អត្ថបទពាណិជ្ជកម្ម
ស្មាតហ្វូន vivo V17 ទទួលបានការគាំទ្រខ្លាំងហួសក្តីរំពឹង
× ក្រោយពីស្មាតហ្វូននៃត្រកូល V ម៉ូឌែល vivo V17 បានដាក់ឲ្យដំណើរការនៅលើទីផ្សារអស់រយៈពេលប៉ុន្មានមកនេះ ឃើញថាចំនួនអតិថិជនដែលបានកម្មង់ទុកមុន ស្មាតហ្វូន V17 មានចំនួនច្រើន ហើយក៏មានអតិថិជនដែលបានមកជាវផ្ទាល់កើតឡើងខ្ពស់ហួសពីក្ដីរំពឹងទុកផងដែរ។ អ្វីដែលទាក់ចិត្ត និងធ្វើឲ្យអតិថិជន នៅតែអ្នកគាំទ្រ និងបន្តជាវស្មាតហ្វូន V17 ដោយសារតែការរចនាមានភាពប្លែក បញ្ចេញនូវបែបបទថ្មី បច្ចេកវិទ្យាកាន់តែមានភាពជឿនលឿន ហើយសម្បូរបែបទាន់ និងសម័យកាលនាមនុស្សសម័យថ្មី។ បើធៀបនឹងស្មាតហ្វូនដទៃ ដែលមានតម្លៃខ្ទង់ $300 ជាងដូចគ្នា ស្មាតហ្វូន vivo V17 ពិតជាមានសមត្ថភាពខ្ពស់ ដែលអ្នកទាំងអស់គ្នាអាចពិចារណាបាន។
ចំពោះស្មាតហ្វូន V17 នេះ មានតួខ្លួនស្រោបផ្ទៃខាងក្រោយ ហើយគែមសងខាងប្រើប្រាស់ដោយប្លាស្ទិក។ ហើយវាក៏ត្រូវបានឌីហ្សាញ់នូវប្រព័ន្ធកាមេរ៉ាខាងក្រោយបែបថ្មី មានរាងអក្សរ L ដាំបញ្ឈរនៅជិតគែមខាងឆ្វេង រំលេចដោយកែវលែនកាមេរ៉ាចំនួន 4 គ្រាប់ និងអមជាមួយអំពូលភ្លើង LED Flash ពីរគ្រាប់។ ស្មាតហ្វូន Vivo V17 គឺបានបំពាក់មកជាមួយ ប្រភេទអេក្រង់ Ultra O Screen មានទំហំអេក្រង់ 6.44 អ៊ីញ ហើយបានបំពាក់នូវបច្ចេកវិទ្យា Super AMOLED ផងដែរ។
ផលធៀបអេក្រង់របស់ស្មាតហ្វូន vivo V17 គឺ 20:9 និងអត្រាអេក្រង់ទៅរាងទាំងមូល គឺ 91.38%និងទ្រទ្រង់ការបង្ហាញចេញ ក្នុងកម្រិត Full-HD+ ទំហំ 1080x2400 ភិចសែល។ vivo V17 មានកញ្ចប់លែនកាមេរ៉ា 4 គ្រាប់ ដែលជាលែន AI ដែលធ្វើឲ្យការថតរូបកាន់តែមានភាពស្រស់ស្អាត។
ស្មាតហ្វូននេះ ប្រើប្រាស់សែនស័រផ្តិតរូបភាពទំហំធំ ដល់ទៅ 48MP ជាមួយកម្រិត aperture f/1.8 មានសមត្ថភាពក្នុងការផលិតរូបភាពបានច្បាស់ល្អ ជាមួយសាច់រូបភាពច្បាស់ស្រស់ស្អាតបែបធម្មជាតិ។ កាមេរ៉ានេះ អាចផលិតសាច់វីដេអូរបស់វា គឺអាចធ្វើបានត្រឹមកម្រិត 1080p@30fps វាមានមុខងារមួយហៅថា “Ultra-Stable Video” ជាជំនួយដល់ការទប់លំនឹង និងសាច់វីដេអូ មិនអាចរលកញាក់ញ័រខ្លាំងនៅពេលយើងដើរ ឬរក្សាលំនឹងដៃមិនល្អកំឡុងពេលកាន់ថត។ សម្រាប់កាមេរ៉ាគ្រាប់ទី 2 គឺជា Super wide-Angle lens មានទំហំ 8.0MP ជាមួយកម្រិត aperture f/2.2 និងថតរូបប្លង់ទូលាយបានក្នុងកម្រិតមុំ 120 ដឺក្រេ។ រីឯលែនពីរគ្រាប់ទៀតមានទំហំ 2.0MP ជាមួយកម្រិត aperture f/2.4 ដូចគ្នាដោយមួយគ្រាប់ជាប្រភេទ Macro Camera ប្រើសម្រាប់ថតរូបភាព វត្ថុដែលនៅគៀកបំផុតក្នុងរយៈចម្ងាយ 4cm ដោយប្រើនូវមុខងារ Super Macro និងមួយគ្រាប់ទៀតជា Depth Sensor Lens សម្រាប់ផលិតរូបភាពព្រាលផ្ទៃខាងក្រោយវត្ថុដោយប្រើនូវមុខងារ Bokeh។ កាមេរ៉ាសែលហ្វីវិញ គឺមានទំហំ 32MP មានកម្រិត aperture f/2.45 អាចផលិតសាច់រូបភាពបានច្បាស់ ព្រមទាំងអាចថតរូបព្រាលផ្ទៃវត្ថុបានដាច់ស្អាតថែមទៀតផង ហើយក៏មានមុខងារ Night Mode, AR Sticker, HDR និង Beauty Face សម្រាប់ជំនួយឲ្យការថតរូប និងវីដេអូបានកាន់តែស្អាតថែមមួយកម្រិតទៀតផងដែរ។
ស្មាតហ្វូន V17 ប្រើបន្ទះឈីប Snapdragon 675 AIE-11nm ជាមួយរ៉េមទំហំ 8GB និងមានអង្គផ្ទុកទិន្នន័យស្រាប់ ទំហំដល់ 256GB ជាមួយ microSD។ បន្ទះឈីប Snapdragon 675 AIE-11nm ដំណើរការដោយប្រព័ន្ធ octa-core ដែលរចនាមកមានទំហំ 2*Kryo Gold2.0GHz,6*Kryo Silver 1.7GHz។ ស្មាតហ្វូនជំនាន់ថ្មីមួយនេះ ប្រតិបត្តិការដោយ Funtouch OS9.2 ដែលទ្រទ្រង់ដោយ Android 9.0 ។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com