ជាតិ
២៥ខេត្ត/រាជធានី
រលំអគារនៅកែប៖អាជ្ញាធរសង្គ្រោះបានមនុស្ស១៧នាក់ ក្នុងនោះ២នាក់បានស្លាប់
× គិតមកទល់ពេលនេះ មានមនុស្ស២នាក់បានស្លាប់ ក្នុងចំណោមមនុស្សចំនួន ១៧នាក់ដែលត្រូវបានសង្គ្រោះចេញពីគំនរបែកបាក់អគារដែលបាក់រលំនៅខេត្តកែប។ នេះបើយោងតាមលោក កែន សត្ថា អភិបាលខេត្តកែបដែលបានប្រាប់សារព័ត៌មានថ្មីៗតាមទូរសព្ទ នៅម៉ោង៧កន្លះយប់ថ្ងៃទី៣មករានេះ។
លោកអភិបាលខេត្ត អះអាងថា អ្នកស្លាប់នោះ គឺប្រុសម្នាក់ និងស្រីម្នាក់។
កម្លាំងសមត្ថកិច្ច កំពុងបន្តជួយសង្គ្រោះអ្នកដែលស្លិតក្នុងអគារបាក់រលំនោះ។ សម្តេចនាយករដ្ឋមន្រ្តី ហ៊ុន សែន កំពុងធ្វើដំណើរទៅកាន់កន្លែងបាក់អគារ ដើម្បីបញ្ជាកម្លាំងជួយសង្គ្រោះដោយផ្ទាល់៕
© រក្សាសិទ្ធិដោយ thmeythmey.com