ក្រោយបដិសេធការចោទប្រកាន់អស់រយៈពេលជាច្រើនថ្ងៃ យោធាអ៊ីរ៉ង់ព្រមទទួលស្គាល់ថា ខ្លួនបានបាញ់ទម្លាក់យន្តហោះដឹកអ្នកដំណើរអ៊ុយក្រែនដោយអចេតនា។ ករណីបាញ់ទម្លាក់​យន្តហោះក្រុមហ៊ុនអាកាសចរណ៍អ៊ុយក្រែននេះបានសម្លាប់មនុស្សអស់ ១៧៦ នាក់ផងក្នុងចំណោមនោះភាគច្រើនជាជនជាតិអ៊ីរ៉ង់ និងកាណាដា។ 

យន្តហោះរបស់ក្រុមហ៊ុនអាកាសចរណ៍អ៊ុយក្រែននេះ បានធ្លាក់នៅក្បែរតំបន់ Parand ជាយក្រុងតេហេរ៉ង់។ ដើមឡើយភាគីអះអាងថា ការធ្លាក់នេះគឺបណ្តាលមកពីបញ្ហាបច្ចេកទេស ប៉ុន្តែអាមេរិកបានចង្អុលដាក់អ៊ីរ៉ង់ដោយសម្អាងលើភស្តុតាងដែលខ្លួន​ទទួលបានពីរភ្នាក់ងារចារកម្ម។

យ៉ាងណាក៏ដោយ អ៊ីរ៉ង់បដិសេធម្តងហើយម្តងទៀត និងបានចោទអាមេរិកវិញថា ព្យាយាមផ្សព្វផ្សាយសម្តីកុហកបោកប្រាស់ដើម្បីបង្ខូចឈ្មោះខ្លួនផងដែរ។