អន្តរជាតិ
សុខចិត្តឲ្យគេមើលរូបអាក្រាតដើម្បីរកលុយជួយដល់ប្រតិបត្តិការទប់ស្កាត់ភ្លើងឆេះព្រៃនៅអូស្ត្រាលី
×![]()
ដោយ: ធីតា
ដើម្បីជួយរំលែកដល់ទុក្ខលំបាកវេទនាក្នុងគ្រោះថ្នាក់ភ្លើងឆេះព្រៃដ៏អាក្រក់បំផុតនៅអូស្ត្រាលី នាង Kaylen Ward មានគំនិតដ៏ប្លែកមួយ។ នាងបានផ្តល់រូបថតអាក្រាតរបស់ខ្លួនដល់អ្នកដែលចូលរួមផ្តល់អំណោយយ៉ាងហោចណាស់១០ដុល្លារអាមេរិក។ ទង្វើនេះ ធ្វើឲ្យនាងទទួលបានប្រាក់ប្រមាណ៧០ម៉ឺនដុល្លារអាមេរិកហើយ។
Kaylen Ward ជនជាតិអាមេរិកអាយុ២០ឆ្នាំ សុខចិត្តថតកាយអាក្រាតរបស់ខ្លួន ដើម្បីរួមចំណែកប្រយុទ្ធប្រឆាំងករណីភ្លើងឆេះព្រៃដ៏សន្ធោសន្ធៅនៅអូស្ត្រាលី។ ជាកាយវិការដ៏សប្បុរស ប៉ុន្តែមិនគួរអនុវត្តតាមនោះឡើយ។
ទោះបីជាយ៉ាងណាក៏ដោយ សប្បុរសជន ដែលបានចំណេញភ្នែកមុនបរិច្ចាគលុយ ហាក់មិនមានសោកស្តាយ ឬរួញរានោះឡើយ ពួកគេបានផ្តល់លុយយ៉ាងហោចណាស់១០ដុល្លារភ្លាមៗតាមរយៈសារជាលក្ខណៈឯកជនទៅកាន់នាង Kaylen។
Kaylen ដែលបច្ចុប្បន្នមានរហស្សនាមថា «The Naked Philanthropist» (សប្បុរសជនអាក្រាត) បានចាប់ផ្តើមយុទ្ធនាការរបស់ខ្លួនលើបណ្តាញសង្គម Twitter ចាប់ពីថ្ងៃទី៤ ខែមករា មក។ នារយៈពេលត្រឹម៣ថ្ងៃ នាងរកលុយបានជាង៧០ម៉ឺនដុល្លារអាមេរិកពីអ្នកដែលបានមើលឃើញរូបអាក្រាតរបស់ខ្លួន។
សប្បុរសជនរូបនេះ មានការអាណិតអាសូរជាពិសេសខ្លាឃ្មុំអូស្ត្រាលី Koala ដ៏កម្រ ដែលក្នុងចំណោមសត្វប្រមាណ៥០០លានក្បាល ដែលបានបាត់បង់ជីវិតដោយសារភ្លើងឆេះព្រៃនៅអូស្ត្រាលី។ តាមពិតទៅការរៃអង្គាសថវិកាជួយដល់ប្រតិបត្តិការសង្គ្រោះ មិនមែនជាលើកទីមួយឡើយសម្រាប់ Kaylen ដោយកន្លងមក នាងក៏ធ្លាប់ធ្វើបែបនេះ នាអំឡុងគ្រោះមហន្តរាយនៅកាលីហ្វនីញ៉ាផងដែរ ហើយឈ្មោះរបស់នាងកាន់តែល្បីល្បាញ ចាប់តាំងពីពេលនោះមក៕
Tag:
ភ្លើងឆេះព្រៃ
អូស្ត្រាលី
© រក្សាសិទ្ធិដោយ thmeythmey.com
