អន្តរជាតិ
ជនរងគ្រោះដោយសារទឹកជំនន់រាប់ម៉ឺននាក់នៅឥណ្ឌូណេស៊ីបន្ដស្នាក់នៅក្នុងជម្រកបណ្ដោះអាសន្ន
ក្រុមជួយសង្គ្រោះជម្លៀសពលរដ្ឋចេញពីផ្ទះលិចទឹក នៅជាយក្រុងហ្សាការតា ប្រទេសឥណ្ឌូណេស៊ី កាលពីថ្ងៃទី១ ខែមករា ឆ្នាំ២០២០។
×![]()
ដោយ: VOA
មនុស្សយ៉ាងហោចណាស់ចំនួន៦០នាក់បានស្លាប់ ហើយមនុស្សជិតមួយសែននាក់ទៀតមិនអាចត្រឡប់ទៅផ្ទះវិញបាន ក្រោយពីភ្លៀងធ្លាក់ខ្លាំងបានបង្កឲ្យមានទឹកជំនន់នៅក្នុងនៅរដ្ឋធានីហ្សាការតា ប្រទេសឥណ្ឌូណេស៊ី អស់រយៈពេលប៉ុន្មានថ្ងៃ។
ក្រុមមន្ត្រីវេជ្ជសាស្ត្រប្រមាណចំនួន១ម៉ឺន១ពាន់នាក់ត្រូវបានបញ្ជូនទៅកាន់ទីក្រុងហ្សាការតាទាំងមូល កាលពីថ្ងៃអាទិត្យ ដើម្បីបាញ់ថ្នាំ និងចែកចាយថ្នាំពេទ្យ ដើម្បីទប់ស្កាត់ឲ្យជំងឺឆ្លងរាលដាល ដូចជាជាជំងឺគ្រុនឈាមជាដើម ដោយសារតែទីក្រុងនេះនៅតែលិចទឹកនៅឡើយ។
មនុស្សរាប់ម៉ឺននាក់កំពុងស្នាក់នៅក្នុងទីជម្រកបណ្ដោះអាសន្ននៅឡើយ ដែលភាគច្រើនស្ថិតនៅភាគខាងលិចទីក្រុងហ្សាការតា។ អ្នកជំនាញខាងអាកាសធាតុក្នុងប្រទេសឥណ្ឌូណេស៊ីបានបញ្ជាក់ថា នឹងនៅតែមានភ្លៀងធ្លាក់ក្នុងរយៈពេលប៉ុន្មានថ្ងៃខាងមុខនេះ។
ភ្លៀងធ្លាក់ឥតឈប់ឈរកាលពីសប្ដាហ៍មុនបានធ្វើឱ្យលិចលង់តំបន់ចំនួន២៦៨កន្លែងនៅក្នុងប្រទេសឥណ្ឌូណេស៊ី នេះបើតាមគេហទំព័ររបស់អង្គការកាកបាទក្រហមនិងអឌ្ឍចន្ទក្រហម។
សេដ្ឋវិទូអាស៊ីអាគ្នេយ៍និយាយថា រដ្ឋធានីហ្សាការតាមិនមានប្រព័ន្ធបង្ហូរទឹកគ្រប់គ្រាន់ដើម្បីទប់ទល់នឹងព្យុះធំៗបានទេ៕
© រក្សាសិទ្ធិដោយ thmeythmey.com
