ONE Championship
កីឡាជាតិ
ជាតិ
×![]()
ដោយ: ថ្មីៗ
ONE Championship បានរកឃើញកីឡាករគុនចម្រុះល្អដាច់គេចំនួន ៥ រូបប្រចាំឆ្នាំ ២០១៩។ ពួកគេសុទ្ធតែឈ្នះ និងការពារខ្សែក្រវាត់បានសម្រេចនៅឆ្នាំចាស់កន្លងទៅនេះ។ ពួកគេបង្កើតកំណត់ត្រា និងប្រវត្តិសាស្ត្រដ៏មានប្រសិទ្ធភាពរួមទាំងបច្ចេកទេសល្អឯកនៅលើសង្វៀនលំដាប់ពិភពលោក ONE។ 
ខាងក្រោមនេះជាសមិទ្ធផលរបស់កីឡាករទាំង ៥ រូបដោយភ្ជាប់នឹងការរៀបរាប់លម្អិតដូចតទៅ។
#1 Christian Lee
ជើងខ្លាំងប្រចាំឆ្នាំ ២០១៩ ទី១ គឺ Christian Lee ឬ «The Warrior» ដែលធ្វើបានល្អបំផុតក្នុងរយៈពេល១២ខែមកនេះ។ Lee ឈ្នះខ្សែក្រវាត់ពីរនៅសង្វៀនលំដាប់ពិភពលោក The Home Of Martial Arts។ កាលខែ មករា ជើងខ្លាំងរបស់សិង្ហបុរី បើកទំព័រដើមឆ្នាំនៅពេលផ្ដួលកីឡាករហ្វីលីពីន Edward Kelly ឲ្យសន្លប់ក្នុងកម្មវិធី ONE: ETERNAL GLORY ក្រោយធ្វើមិនបានល្អទាល់តែសោះនៅឆ្នាំ ២០១៨។
ក្រោយមកទៀត Lee ត្រូវបានផ្គូផ្គងឲ្យប្រកួតទល់នឹងមិត្តរបស់ខ្លួន និង ជាអតីតកីឡាករធ្លាប់ហ្វឹកហាត់ជាមួយគ្នា Shinya “Tobikan Judan” Aoki បន្ទាប់ពីកីឡាករជប៉ុនរូបនេះឈ្នះខ្សែក្រវាត់ ONE Lightweight World Championship ក្នុងកម្មវិធី ONE: A NEW ERA កាលខែ មីនា។ អ្នកទាំងពីរជួបគ្នាក្នុងកម្មវិធី ONE: ENTER THE DRAGON កាលខែ ឧសភា ហើយ «The Warrior» បានប្រើក្បាច់ដៃគាបម្ចាស់ខ្សែក្រវាត់នៅទឹកទី១ តែមិនបញ្ហា។ ប៉ុន្តែទឹកទី២ Lee បានប្រើកណ្ដាប់ដៃផ្ដួល Aoki ឲ្យសន្លប់ និង ឈ្នះខ្សែក្រវាត់តែម្ដង។
មិនយូរប៉ុន្មានជើងខ្លាំងវ័យក្មេងមកពីសិង្ហបុរីក៏ឈ្នះខ្សែក្រវាត់ ONE Lightweight World Grand Prix បន្ថែមទៀតនៅក្នុងកម្មវិធី ONE: CENTURY PART I កាលខែតុលាដែលរៀបចំនៅប្រទេសជប៉ុន។ Lee យកឈ្នះពិន្ទុ Saygid Guseyn Arslanaliev ក្រោយចប់ ៣ទឹកដើម្បីគ្រងខ្សែក្រវាត់ ONE Lightweight World Grand Prix Championship។ Lee ជាកីឡាករវ័យក្មេងមានកម្រិតប្រកួតចាស់ទុំដ្បិតអាយុត្រឹម ២១ ឆ្នាំក៏ដោយ។ ត្រឹមវ័យ២១ឆ្នាំ គេបានឈ្នះខ្សែក្រវាត់សំខាន់ចំនួន២ក្នុងប្រភេទទម្ងន់របស់ខ្លួន។ នេះគ្រាន់តែជាចាប់ផ្ដើម ហើយនៅមានបន្តបន្ទាប់ទៀត។
#2 Aung La N Sang
Aung La N Sang ឬ “The Burmese Python” គឺស្ដេចកីឡាករគុនចម្រុះម្នាក់ក្នុងប្រភេទទម្ងន់ធ្ងន់ ក្រោយពីរូបគេការពារខ្សែក្រវាត់បានសម្រេចទាំងពីរខ្សែក្នុងពីរប្រភេទទម្ងន់ដូចជា middleweight និង light heavyweight។ ក្នុងកម្មវិធី ONE: A NEW ERA កាលខែមីនា កីឡាករល្អបំផុតប្រចាំឆ្នាំ ២០១៨ បានផ្ដួលកីឡាករជប៉ុន Ken Hasegawa ឲ្យសន្លប់ត្រឹមទឹកទី២។
កាលខែ តុលា Aung La N Sang ផ្ដួលជើងខ្លាំងទម្ងន់ Heavyweight កីឡាករ Brandon Vera ក្នុងកម្មវិធី ONE: CENTURY PART II។ ជើងខ្លាំងទម្ងន់ធ្ងន់មកពីមីយ៉ាន់ម៉ា ប្រើពេលត្រឹម ២ទឹកប៉ុណ្ណោះដើម្បីផ្ដួល កូនកាត់ហ្វីលីពីន-អាមេរិកឲ្យចុះចាញ់លើកដំបូងនៅសង្វៀនកម្រិតពិភពលោក ONE។
#3 Martin Nguyen
ម្ចាស់ខ្សែក្រវាត់ ONE Featherweight World Champion កីឡាករ Martin Nguyen ឬ “The Situ-Asian” ជាកីឡាករកម្រិតខ្ពស់ម្នាក់ក្នុងទម្ងន់របស់គេដោយយកឈ្នះកីឡាករខ្លាំងៗជាបន្តបន្ទាប់ដើម្បីការពារខ្សែក្រវាត់របស់ខ្លួន។ កូនកាត់វៀតណាមអូស្ត្រាលី ផ្ដួលកីឡាករម៉ុងហ្គោលី Narantungalag Jadambaa ដោយក្បាច់ពិសេសមិនគួរជឿ គឺ ជង្គង់ហោះនៅទឹកទី២ក្នុងកម្មវិធី ONE: ROOTS OF HONOR កាលខែមេសា។ ក្រោយមក “The Situ-Asian” ត្រលប់មកប្រកួតនៅក្នុងកម្មវិធី ONE: DAWN OF HEROES ហើយរូបគេនៅតែបញ្ចប់កីឡាករជប៉ុន Koyomi Matsushima ឲ្យសន្លប់ត្រឹមទឹកទី២ ដដែល។
Nguyen នៅតែរក្សាខ្សែក្រវាត់ ONE Lightweight World Title របស់ខ្លួន និង បន្តប្រឹងប្រែងហ្វឹកហាត់នៅក្លិប Hard Knocks 365 និង Sanford MMA នៅសហរដ្ឋអាមេរិកយ៉ាងខ្លាំងដើម្បីឡើងការពារខ្សែក្រវាត់បន្តទៀត។
#4 Demetrious Johnson
មិនធម្មតាទេ Demetrious “Mighty Mouse” Johnson ជាកីឡាករគុនចម្រុះល្អបំផុតម្នាក់ក្នុងប្រវត្តិសាស្ត្រដោយបង្កើតភាពភ្ញាក់ផ្អើលនៅឆ្នាំដំបូងរបស់ ONE។ Johnson ដែលជាកីឡាករមកពីអាមេរិកភាគខាងជើង បង្ហាញខ្លួនដំបូងក្នុងការប្រកួតដណ្ដើមខ្សែក្រវាត់ ONE Flyweight World Grand Prix ទល់នឹង Yuya Wakamatsu ក្នុងកម្មវិធី ONE: A NEW ERA ហើយគេបញ្ចប់កីឡាករជប៉ុនត្រឹមទឹកទី២។
មុនឡើងវគ្គផ្ដាច់ព្រ័ត្រ គេឈ្នះកីឡាករជប៉ុនម្នាក់ទៀត Tatsumitsu Wada ដោយពិន្ទុជាឯកច្ឆន្ទ នៅក្នុងកម្មវិធី ONE: DAWN OF HEROES កាលខែ សីហា។ កីឡាករមកពីអាមេរិកបន្តជួប Danny “The King” Kingad នៅវគ្គផ្ដាច់ព្រ័ត្រពីកម្មវិធីខ្សែក្រវាត់ខាងលើនៅ ONE: CENTURY PART I ហើយក៏ឈ្នះខ្សែក្រវាត់ ONE Flyweight World Grand Prix Championship។ ក្នុងការប្រកួតបន្ទាប់ រូបគេអាចប៉ះជើងខ្លាំង Adriano “Mikinho” Moraes ក្នុងឆ្នាំ២០២០។
#5 Kiamrian Abbasov
ស៊ុបពើស្ដារមកពីកៀស៊ីហ្សីស្ថាន Kiamrian “Brazen” Abbasov បានអភិវឌ្ឍខ្លួនឆ្នាំ ២០១៩ បានយ៉ាងល្អក្នុងទម្ងន់ welterweight ហើយក្រោយមករូបគេមានឱកាសឡើងដណ្ដើមខ្សែក្រវាត់។ He កីឡាកររូបនេះផ្ដួលកីឡាករជប៉ុន Yushin “Thunder” Okami ឲ្យសន្លប់ក្នុងកម្មវិធី ONE: FOR HONOR កាលខែឧសភា មុនដណ្ដើមខ្សែក្រវាត់ពី Zebaztian “The Bandit” Kadestam។ Abbasov មានការប្រកួតកម្រិតខ្ពស់ទល់កីឡាករស៊ុយអែតនៅក្នុងកម្មវិធី ONE: DAWN OF VALOR កាលខែតុលា។ គេគ្រប់គ្រងការប្រកួតបានល្អទល់នឹងម្ចាស់ខ្សែក្រវាត់ Kadestam។ ទីបំផុត “Brazen” ឈ្នះខ្សែក្រវាត់ ONE Welterweight World Champion ដែលជាកាដូមុនឆ្នាំ ២០២០។
កុំភ្លេចទស្សនា កម្មវិធីបន្ទាប់របស់ស្ថាប័ន ONE Championship សូមទស្សនា ONE: A NEW TOMORROW នៅថ្ងៃទី ១០ ខែ មករា ចាប់ពីវេលាម៉ោង ៧ ល្ងាចតទៅដែលមានផ្សាយផ្ទាល់តាមរយៈ Facebook, Twitter, YouTube,និង ONE Super App៕
© រក្សាសិទ្ធិដោយ thmeythmey.com
