ជាតិ
អភិបាលរងរាជធានីស្នើឲ្យបុគ្គលិកតវ៉ានៅស៊ិនទ្រីចាំដំណោះស្រាយយ៉ាងយូរថ្ងៃទី១៥ខែមករា
× បុគ្គលិកផ្នែកបម្រើសេវាអតិថិជិនរបស់ក្រុមហ៊ុនប្រមូលសំរាមស៊ិនទ្រី ជិត៩០នាក់បានប្រមូលផ្តុំគ្នាតវ៉ានៅមុខក្រុមហ៊ុន ដើម្បីទាមទារដំណោះស្រាយ ក្រោយករណីបញ្ឈប់ពួកគាត់ពីការងារ។ ក្រោយការតវ៉ាជាង២ម៉ោងនារសៀលថ្ងៃទី២ ខែមករា នេះ លោក ហួត ហៃ អភិបាលរងរាជធានីភ្នំពេញ បានហៅតំណាងទៅពិភាក្សា។ ជាងកន្លះម៉ោងក្រោយ គូភាគីទាំងអស់យល់ព្រមរង់ចាំមើលដំណោះស្រាយពីខាងក្រុមហ៊ុនយ៉ាងយូរថ្ងៃទី១៥ ខែមករា។
លោក ហួត ហៃ បានបញ្ជាក់ប្រាប់សារព័ត៌មានថ្មីៗ ថា លោកស្នើឲ្យបុគ្គលិកស៊ិនទ្រីដែលតវ៉ា ផ្អាកសកម្មភាពកូតកម្ម ដើម្បីរង់ចាំមើលដំណោះស្រាយ ព្រោះបច្ចុប្បន្ននេះ ថ្នាក់ដឹកនាំក្រុមហ៊ុនដែលមានសិទ្ធិសម្រេចចិត្តសុទ្ធតែមានបេសកកម្មនៅក្រៅប្រទេស ហើយលោកនឹងលើកយកបញ្ហាទៅពិភាក្សាជាមួយថ្នាក់ដឹកនាំរាជធានី។
តំណាងអ្នកតវ៉ា បានបញ្ជាក់ថា ពួកគាត់ចង់បានដំណោះស្រាយធំៗពី គឺ ការទទួលបានសំណង១០០ភាគរយតាមច្បាប់ការងារ និងស្នើឲ្យរដ្ឋាករស្វ័យតរាជធានីភ្នំពេញ ទទួលយកពួកគាត់ទៅបម្រើការងារ។
© រក្សាសិទ្ធិដោយ thmeythmey.com