ព្រោះត្រូវធ្វើជាម្ចាស់ផ្ទះស៊ីហ្គេម២០២៣ កម្ពុជា សុំឲ្យវៀតណាម ជួយវិស័យកីឡាកងទព័

កីឡាជាតិ

ជាតិ

ព្រោះត្រូវធ្វើជាម្ចាស់ផ្ទះស៊ីហ្គេម២០២៣ កម្ពុជា សុំឲ្យវៀតណាម ជួយវិស័យកីឡាកងទព័

25, Dec 2019 , 7:39 pm

រូបភាព

រូបពីក្រសួងការពារជាតិ

ដោយ: ថ្មីៗ

សម្តេច ទៀ បាញ់ រដ្ឋមន្ត្រីក្រសួងការពារជាតិកម្ពុជា ស្នើឲ្យនាយឧត្តមសេនីយ៍ ង៉ូ ស៊ុនលិច្ស រដ្ឋមន្ត្រីក្រសួងការពារប្រទេសវៀតណាម ពិនិត្យលទ្ធភាពក្នុងការជួយបង្វឹកនិងការបណ្តុះបណ្តាលលើវិស័យកីឡាកងទ័ពកម្ពុជា រួមទាំងការជួសជុល ការថែទាំហេដ្ឋារចនសម្ព័ន្ធ ការឧបត្ថម្ភនូវឧបករណ៍ សម្ភារៈ និង មធ្យោបាយ សម្រាប់ការហ្វឹកហាត់។ ជំនួបរវាងរដ្ឋមន្ត្រីទាំងពីរ គឺធ្វើឡើងកាលពីថ្ងៃទី២០ ខែធ្នូ ឆ្នាំ២០១៩ នៅទីក្រុងហាណូយ ហើយត្រូវបានចុះផ្សាយដោយក្រសួងការពារជាតិកម្ពុជា។

ក្រសួងការពារជាតិកម្ពុជា សរសេរថា ការស្នើសុំឲ្យវៀតណាមជួយនេះ គឺដោយសារតែកងយោធពលខេមរភូមិន្ទ មានភារកិច្ចនិងតម្រូវការចាំបាច់ ក្នុងការរៀបចំធ្វើជាម្ចាស់ផ្ទះស៊ីហ្គេម (Sea Game) ឆ្នាំ២០២៣។ បើតាមក្រសួងការពារជាតិកម្ពុជាដដែល លោក ង៉ូ ស៊ុនលិច្ស បានឯកភាពជាគោលការណ៍លើសំណើរបស់សម្តេចរដ្ឋមន្ត្រី ហើយលោក បានឲ្យស្ថាប័នជំនាញធ្វើការជាមួយគ្នា និង ដាក់ (សំណើនេះ) ចូលក្នុងផែនការនៃកិច្ចសហប្រតិបត្តការ ដើម្បីអនុវត្ត។

ក្នុងជំនួបនោះ រដ្ឋមន្ត្រីទាំងពីរ ក៏បានចុះហត្ថលេខាលើពិធីសារនៃកិច្ចសហប្រតិបត្តិការរយៈពេល៥ឆ្នាំ (២០២០ ដល់ ២០២៤ ) និងផែនការកិច្ចសហប្រតិបត្តិការឆ្នាំ២០២០ ផងដែរ៕