អន្តរជាតិ
ប្រមុខកងទ័ពតៃវ៉ាន់បាត់ខ្លួន ខណៈឧទ្ធម្ភាគចក្រដឹកលោកជួបបញ្ហាពេលចុះចតបន្ទាន់ ប្រធានសេនាធិការកងទ័ពតៃវ៉ាន់ ឧត្តមសេនីយ៍ Shen Yi-ming ។ រូបភាព Seattle Times
× ប្រមុខកងទ័ពតៃវ៉ាន់ កំពុងបាត់ខ្លួនក្នុងហេតុការណ៍ឧទ្ធម្ភាគចក្រមួយគ្រឿងដែលដឹកលោក និងមន្ត្រីយោធាជាច្រើនរូប បានជួបបញ្ហាពេលចុះចតនៅភាគខាងជើងដែនកោះនេះ។ នេះបើតាមការប្រកាសរបស់ក្រសួងការពារជាតិតៃវ៉ាន់នៅថ្ងៃទី២ ខែមករានេះ។ ប្រតិបត្តិការជួយសង្គ្រោះ កំពុងតែធ្វើឡើងដើម្បីស្វែងរកអ្នកបាត់ខ្លួន។
ឧទ្ធម្ភាគចក្រ UH-60M ដែលដឹកឧត្តមសេនីយ៍ Shen Yi-ming ប្រធានសេនាធិការកងទ័ពតៃវ៉ាន់ និងមនុស្ស១៣នាក់ទៀត បានចុះចតនៅតំបន់ភ្នំមួយក្បែរទីក្រុងតៃប៉ិ ប៉ុន្តែមិនមានមូលហេតុជាក់លាក់នាំឲ្យមានការចុះចតឡើយ។ ក្រសួងការពារជាតិតៃវ៉ាន់ បញ្ជាក់បែបនេះក្នុងសេចក្ដីថ្លែងការណ៍នៅថ្ងៃទី២ ខែមករា។
មនុស្ស១០នាក់ ត្រូវបានរកឃើញនៅមានជីវិត។ ឧត្តមសេនីយ៍ទ័ពអាកាស Shen និងមនុស្សពីរនាក់ បន្តបាត់ខ្លួននៅឡើយ។ ប្រតិបត្តិការរុករកកំពុងធ្វើឡើងដើម្បីរកមន្ត្រីជាន់ខ្ពស់យោធារបស់ប្រទេស។
បើតាមទីភ្នាក់ងារព័ត៌មាន AFP ឧទ្ធម្ភាគចក្រនេះ ទើបចាប់ហោះឡើងក្នុងទិសដៅទៅកាន់បន្ទាយយោធាមួយកន្លែងនៅតំបន់ Yilan ។ លោក Shen មានភារកិច្ចដើម្បីសាកសួរសុខទុក្ខកងទ័ពមុនឱកាសចូលឆ្នាំប្រពៃណី៕
Tag:
តៃវ៉ាន់
Shen Yi-ming
© រក្សាសិទ្ធិដោយ thmeythmey.com