អត្ថបទពាណិជ្ជកម្ម
សាស្ដ្រាចារ្យ Cam Asean៖ « E-Learning អាចកាត់បន្ថយពេលវេលាសិក្សារហូតដល់ទៅ ២៥ ភាគរយ»
× កាលពីថ្ងៃទី ១៤ ខែ ធ្នូ ឆ្នាំ ២០១៩កន្លងទៅនេះ វិទ្យាស្ថានអន្តជាតិកម្ពុជាអាស៊ាន ហៅកាត់ថា Cam Asean បានរៀបចំវេទិកាមួយ ស្តីពី «ការសិស្សាសម័យថ្មីតាមរយៈប្រព័ន្ធអេឡិចត្រួនិក (E-Learning)»។ វេទិកាត្រូវបានរៀបចំឡើង នៅវិទ្យាស្ថានអន្តជាតិ Cam Asean ផ្ទាល់ ដើម្បីចែករំលែកនូវសារៈសំខាន់ របស់ E-Learning និងស្វែងយល់ពីបទពិសោធន៍ពីជ័យលាភី E-Learning រដូវកាលដំបូង។ វេទិកានេះ មានការចូលរួមពីសាស្ត្រាចារ្យជំនាញៗ ជ័យលាភីក្នុងការប្រកួត E-Learning ទាំង៣រូប និងសិស្សានុសិស្សជាច្រើនផ្សេងទៀត។
គួររំលឹកថា បច្ចេកវិទ្យាបានអភិវឌ្ឍន៍យ៉ាងខ្លាំងក្នុងយុគ្គសម័យនេះ ការរស់នៅប្រចាំថ្ងៃសុទ្ធសឹងតែប្រើប្រាស់បច្ចេកវិទ្យា។ ជាមួយគ្នានេះ ដែរការអភិវឌ្ឍន៍បច្ចេកវិទ្យា ក៏ជាផ្នែកក្នុងការជួយសម្រួល និងការផ្ដល់ការសិក្សាច្រើនរបៀប សម្រាប់សិស្សានុសិស្ស។ បើទោះជាមានជម្រើសច្រើនក៏ដោយ សាស្ត្រាចារ្យជំនាញ និងជ័យលាភីការប្រកួត E-Learning សុទ្ធតែណែនាំឲ្យជ្រើសរើស Website ណា ដែលអាចជឿទុកចិត្តបាន ព្រោះមាតិការបស់ Website នីមួយៗ អាចជះឥទ្ធិពលវិជ្ជមាន និងអវិជ្ជមានដល់អ្នកប្រើប្រាស់។
លោក WAYNE Messenger សាស្ត្រាចារ្យបានបង្ហាញថា ៖ « E-Learning អាចកាត់បន្ថយពេលវេលាសិក្សា រហូតដល់ទៅ ២៥ ភាគរយ។ លោកអ្នកសិក្សាបានគ្រប់ពេលវេលា គ្រប់ទីកន្លែង ជាពិសេសលោកអ្នក អាចអនុវត្តន៍ និងរៀនដដែលៗបានយ៉ាងងាយស្រួល»។
ក្នុងនោះ កញ្ញា EMILY Marques បានចែករំលែកវិធីសាស្ត្រក្នុងកាសិក្សាសិក្សាតាមរយៈ E-Learning ឲ្យមានប្រសិទ្ធភាពថា៖ « អ្នកទាំងអស់គ្នា ត្រូវចាត់ទុកថារៀនតាមរយៈ E-Learning ឲ្យដូចជារៀនក្នុងថ្នាក់អញ្ចឹង។ យើងត្រូវមានការកត់សម្គាល់ និងរៀនអានឲ្យខ្លាំងៗ, អនុវត្តន៍វាឲ្យល្អប្រសើរ។ ដូច្នេះលោកអ្នកអាចរំលឹក កែប្រែ និងធ្វើជាម្ដងហើយម្ដងទៀត, រៀបចំគម្រោងសិក្សាឲ្យច្បាស់លាស់ និងត្រូវមានពេលសម្រាកច្បាស់លាស់»។
បេក្ខជន វិសិដ្ឋ ដែលជាអ្នកឈ្នះក្នុងការប្រកួតប្រជែង E-Learning ក៏បានឲ្យដឹងថា ៖ « ខ្លួនពិតជាមានអារម្មណ៍រំភើបរីករាយ ដែលបានចូលរួម និងបានឈ្នះក្នុងការប្រកួតប្រជែង E-Learning ដែលបានរៀបចំឡើងដោយវិទ្យាស្ថាន Cam-Asean នេះ។ យុវជនដែលឈ្នះការប្រកួត ដែលមានអ្នកចូលរួមប្រកួតជាង ៤០ នាក់រូបនេះ បានក៏បានចែករំលែកបទពិសោធន៍របស់ខ្លួនផងដែរថា ៖ « មុនយើងចូលប្រកួត ដាច់ខាត់ត្រូវតែមានការប្តេជ្ញាចិត្តខ្លួនឯងជាមុនសិន ត្រូវតែបែងចែកពេលវេលាសម្រាប់ស្រាវជ្រាវ ឲ្យបានគ្រប់គ្រាន់ ជាពិសេស ត្រូវរកប្រភពដែលមានអាចទុកចិត្តបាន»៕
គួរំលឹកថា ការប្រកួតប្រជែង E-Learning ជុំផ្ដាច់ព្រ័ត្រធ្វើឡើង កាលពីថ្ងៃទី១៩ ខែ វច្ឆិកា ឆ្នាំ ២០១៩ កន្លងទៅនេះ។ ការប្រកួតដែលរៀបចំឡើងដោយវិទ្យស្ថានអន្តរជាតិកម្ពុជាអាស៊ាន Cam-Asean នេះ មានបេក្ខជនចូលរួមរហូតដល់ទៅជាង ៤០ នាក់។ ការប្រកួតរួមមាន គឺមានធ្វើត្តេសតាមរយៈអនឡាញ ការប្រកួតនិយាយសារធារណៈ និងការប្រកួតតស៊ូមតិ លើប្រធានបទ ទសវត្សទី ២១៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com