ពីនេះ ពីនោះ
ធ្វើល្អទៅ ទាន់នៅភ្នែកភ្លឺ!
× បទ ព្រហ្មគីតិ
ចិត្តប្រាប់ប្រឹងកនយើង ទាំងដៃជើងថ្លើមប្រមាត់
លំពែងសួតប្រយ័ត្ន
ខួរក្បាលចាត់បញ្ជាហើយ។
ធ្មេញមាត់ត្រចៀកភ្នែក កុំរារែកឫកកន្តើយ
អណ្តាតឆ្លាតឈ្លាសឆ្លើយ កុំភ្លេចឡើយអង្គអាត្មា។
គ្រប់អវយវៈ មិនស្ទើរស្ទាក់កាន់កិច្ចការ
តាមចិត្តនិងចេតនា ពេលកាយានៅដើរបាន។
គ្រាមួយអណ្តាតស្ពឹក មាត់លេបទឹកនឹករំខាន
ជើងដៃចាប់ស្អប់ប្រាណ ភ្នែកល្អក់ល្អានត្រចៀកថ្លង់។
ក្រពះលែងចង់បើក ប្រាណស្រាលស្ងើកចិត្តលែងផ្ចង់
លែងដឹងកែងកោងត្រង់ រឿងធ្លាប់ចង់លែងខ្ចីខ្វល់។
ច្នេះដឹងប្រឹងកុំដាក់ ស្រុះសស្រាក់សាងកុសល
ទាន់ញាណបានដឹងដល់ ប្រាណសល់ផលពេញកម្លាំង៕
© រក្សាសិទ្ធិដោយ thmeythmey.com