កីឡាអន្តរជាតិ
អន្តរជាតិ
Ronaldo និង Messi នឹងបំបែកកំណត់ត្រាអ្វីខ្លះទៀតនៅទសវត្សរ៍ថ្មី ឆ្នាំ២០២០?
× កំពូលកីឡាករ Cristiano Ronaldo និង Lionel Messi ត្រូវបានចារក្នុងសៀវភៅប្រវត្តិសាស្ត្រកីឡាបាល់ទាត់នារយៈពេលជាងមួយទសវត្សរ៍ចុងក្រោយមកហើយ តាមរយៈភាពលេចធ្លោលើទីលានរបស់ពួកគេ។ ឈានដល់ឆ្នាំ២០២០នេះ អ្នកទាំងពីរនឹងត្រូវចាប់ផ្តើមដំណាក់កាលថ្មីមួយទៀតនៅក្នុងអាជីពមួយនេះ។
Super Stars ទាំងពីររូប សង្ឃឹមថានឹងជំរុញក្រុមរៀងៗខ្លួនក្នុងការដណ្តើមពានក្នុងស្រុក រួមទាំង UEFA Champions League នៅរដូវកាលនេះ។ Ronaldo ត្រូវជួយ Juventus ដើម្បីប្រជែងពានអ៊ីតាលី Serie A ដោយត្រូវប្រជែងយ៉ាងខ្លាំងក្លាជាមួយ Inter Milan ខណៈ Messi ត្រូវដឹកនាំ Barcelona ត្រូវប្រឈមជាមួយ Real Madrid ដែលជាគូប្រជែងចាស សម្រាប់ជើងឯក La Liga។
Messi ខ្សែបម្រើសញ្ជាតិអាហ្សង់ទីន បានជួយ Barca នៅលើកំពូលតារាងលីគកំពូលអេស្ប៉ាញ ដោយមាន២ពិន្ទុឈរលើក្រុមលេខពីរ Real ដោយស៊ុតបញ្ចូលទីចំនួន ១១គ្រាប់ ក្នុងការប្រកួត១០លើកចុងក្រោយ។ សម្រាប់ក្របខណ្ឌកំពូលអឺរ៉ុបវិញ ក្រុមរហស្សនាមអ្នកមានបុណ្យបានឈានទៅវគ្គ១៦ក្រុមចុងក្រោយ ដោយត្រូវប៉ះ Napoli។
Ronaldo ស៊ុតបាន៥គ្រាប់ ក្នុងការបង្ហាញខ្លួន៤ប្រកួតចុងក្រោយ ដោយនាំសេះបង្កង់ឈរកំពូលតារាងលីគកំពូលអ៊ីតាលី ប៉ុន្តែមានពិន្ទុស្មើជាមួយ Inter Milan ៤២ពិន្ទុដូចគ្នា។ Juventus ក៏បានឆ្លងដល់វគ្គ១៦ក្រុម Champions League ផងដែរ ដោយត្រូវតតាំងជាមួយក្រុមពីបារាំង Lyon។
វ័យ៣២ឆ្នាំ Messi ដែលម្ចាស់ពាន Ballon D'or ៦សម័យ មានអាយុប្អូន Ronaldo ចំនួន២ឆ្នាំ។ បើទោះវ័យជ្រែបន្តិចក្តី តែអ្នកទាំងពីរហាក់ដូចជាមិនទាន់ធ្លាក់ទម្រង់លេងនៅឡើយនោះទេ ហើយថែមទាំងនៅរក្សាល្បឿនថាមពល និងកម្លាំងស៊ុសយ៉ាងល្អទៀតផង។
ក្នុងដំណើរឆ្ពោះទៅរកការដណ្តើមជើងឯកលីគក្នុងស្រុក និង Champions League រដូវកាលនេះ គឺជាការចាប់ផ្តើមដ៏អស្ចារ្យសម្រាប់ Messi និង Ronaldo សម្រាប់ឆ្នាំថ្មី ឆ្នាំ២០២០ និងជាឱកាសសម្រាប់ពួកគេបំបែកកំណត្រាថ្មីៗជាបន្តបន្ទាប់ទៀត៕
Tag:
Cristiano Ronaldo
Lionel Messi
© រក្សាសិទ្ធិដោយ thmeythmey.com