ពីនេះ ពីនោះ
ព័ត៍មានសុខភាព
×![]()
ដោយ: ថ្មីៗ
ភាគច្រើននៃពួកយើងប្រហែលជាមិនធ្លាប់ដឹងទេថាពណ៌ទឹកនោមអាចចង្អុលបង្ហាញឱ្យដឹងពីស្ថានភាពនៃសុខភាព។ ថាតើពណ៌នៃទឹកនោមអាចបង្ហាញឱ្យដឹងអ្វីខ្លះពីសុខភាពរបស់អ្នក? 
ខាងក្រោមយើង នឹងបង្ហាញឱ្យដឹងពីប្រភេទនៃពណ៌ទឹកនោម ៖
១. លឿងស្លេក ឬលឿងស្រាល
ចូរព្យាយាមរក្សាឱ្យបាននូវទឹកនោមពណ៌បែបនេះ! នោះក៏ព្រោះតែទឹកនោមពណ៌លឿងស្រាល ឬស្លេកមានន័យថារាងកាយរក្សាបាននូវកម្រិតជាតិទឹកត្រឹមត្រូវគ្រប់គ្រាន់។
២. ទឹកនោមពណ៌លឿងចាស់
ក៏ជាពណ៌ធម្មតានៃទឹកនោមផងដែរ។ ប៉ុន្តែទោះជាយ៉ាងណាអ្នកគួរព្យាយាមទទួលទានទឹកឱ្យបានច្រើនបន្តិចទៀត។ ពណ៌លឿងនៃទឹកនោមមានន័យថាអ្នកទទួលទានទឹកបានទាបជាងកម្រិតមធ្យមប៉ុណ្ណោះ។
៣. ពណ៌លឿងទុំដូចមាស
ទឹកនោមមានពណ៌បែបនេះមានន័យថាអ្នកទទួលទានទឹកមិនទាន់បានគ្រប់គ្រាន់។ ដូច្នេះចូរព្យាយាមទទួលទានទឹកបន្ថែម។ ហើយដើម្បីជាការប្រសើរអ្នកក៏គួររួមបញ្ចូលបន្លែផ្លែឈើក្នុងរបបអាហារផងដែរក៏ព្រោះវាមានផ្ទុកសម្បូរទៅដោយជាតិទឹកបន្ថែមពីលើជាតិសរសៃ វីតាមីន និងជាតិរ៉ែសំខាន់។
៤. ពណ៌ត្នោត
រាងកាយកំពុងខ្វះជាតិទឹកខ្លាំងហើយប្រសិនបើទឹកនោមប្រែជាពណ៌ត្នោត។ ហើយវាក៏ជារោគសញ្ញាមួយនៃបញ្ហាថ្លើម ឬតម្រងនោមផងដែរ។ ក្នុងករណីខ្លះទឹកនោមពណ៌ត្នោតគ្មានអ្វីគួរឱ្យព្រួយបារម្ភឡើយ។ ការទទួលទានអាហារ ឬថ្នាំមួយចំនួន។
៥. ផ្កាឈូក ឬក្រហម
ពេលខ្លះការទទួលទានអាហារពណ៌ក្រហមច្រើនអាចបណ្ដាលឱ្យទឹកនោមប្រែជាពណ៌ផ្កាឈូក ឬក្រហម។ ទោះជាយ៉ាងណាទឹកនោមមានពណ៌បែបនេះក៏ប្រហែលបណ្ដាលមកពីមានឈាមក្នុងទឹកនោមដែលអាចបង្កឡើងដោយបញ្ហាក្រួសក្នុងតម្រងនោម ឬក្រពេញប្រូស្តាតរីកធំជាដើម។
៦. ពណ៌ទឹកក្រូច
ការទទួលទានឱសថមួយចំនួនអាចបណ្ដាលឱ្យទឹកនោមមានពណ៌ទឹកក្រូច។ ហើយការទទួលទានអាហារជ្រលក់ពណ៌ ឬភេសជ្ជៈមានពណ៌ទឹកក្រូចច្រើនក៏ធ្វើឱ្យទឹកនោមមានពណ៌បែបនេះដូចគ្នា។ ទោះជាយ៉ាងណាអ្នកជំនាញផ្នែកសុខភាពជាច្រើននិយាយថាពេលខ្លះទឹកនោមពណ៌ទឹកក្រូចជារោគសញ្ញាមួយនៃបញ្ហាថ្លើម ឬប្រមាត់។
៧. ពណ៌បៃតង
ការទទួលទានអាហារដែលជ្រលក់ពណ៌បៃតង ការទទួលទានថ្នាំមួយចំនួន និងការឆ្លងមេរោគផ្លូវបង្ហូរនោមសុទ្ធតែអាចបណ្ដាលឱ្យទឹកនោមមានពណ៌បៃតង។
៨. ពណ៌ខៀវ
អាចលេចឡើងដោយសារការទទួលទានអាហារជ្រលក់ពណ៌ ឬភេសជ្ជៈពណ៌ខៀវច្រើន។ ទោះជាយ៉ាងណាវាក៏អាចបណ្ដាលមកពីបញ្ហាសុខភាពមួយចំនួនផងដែរដូចជាជំងឺលើសជាតិកាល់ស្យូមក្នុងឈាម។
៩. ពណ៌ខ្មៅ
វាពិតជាគួរឱ្យភ្ញាក់ផ្អើលណាស់ដែលទឹកនោមមានពណ៌ខ្មៅ! កត្តាជាច្រើនដែលបង្កបញ្ហានេះរួមមានការទទួលទានថ្នាំមួយចំនួនមានផ្ទុកសារធាតុ laxatives និងជាតិដែកជាដើម។
១០. គ្មានពណ៌
ប្រសិនបើទឹកនោមរបស់អ្នកគ្មានពណ៌អ្វីសោះនោះមានន័យថាអ្នកកំពុងទទួលទានទឹកច្រើនលើសពេកហើយ! ទឹកនោមគ្មានពណ៌ចង្អុលបង្ហាញឱ្យដឹងថាតម្រងនោមកំពុងធ្វើការខុសធម្មតាក្នុងការបញ្ចេញជាតិទឹកដែលលើសតម្រូវការចេញពីរាងកាយ។ ទឹកនោមគ្មានពណ៌ក៏អាចជាលទ្ធផលនៃការទទួលទានថ្នាំបញ្ចុះទឹកនោមផងដែរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
