ជាតិ
កម្ពុជា និងរុស្ស៊ី ចុះMOU លើវិស័យសិទ្ធិមនុស្ស (ស្ដាំ)អនុប្រធានគណៈកម្មាធិការសិទ្ធិមនុស្សកម្ពុជាលោក ជិន ម៉ាលីន និងលោកស្រី Tafiana Moskalkova ឧត្តមស្នងការសិទ្ធិមនុស្សនៃសហព័ន្ធរុស្ស៊ី ចុះហត្ថលេខាលើអនុស្សារណៈវិស័យសិទ្ធិមនុស្ស នៅទីក្រុងមូស្គូ ប្រទេសរុស្ស៊ី
× ភ្នំពេញ៖ កម្ពុជា និងរុស្ស៊ី បានចុះអនុស្សារណយោគយល់គ្នា លើវិស័យសិទ្ធិមនុស្ស ដើម្បីជួយដោះស្រាយបញ្ហាគ្នាទៅវិញទៅមក។ អនុប្រធាន និងជាអ្នកនាំពាក្យគណៈកម្មាធិការសិទ្ធិមនុស្សកម្ពុជាលោក ជិន ម៉ាលីន និងលោកស្រី Tafiana Moskalkova ឧត្តមស្នងការសិទ្ធិមនុស្សនៃសហព័ន្ធរុស្ស៊ី ចុះហត្ថលេខាលើកិច្ចព្រមព្រៀង។ នេះបើតាមសេចក្តីប្រកាសពត៌មានរបស់គណៈកម្មាធិការសិទ្ធិមនុស្សកម្ពុជា នៅថ្ងៃទី២១ ធ្នូ។
អនុស្សារណៈ ដែលភាគីទាំងពីរព្រមព្រៀងគ្នានេះ គឺផ្ដោតទៅលើកិច្ចសហប្រតិបត្តិការវិស័យសិទ្ធិមនស្ស ដោយក្នុងនោះរួមមានការការពារសិទ្ធិពលរដ្ឋនៃប្រទេសទាំងពីរ និងគាំទ្រជួយគ្នាទៅវិញទៅមកក្នុងវេទិការថ្នាក់ជាតិ តំបន់ និងអន្តរជាតិ។ ក្រៅពីជួយគ្នានេះ ក៏មានការបណ្ដុះបណ្ដាល ចែករំលែក និងផ្លាស់ប្ដូរបទពិសោធន៍ និងការកសាងសមត្ថភាពដល់មន្ត្រីសិទ្ធិមនុស្សរបស់កម្ពុជាទៀតផងដែរ។ នេះបើតាមសេចក្តីប្រកាសព័ត៌មានដដែល៕
Tag:
សិទ្ធិមនុស្ស
ជិន ម៉ាលីន
រុស្ស៊ី
© រក្សាសិទ្ធិដោយ thmeythmey.com