ជាតិ
បទយកការណ៍ / បទសម្ភាសន៍
វីដេអូ
លោក ជឿន ចននី ស្រាវជ្រាវអស់១៥ឆ្នាំ ទើបអាចបង្កើតយន្តហោះដែលអាចហោះបានកម្ពស់៥០ម៉ែត្រ
×![]()
ភ្នំពេញ៖ លោក ជឿន ចននី បានជោគជ័យក្នុងការផលិតយន្តហោះពិសោធន៍ខ្នាតតូចរបស់ខ្លួន បន្ទាប់ពីស្វ័យសិក្សា ស្រាវជ្រាវអស់រយៈពេល១៥ឆ្នាំមក។ លោក ចននី វ័យ២៨ឆ្នាំ ស្រឡាញ់ជាជីពជាអ្នកបើកយន្តហោះតាំងតែពីអាយុ៥ឆ្នាម្ល៉េះ ប៉ុន្តែដោយសារខ្លួនជាកូនកំព្រា គ្មានលទ្ធភាពរៀនជំនាញនេះ ហើយក៏សម្រេចចិត្តរៀនបរិញ្ញាបត្រ វិទ្យាសាស្ត្រសេដ្ឋកិច្ច។
សូមអញ្ជើញទស្សនាវីដេអូដូចតទៅ៖
ទោះយ៉ាងណាបុរសដែលមានស្រុកកំណើតនៅខេត្តកំពង់ចាម មិនដែលបោះបង់ក្តីស្រឡាញ់ធ្វើការងារពាក់ព័ន្ធនឹងយន្តហោះនេះម្តងណាឡើយ។ តាំងពីឆ្នាំ២០០៥មក ចននី បានស្រាវជ្រាវពីបច្ចេកទេស រូបមន្ត និងគន្លឹះផលិតយន្តហោះតាមយូធូប និងសៀវភៅ២ក្បាល ដែលរូបគេទទួលបានពីជនជាតិអូស្ត្រាលីម្នាក់។ លោក ចននី បញ្ជាក់ថា«បើមិនបានធ្វើអ្នកបើកកយន្តហោះ យ៉ាងហោចណាស់ក៏ត្រូវធ្វើអ្នកផលិតដែរ»។
បើតាមបុរសសម្បុរសណ្តែកបាយរូបនេះ យន្តហោះពិសោធន៍របស់គេ អាចហោះបានកម្ពស់ខ្ពស់បំផុត៥០ម៉ែត្រ ហើយវាអាចហោះបានយូរឬឆាប់អាស្រ័យលើថ្ម ហើយស្ថានភាពអាកាសធាតុជាអ្នកកំណត់ល្បឿនលឿនយឺត ហោះខ្ពស់ឬទាបរបស់យន្តហោះ។ លោក ជឿន ចននី រៀបរាប់ថា៖«យន្តហោះដែលកំពុងពិសោធន៍នោះមិនមែនជារបស់លេង តែសម្រាប់ពិសោធន៍អ្វីដែលបានរៀន និងការខិតខំស្រាវជ្រាវរយៈពេល១៥ ហើយចង់ដឹងថាឋនៅខ្វះខាតត្រង់ណា។ នៅពេលដែលមានថវិកាគ្រប់គ្រាន់ នឹងធ្វើយន្តហោះធំសម្រាប់ជិះម្នាក់ ដោយមានទំនុកចិត្តថា អាចធ្វើបាន»។
ដើម្បីផលិតយន្តហោះពិសោធន៍នេះ លោក ចននី បានបញ្ជាក់ថា ត្រូវគណនាឲ្យត្រូវក្បួន ទាំងគណនាកម្លាំង ទម្ងន់សរុប ផ្ទៃគណនាស្លាប ការរចនា និងបច្ចេកទេស ដែលចននីថា ជាចំណុចលំបាកជាងគេ។ ប៉ុន្តែទោះជាមានការលំបាកក្តី លោក ចននី មិនបោះបង់ឡើយ គឺមានតែការខិតខំប្រឹងខ្លាំងឡើង ទោះជាបច្ចុប្បន្នលោកកំពុងខ្វះខាតថវិកា សម្ភារ ការដឹកជញ្ជូន និងគ្មានទីតាំងទុកយានដែលខ្លួនផលិតក៏ដោយ៕
យុវជន គីម យ៉ាហូវ សមាជិកក្រុមគំនិត
Tag:
ផលិតយន្តហោះ
© រក្សាសិទ្ធិដោយ thmeythmey.com
