សម្តេច ហ៊ុន សែន ទៅដល់កន្លែងបាក់អគារហើយ និងកំពុងបញ្ជាកម្លាំងរុករកជនរងគ្រោះ

ជាតិ

សង្គមជាតិ

សម្តេច ហ៊ុន សែន ទៅដល់កន្លែងបាក់អគារហើយ និងកំពុងបញ្ជាកម្លាំងរុករកជនរងគ្រោះ

03, Jan 2020 , 9:54 pm

រូបភាព

ដោយ: សារព័ត៌មានថ្មីៗ

នៅម៉ោងប្រមាណ៩និង៤០នាទីយប់ថ្ងៃទី៣ ខែមករា សម្តេចនាយករដ្ឋមន្រ្តី ហ៊ុន សែន បានទៅដល់ទីតាំងបាក់អគារ៧ជាន់ នៅជិតវត្តសមាធិ ក្នុងក្រុងកែប។ សម្តេច ជាមួយលោក គន់ គីម កំពុងដឹកនាំស្វែងរកជនរគ្រោះក្នុងអគារបាក់រលំនោះ។

មុននឹងទៅដក់កន្លែងបាក់អគារ សម្តេចនាយករដ្ឋមន្រ្តី បានឈានចូលទៅមើលជនរងគ្រោះ ដែលត្រូវបានយកចេញពីអគារបាក់រលំនោះ ហើយបញ្ជូនទៅព្យាបាលនៅមន្ទីរពេទ្យ។ អគារនេះ បាក់រលំនៅម៉ោងប្រមាណ៤ល្ងាចថ្ងៃទី៣ មករា។

គេមិនទាន់ឃើញមានអ្នកជំនាញឬមន្រ្តីណា ចេញមកអះអាងឡើយថា ការបាក់អគារនេះ បណ្តាលមកពីមូលហេតុអ្វី។ តែគេសន្និដ្ឋានថា ទំនងជាសាងសង់ខុសបច្ចេកទេស ឬក៏អាចគ្មានច្បាប់អនុញ្ញាត៕

អត្ថបទទាក់ទង

បាក់អគារនៅកែប៖ ត្រឹមម៉ោង៨:៤០នាទីយប់ រកឃើញជនរងគ្រោះ១៩នាក់ ដោយ៤នាក់បានស្លាប់