នាយករដ្ឋមន្ត្រីកម្ពុជា៖ ប្រជាធិបតេយ្យនិងសិទ្ធិមនុស្ស ត្រូវបានលើកកម្ពស់ឥតឈប់ឈរ, គ្មានមូលហេតុដែលត្រូវស្តារនោះទេ

ជាតិ

នយោបាយជាតិ

នាយករដ្ឋមន្ត្រីកម្ពុជា៖ ប្រជាធិបតេយ្យនិងសិទ្ធិមនុស្ស ត្រូវបានលើកកម្ពស់ឥតឈប់ឈរ, គ្មានមូលហេតុដែលត្រូវស្តារនោះទេ

07, Jan 2020 , 9:19 am

រូបភាព

ដោយ: សារព័ត៌មានថ្មីៗ

សម្តេចនាយករដ្ឋមន្រ្តី ហ៊ុន សែន ប្រធានគណបក្សប្រជាជនកម្ពុជា អះអាងថា ការពិតជាក់ស្តែងនៅកម្ពុជា លទ្ធិប្រជាធិបតេយ្យនិងសេរីភាពរបស់ពលរដ្ឋ កំពុងត្រូវបានគោរព និង «លើកកម្ពស់ឥតឈប់ឈរ» ដូច្នេះ ពុំមានមូលហេតុត្រឹមត្រូវណាមួយ ដែលមជ្ឈដ្ឋានខាងក្រៅខ្លះ បានលើកឡើងដដែលៗ «អំពីការស្តារឡើងវិញនូវលទ្ធិប្រជាធិបតេយ្យនិងសិទ្ធិមនុស្សនៅកម្ពុជានោះទេ»។

ធ្វើជាអធិបតីក្នុងពិធីរម្លឹកខួបលើកទី៤១នៃទិវាជ័យជម្នះ៧មករា នៅមជ្ឈមណ្ឌលកោះពេជ្រ នាព្រឹកថ្ងៃទី៧ ខែមករា ឆ្នាំ២០២០ ប្រមុខរដ្ឋាភិបាល ថ្លែងដូច្នេះថា៖«ខ្ញុំសង្ឃឹមថា មជ្ឈដ្ឋានទាំងនោះ នឹងពិចារណាឲ្យបានត្រឹមត្រូវ ចំពោះការវិវត្តិប្រកបដោយភាពវិជ្ជមាននៅកម្ពុជា ហើយគោរពចំពោះសិទ្ធិនិងការជ្រើសរើសរបស់ជនជនកម្ពុជា នូវមាគ៌ាសម្រាប់ការអភិវឌ្ឍរបស់ខ្លួន ដែលស្របទៅនឹងប្រវត្តិសាស្រ្ត ស្ថានភាពសង្គម វប្បធម៌ និង រដ្ឋធម្មនុញ្ញរបស់ខ្លួន»។

ប្រមុខដឹកនាំគណបក្សកាន់អំណាចរូបនេះ សង្កត់ធ្ងន់ទៀតថា រដ្ឋាភិបាលកម្ពុជា ការពារដាច់ខាតនូវឯករាជ្យ និងអធិបតេយ្យជាតិ ទោះសិ្ថតក្នុងកាលៈទេសៈនិងស្ថានភាពណាក្តី ហើយការប៉ុនប៉ងណាដែលធ្វើឲ្យកម្ពុជា ឃ្លាតចេញពីមាគ៌ាប្រជាធិបតេយ្យនិងនីតិរដ្ឋ ដោយដាក់បង្ខំឲ្យកម្ពុជា មិនអាចអនុវត្ត សូម្បីតែច្បាប់ជាតិរបស់ខ្លួននោះ «គឺពុំអាចទទួលយកបានឡើយ»៕

Tag:

៧មករា

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

3 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

4 ថ្ងៃ

សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ

1 សប្តាហ៍

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

2 ថ្ងៃ

«បុរាណ»និង«បូរាណ» មានអត្ថន័យដូចគ្នា

1 សប្តាហ៍

អត្ថបទពេញនិយមបន្ថែម