីកិច្ចសហប្រតិបត្តិការរួមគ្នារវាងអ្នកជំនាញបារាំងនិងអាជ្ញាធរជាតិអប្សរា អាចស្រាយបំភ្លឺនូវចម្ងល់ និងភាពប្រទាំងប្រទើសគ្នាលើការយល់ឃើញផ្សេងគ្នាទាក់ទងនឹងកាយវិការនៃបដិមាព្រះបាទ ជយវរ្ម័នទី៧ ៕
«ចំពោះការអះអាងបែបនេះ ក្រុមការងារចម្រុះបានបង្ហាញភស្តុតាងជាច្រើនទាក់ទងនឹងការសិក្សាស្រាវជ្រាវទាំងផ្នែកប្រវត្តិសាស្ត្រ បុរាណវិទ្យា ការថតស្កែនវិភាគបែបវិទ្យាសាស្ត្រទៅលើទំហំ និងការផ្គុំបំណែកព្រះហត្ថដែលរក្សាទុកនៅអភិរក្សដ្ឋានអង្គរ ទៅនឹងដងខ្លួននៃបដិមាព្រះបាទជ័យវរ្ម័នទី៧ពិតជាត្រូវគ្នាគ្រប់ជ្រុងជ្រោយត្រង់ចំណុចដែលតភ្ជាប់គ្នា»។ អាជ្ញាធរជាតិអប្សរាបានអះអាងយ៉ាងដូច្នេះក្នុងទំព័រហ្វេសប៊ុកផ្លូវការរបស់ខ្លួន អមដោយរូបថតជាច្រើនសន្លឹក។
អាជ្ញាធរជាតិអប្សរា ក៏បានលើកឡើងផងដែរថា លទ្ធផលស្រាវជ្រាវថ្មីមួយដែលកើតចេញពីកិច្ចសហប្រតិបត្តិការរួមគ្នារវាងអ្នកជំនាញបារាំងនិងអាជ្ញាធរជាតិអប្សរា អាចស្រាយបំភ្លឺនូវចម្ងល់ និងភាពប្រទាំងប្រទើសគ្នាលើការយល់ឃើញផ្សេងគ្នាទាក់ទងនឹងកាយវិការនៃបដិមាព្រះបាទ ជយវរ្ម័នទី៧ ៕
© រក្សាសិទ្ធិដោយ thmeythmey.com
