អង្គការជីវិតសត្វស្លាប រាប់ឃើញសត្វក្រៀលជាង១០០ក្បាល នៅបឹងព្រែកល្ពៅ

ជាតិ

សង្គមជាតិ

អង្គការជីវិតសត្វស្លាប រាប់ឃើញសត្វក្រៀលជាង១០០ក្បាល នៅបឹងព្រែកល្ពៅ

03, Jan 2020 , 8:19 pm

រូបភាព

រូបពី AKP

ដោយ: ថ្មីៗ

អង្គការជីវិតសត្វស្លាបអន្តរជាតិ (BirdLife) បានធ្វើជំរឿនសត្វក្រៀលនៅតំបន់ការពារទេសភាពបឹងព្រែកល្ពៅ ពីថ្ងៃទី៣០ ដល់ថ្ងៃទី៣១ ខែធ្នូ ឆ្នាំ២០១៩ ដោយបានកត់ត្រាសត្វក្រៀលបាន១០៥ក្បាល។ នេះបើតាមការចុះផ្សាយរបស់ទីភ្នាក់ងារសារព័ត៌មានកម្ពុជា (AKP)។

ទិន្នន័យអំពីសត្វក្រៀលនៅបំណាច់ឆ្នាំ២០១៩នេះ គឺប្រហែលនឹងឆ្នាំ២០១៨ដែរ ក៏ប៉ុន្តែ អង្គការជីវិតសត្វស្លាបអន្តរជាតិ សង្កេតឃើញថា កង្វះទឹកនៅបឹងព្រែកល្ពៅនៅឆ្នាំ២០១៩ មានសភាពធ្ងន់ធ្ងរជាងឆ្នាំ២០១៨។ តំបន់ការពារទេសភាពបឹងព្រែកល្ពៅ ជាតំបន់ដ៏សំខាន់មួយ សម្រាប់ទ្រទ្រង់ការរស់នៅរបស់សត្វក្រៀលកម្រនៅរដូវមិនបន្តពូជ។

បើតាម AKP មន្ត្រីនៃអង្គការជីវិតសត្វស្លាបអន្តរជាតិ បានអំពាវនាវឲ្យប្រជាពលរដ្ឋ ចូលរួមការពារតំបន់ដីសើមនេះ ដោយមិនត្រូវបង្កការរំខានដល់សត្វឡើយ និងជួយទប់ស្កាត់ការទន្ទ្រានយកដី។ តំបន់ទេសភាព បឹងព្រែកល្ពៅ ស្ថិតនៅក្នុងភូមិសាស្ត្រ ស្រុកកោះអណ្ដែត ខេត្តតាកែវ ត្រូវបានដាក់បញ្ចូលក្នុងតំបន់អភិរក្សកាលពីឆ្នាំ២០១៦ ដោយគ្របដណ្ដប់លើផ្ទៃដី ៨ ៣០៥ហិកតា៕