អត្ថបទពាណិជ្ជកម្ម
ទូរស័ព្ទ Nokia ចំនួន៦ម៉ូឌែល អាចធ្វើបច្ចុប្បន្នភាពទៅ Android 10 ក្នុងខែមករានេះ
×![]()
ដោយ: ថ្មីៗ
វាពិតជាអស្ចារ្យមែនទែន! នៅថ្ងៃនេះ HMD Global ដែលជាក្រុមហ៊ុនផលិតទូរស័ព្ទម៉ាកយីហោ Nokia ប្រកាសជាផ្លូវការថា ទូរស័ព្ទ Nokia 6.1 Nokia 6.1 plus, Nokia 7 plus រួមជាមួយនឹង Nokia 7.1, Nokia 9 PureView, Nokia 8.1 នឹងក្លាយជាស្មាតហ្វូនដែលអាចធ្វើបច្ចុប្បន្នភាព ទៅកាន់ប្រព័ន្ធប្រតិបត្តិការចុងក្រោយបំផុត គឺAndroid 10 ។ នេះមានន័យថា ស្មាតហ្វូនទាំង 6 ម៉ូឌែលនេះ ទទួលបាននូវប្រព័ន្ធប្រតិបត្តិការ Android OS ចុងក្រោយបំផុតនេះហើយ។ ក្រុមហ៊ុនបច្ចេកវិទ្យា HMD Global ក៏បញ្ជាក់ថានឹងធ្វើបច្ចុប្បន្នភាព (update) ទៅលើទូរស័ព្ទចំនួន ៣ ម៉ូឌែល នៅក្នុងត្រីមាសទី ៤ ឆ្នាំ ២០១៩ និង ៣ម៉ូឌែលទៀត នៅក្នុងត្រីមាសទី ១ ឆ្នាំ ២០២០នេះ។
ស្មាតហ្វូន Nokia នៅតែរក្សានូវជំហររបស់ខ្លួន ក្នុងនាមជាអ្នកដឹកនាំឈានមុខគេ នៅក្នុងការធ្វើបច្ចុប្បន្នភាព OS បានលឿនបំផុត។ ថ្មីៗនេះ ក្រុមហ៊ុនក៏ចាប់ផ្តើមដាក់ពង្រាយ ទៅលើការដំណើរការនៃប្រព័ន្ធប្រតិបត្តិការ Android 10 ចុងក្រោយបំផុតថែមទៀត ដើម្បីឲ្យអ្នកប្រើប្រាស់ និងអ្នកគាំទ្រ ទទួលបាននូវអ្វីដែលថ្មីជានិច្ច។
Nokia 6.1 Nokia 6.1 plus និង Nokia 7 plus គឺជាស្មាតហ្វូន ដែលស្ថិតនៅក្នុងគម្រោង Android One ដែលមានន័យថា ស្មាតហ្វូននេះ ទទួលបានការធ្វើបច្ចុប្បន្នភាពប្រចាំខែ រយៈពេលដល់ទៅ ៣ ឆ្នាំ និងការដំឡើងទៅកាន់ OS ចុងក្រោយ បានដល់ទៅ ២ ឆ្នាំថែមទៀត។ នៅក្នុងការធ្វើបច្ចុប្បន្នភាព ទៅលើ OS នេះ ទៅកាន់ Android 10 ក្រុមហ៊ុន HMD Global បានពង្រឹងទៅលើស្មាតហ្វូន Nokia ឲ្យកាន់តែល្អប្រសើរជាងមុន ជាមួយនឹងការនាំយកនូវកម្មវិធី software ថ្មីៗជាច្រើនថែមទៀត ដើម្បីផ្តល់នូវបទពិសោធន៍កាន់តែអស្ចារ្យបំផុត សម្រាប់អ្នកប្រើប្រាស់។ នៅថ្ងៃនេះ Nokia 6.1 Nokia 6.1 plus Nokia 7 plus, Nokia 7.1, Nokia 9 PureView និង Nokia 8.1 បានដំឡើងទៅកាន់ Android 10 ជាផ្លូវការហើយ។
អ្នកគាំទ្រជាច្រើនរបស់ទូរស័ព្ទ Nokia ពេលនេះ នឹងទទួលបាននូវបទពិសោធន៍ដ៏អស្ចារ្យ ក្នុងការប្រើប្រាស់ជាមួយនឹងមុខងារ និងលក្ខណៈពិសេសជាច្រើន របស់ប្រព័ន្ធប្រតិបត្តិការAndroid 10 ចុងក្រោយបំផុតដែលរួមមាន៖
● Gesture Navigation: គឺជាមុខងារមួយសម្រាប់គ្រប់គ្រងទៅលើស្មាតហ្វូន Nokia របស់អ្នកដោយគ្រាន់តែប៉ះចុងម្រាមដៃរបស់អ្នក នៅលើអេក្រង់ គឺអាចបញ្ជាអូសឡើង លើចុះក្រោម នៅលើអេក្រង់បានយ៉ាងលឿន និងកាន់តែងាយស្រួលបំផុត ហើយវាអស្ចារ្យជាងអ្វីដែលអ្នកបានរំពឹងទុក។
● Smart Reply: គឺជាមុខងារដ៏ឆ្លាតវៃ ក្នុងការឆ្លើបតបទៅលើសារ ដែលមិនមែនគ្រាន់តែជាការផ្ញើនូវពាក្យពេចន៍នោះទេ ប៉ុន្តែវាមានសកម្មភាពជាច្រើនទៀត ដែលអ្នកអាចប្រើប្រាស់បានជាមួយនឹងមុខងារថ្មីដ៏អស្ចារ្យនេះថែមទៀតផង។
● Privacy Controls: គឺជាមុខងារដ៏ពិសេសមួយ សម្រាប់គ្រប់គ្រងទៅលើទិន្នន័យផ្ទាល់ខ្លួនទាំងអស់របស់អ្នក នៅក្នុងទីកន្លែងតែមួយ ហើយវាមានសមត្ថភាពក្នុងការគ្រប់គ្រង នៅពេលដែលទីតាំងរបស់អ្នក ត្រូវបានចែករំលែកជាមួយនឹងកម្មវិធី Apps របស់អ្នក ដើម្បីដឹងថា តើវាតែងតែប្រើប្រាស់ជានិច្ច ឬកំពុងតែប្រើប្រាស់ ឬមិនដែលប្រើប្រាស់ថែមទៀត។
● Focus mode: គឺជាមុខងារដ៏ពិសេសមួយ សម្រាបរារាំងទៅលើកម្មវិធី Appsណា ដែលរំខានអ្នកនៅពេលដែលអ្នកកំពុងតែផ្តោតទៅលើរឿងអ្វីមួយដែលសំខាន់នោះ (សម្រាប់មុខងារនេះ ពេលនេះកំពុងតែស្ថិតនៅក្នុងដំណាក់កាល Beta នៅឡើយ។
● Family Link: ពេលនេះមុខងារដ៏ពិសេសអស្ចារ្យនេះ គឺជាផ្នែកមួយនៃ Digital Wellbeing settings (ការកំណត់ទៅលើសុខុមាលភាពឌីជីថល) ដែលជួយឪពុកម្តាយជាច្រើន អាចបង្កើតច្បាប់មូលដ្ឋានឌីជីថលជាច្រើន សម្រាប់គ្រួសាររបស់ពួកគេបាន។
សម្រាប់ព័ត៌មានបន្ថែម សូមទំនាក់ទំនងទៅកាន់ការិយាល័យសារព័ត៌មាន របស់ក្រុមហ៊ុន HMD: [email protected] ។
អំពីក្រុមហ៊ុន HMD Global
ទីតាំងស្នាក់ការកណ្តាល នៅក្នុងទីក្រុង Espoo ប្រទេសហ្វាំងឡង់ ក្រុមហ៊ុន HMD Global Oy គឺជាទឹកដីកំណើតរបស់ទូរស័ព្ទម៉ាក Nokia ។ ក្រុមហ៊ុន HMD ធ្វើការងារទៅលើការឌីស្សាញ និងការធ្វើទីផ្សារសម្រាប់ស្មាតហ្វូន និងទូរស័ព្ទតម្លៃធូរថ្លៃជាច្រើនស៊េរីម៉ូឌែល ដើម្បីបំពេញតម្រូវការរបស់អតិថិជន នៅជុំវិញពិភពលោក ជាមួយនឹងតម្លៃដ៏ល្អឥតខ្ចោះ។ ជាមួយនឹងការប្តេជ្ញាចិត្ត នៅក្នុងការស្វែងរកនូវភាពច្នៃប្រឌិតកាន់តែអស្ចារ្យ និងគុណភាពជាចម្បងនោះ ក្រុមហ៊ុន HMD មានមោទកភាព ក្នុងនាមជាក្រុមហ៊ុនចែកចាយផ្តាច់មុខ នូវម៉ាកយីហោ Nokia សម្រាប់ស្មាតហ្វូន និងថេប្លេត សម្រាប់អ្នកប្រើប្រាស់នៅជុំវិញពិភពលោក។ សម្រាប់ព័ត៌មានបន្ថែមទៀត សូមចូលទៅកាន់គេហទំព័រ www.hmdglobal.com ។
ក្រុមហ៊ុន Nokia គឺចុះបញ្ជីពាណិជ្ជសញ្ញា (trademark) ជាក្រុមហ៊ុន Nokia Corporation. Android, Android One និងសញ្ញាផ្សេងទៀត ដែលជាពាណិជ្ជសញ្ញា (trademark) សម្រាប់ Google LLC ។ Oreo គឺជាពាណិជ្ជសញ្ញា (trademark) របស់ក្រុមហ៊ុន Mondelez International, Inc. Group ។ Qualcomm និង Snapdragon គឺជាពាណិជ្ជសញ្ញា (trademark) របស់ក្រុមហ៊ុន Qualcomm Incorporated ដែលចុះបញ្ជីនៅក្នុងសហរដ្ឋអាមេរិក និងប្រទេសជាច្រើនផ្សេងទៀត៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
