ពីនេះ ពីនោះ
រូបត្លុក
ឆ្នាំ២០២០ លែងត្រូវការមន្ត្រីជើង១០ តែមន្ត្រីជើង២!
× ភ្នំពេញ៖ មានមន្ត្រីជាច្រើនហើយដែលប្រឹងប្រែងធ្វើការបម្រើរាស្ត្រទាំងយប់ទាំងថ្ងៃ។ មន្ត្រីមួយចំនួនធំធ្វើការមិនខ្លាចនឿយហត់, មានឆន្ទៈធ្វើឲ្យសម្រេចគោលដៅរបស់ស្ថាប័នសម្រាប់ផលប្រយោជន៍ប្រជារាស្ត្រ និងប្រជាជាតិ, ខ្វល់ខ្វាយពីកិត្តិយសជាតិនៅលើឆាកអន្តរជាតិ។ល។ តែក៏មានដែរមន្ត្រីជើង១០ មួយចំនួន មានន័យថា ខ្ជិល, គ្មានគំនិតច្នៃប្រឌិត, ធ្វើការតិចតួច, និយាយច្រើន, ទ្រឹស្តីហៀរកែង, គិតតែពីអង្គុយលេងហ្វេសប៊ុក និងប្រយោជន៍ផ្ទាល់ខ្លួន។ល។
តើមន្ត្រីជើង១០ មាននន័យខុសពីមន្ត្រីជើង២ដូចម្តេច? មន្ត្រីជើង១០(តុជើង៤ កៅអីជើង៤ និងបុគ្គលខ្លួនជើងជើង២) គឺជាមន្ត្រីខ្ជិល, មិនសូវចុះមូលដ្ឋាន, យកតំណែងមកបង្អួតគេ, មិនចុះផ្ទាល់ក្តាប់សភាពការណ៍ពិត, រង់ចាំមើលតែរបាយការណ៍ ឬអង្គុយតែនៅហាងកាហ្វេ។ល។ រីឯ មន្ត្រីជើង២(បុគ្គលផ្ទាល់ខ្លួនឯង) គឺជាមន្ត្រីសកម្ម, ចុះគ្រប់ច្រកល្ហកជួបរាស្ត្រ, ជួយរាស្ត្រ, បង្កើតគំនិតថ្មីៗសម្រាប់ អភិវឌ្ឍសេដ្ឋកិច្ចមូលដ្ឋាន។ រាស្ត្រត្រូវការពេលណា ឃើញមុខមន្ត្រីជើង២ ភ្លាមមួយរំពេច។
សរុបសេចក្តីមកវិញ នៅឆ្នាំ២០២០នេះ រាស្ត្រត្រូវការមន្ត្រីជើង២ ច្រើនជាងមន្ត្រីជើង១០៕
© រក្សាសិទ្ធិដោយ thmeythmey.com