ជាតិ
សេដ្ឋកិច្ច
CDC សម្រេចឱ្យក្រុមហ៊ុន៣ បោះទុនវិនិយោគជិត១២លានដុល្លារ លើវិស័យកាត់ដេរ
× ភ្នំពេញ៖ ក្រុមហ៊ុន ចំនួន៣ បានទទួលសិទ្ធវិនិយោគពីក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី១៨ ធ្នូ។ ក្រុមហ៊ុនទាំង៣នេះ ចំណាយទុនវិនិយោគសរុបជិត១២លានដុល្លារអាមេរិក។ នេះបើតាមក្រុមប្រឹក្សាអភិវឌ្ឍន៍កម្ពុជា។
ក្រុមហ៊ុនទាំង៣ ដែលទទួលបានសិទ្ធវិនិយោគនេះ រួមមាន៖ ក្រុមហ៊ុន «S W J (CAMBODIA) GARMENT CO., LTD» ដែលគ្រោងបង្កើតរោងចក្រកាត់ដេរសម្លៀកបំពាក់ នៅភូមិភូមិបូរីកម្មករ សង្កាត់ច្បារមន ខណ្ឌច្បារមន ខេត្តកំពង់ស្ពឺ ។ ក្រុមហ៊ុន គ្រោងទុនវិនិយោគប្រមាណ ៤, ៤លានដុល្លារអាមេរិក។
ដោយឡែកក្រុមហ៊ុន LEADING STAR (CAMBODIA) GARMENT CO., LTD ដែលមានគម្រោងបង្កើតរោងចក្រកាត់ដេរ និងចាក់សម្លៀកបំពាក់ ត្រៀមទុនវិនិយោគប្រមាណ ៥លានដុល្លារអាមេរិក។ ទីតាំងវិនិយោគនេះ ស្ថិតនៅភូមិព្រៃសលិច សង្កាត់ព្រៃស ខណ្ឌដង្កោ រាជធានីភ្នំពេញ ។
ចំណែកក្រុមហ៊ុន JAM STAR PACKAGING TECHNOLOGY CO.,LTD. គ្រោងបង្កើតរោងចក្រផលិតកេសកាតុង ប្រអប់ និងបោះពុម្ពគ្រប់ប្រភេទ ដែលមានទីតាំងវិនិយោគស្ថិតនៅភូមិទួលសាលា ឃុំព្រៃពួច ស្រុកអង្គស្នួល ខេត្តកណ្តាល ។ ក្រុមហ៊ុននេះ មានទុនវិនិយោគប្រមាណ ២,៤លានដុល្លារអាមេរិក ។
ក្រុមហ៊ុនទាំង៣នេះ អាចបង្កើតការងារបានចំនួន៣,៧១៥កន្លែង ដល់ប្រជាពលរដ្ឋ៕
Tag:
ក្រុមប្រឹក្សាអភិវឌ្ឍន៍ជាតិ
កាត់ដេរ
ឧស្សាហកម្ម
សេដ្ឋកិច្ច
© រក្សាសិទ្ធិដោយ thmeythmey.com