មាតុភូមិ រៀបចំ«ពិព័រណ៍បន្លែស្រុកស្រែ» ដោយបានបង្ហាញបន្លែខ្មែរជាង២០០មុខ និងវត្តមានចូលរួមពីសិល្បករល្បីៗនាទសវត្សរ៍៨០ និង៩០

អត្ថបទពាណិជ្ជកម្ម

មាតុភូមិ រៀបចំ«ពិព័រណ៍បន្លែស្រុកស្រែ» ដោយបានបង្ហាញបន្លែខ្មែរជាង២០០មុខ និងវត្តមានចូលរួមពីសិល្បករល្បីៗនាទសវត្សរ៍៨០ និង៩០

13, Dec 2019 , 11:31 am

រូបភាព

ដោយ: ថ្មីៗ

ភ្នំពេញ៖ ថ្ងៃទី១២ ខែធ្នូ ឆ្នាំ២០១៩ កន្លងទៅនេះ ភោជនីយដ្ឋានមាតុភូមិ បានរៀនចំកម្មវិធីពិព័រណ៌បន្លែស្រុកស្រែ មិនធ្លាប់មានពីមុខមក ដោយដាក់តាំងបន្លែរបស់ខ្មែរតាមជនបទតាំងពីសម័យកាលមុខជាង២០០មុខ និងភាគច្រើនសុទ្ធតែជាប្រភេទជិតផុតពូជ។ ក្នុងពិព័រណ៌ដ៏ធំនេះ មានការចូលរួមពីសំណាក់សិល្បករឆ្នើមល្បីៗលំដាប់កំពូល នាទសវត្សរ៍៨០ និង៩០ ជាច្រើនរូប ថ្នាក់ដឹកនាំ បុគ្គលិក របស់ភោជនីយដ្ឋានមាតុភូមិ និងភ្ញៀវកិត្តិយសជានាក់ផងដែរ។

តាមរយៈមាតុភូមិ ព្រឹត្តិការណ៍ដ៏ពិសេសនេះ បង្កើតឡើងក្នុងគោលបំណងបង្ហាញបន្លែតាមស្រុកស្រែជនបទរបស់ខ្មែរ ប្រភេទបន្លែកម្រដែលមានតាមរដូវ បន្លែគ្រប់ប្រភេទដែលស៊ីគ្នាជាមួយគ្រឿងអន្លក់ វត្ថុធាតុដើម និងសមាសធាតុផ្សំរបស់មាតុភូមិ។ ក្នុងព្រឹត្តិការណ៍ដ៏ពិសេសនេះ មាតុភូមិ បានគាស់កកាយ និងប្រមូលផ្ដុំនូវបន្លែធម្មជាតិស្រស់ៗ គ្រប់កន្លែង គ្រប់រដូវ គ្រប់តំបន់ ដើម្បីដាក់បង្ហាញជូនទស្សនិកជន ក្នុងពិព័រណ៌បន្លែស្រុកស្រែ នៅថ្ងៃនេះ។

«ព្រឹត្តិការណ៍នេះក៏បង្ហាញផងដែរនូវអត្តសញ្ញាណ និងកិច្ចប្រឹងប្រែងរបស់មាតុភូមិដ៏អថកំបាំងក្នុងការលើកកម្ពស់សុខមាលភាពសង្គមតាមរយៈបន្លែសុខភាពជាច្រើនរយមុខនេះ»។ នេះជាការលើកឡើងរបស់នាយកប្រតិបត្តិរបស់មាតុភូមិ។

គួររំលឹកថា មាតុភូមិត្រូវបានបង្កើតឡើងនៅថ្ងៃទី ១៦ ខែ មិថុនា ឆ្នាំ ២០១៦ និងបានចុះបញ្ជិកាស្របច្បាប់ នៃម៉ាកកម្មសិទ្ធិបញ្ញមានឈ្មោះថា «មាតុភូមិ -ប្រហុក & គ្រឿងអន្លក់»។

មកទល់ បច្ចុបន្ននេះ មាតុភូមិ មានរហូតដល់ទៅ ៣០ សាខាហើយ។ មាតុភូមិ ត្រូវបានបង្កើតឡើងដោយមើលឃើញពីគុណតម្លៃ របស់បុព្វបរុសដូនតាខ្មែរ ដែលបានបន្សល់ទុក និងចរន្តនៃប្រែប្រួល ការគិតគូរសុខុមាលភាព និងការកំណត់យកអតិថិជនគោលដៅឲ្យប្រាកដ ព្រមជាមួយនូវការប្រមូលផ្ដុំអ្វីៗដែលមានស្រាប់ នៃជំនាញឯកទេស ក្នុងវិស័យម្ហូបអាហារ-អាហាដ្ឋាន និងការផ្ដល់ជូនអាហារដ្ឋានបែបប្រពៃណីខ្មែរពិតប្រាកដមួយ។ ក្នុងនោះ ក្រៅតែពីប្រាក់ចំណូល មាតុភូមិ មានគោលដៅធំមួយ ក្នុងការជួយសង្គមជាតិ ដោយណែនាំប្រជាពលរដ្ឋឲ្យត្រឡប់មកបរិភោគ នូវអាហារការពាររាង្គកាយ និងការលើកកម្ពស់សុខុមាលភាព និងចូលរួមលើកស្ទួយវប្បធម៌ ប្រពៃណីជាតិ៕