ជាតិ
នយោបាយជាតិ
×![]()
ដោយ: ថ្មីៗ
សម្តេច ហ៊ុន សែន តាមរយៈហ្វេសប៊ុករបស់ខ្លួននៅថ្ងៃអាទិត្យ ទី១២ ខែមករា នេះ បានសរសេរអរគុណអ្នកកាសែតជាតិ និងអន្តរជាតិ ដែលផ្សាយព័ត៌មានពិត និងវិជ្ជមានពីកម្ពុជា។ សំណេររបស់ប្រមុខរដ្ឋាភិបាលធ្វើឡើងរយៈពេល២ថ្ងៃមុនជំនួបប្រចាំឆ្នាំលើកទី៤ រវាងសម្តេច និងអ្នកសារព័ត៌មាន។
«អរគុណអ្នកសារព័ត៌មានជាតិ និងអន្តរជាតិដែលបានចូលរួមផ្សាយព័ត៌មានពិត និងព័ត៌មានវិជ្ជមានល្អពីកម្ពុជា ដែលជាការរួមចំណែកដល់ការអភិវឌ្ឍន៍ប្រទេសជាតិ»។ សម្តេច ហ៊ុន សែន បានលើកឡើងយ៉ាងដូច្នេះ ដោយរយៈពេលចុងក្រោយនេះ សម្តេចបានផ្តួចផ្តើមការសរសេរសារ «អរគុណសន្តិភាព» នៅលើបណ្តាញសង្គមហ្វេសប៊ុក។
សម្តេចនាយករដ្ឋមន្ត្រី ហ៊ុន សែន ក៏រង់ចាំជំនួបលើកទី៤ជាមួយអ្នកកាសែតនៅមជ្ឈមណ្ឌលកោះពេជ្រ នាល្ងាចថ្ងៃទី១៤ ខែមករា ខាងមុខនេះផងដែរ។
សម្រាប់ជំនួបរវាងសម្តេច នាយករដ្ឋមន្ត្រី ហ៊ុន សែន និងអ្នកសារព័ត៌មានលើកទី៤ នេះ សម្តេចនាយករដ្ឋមន្ត្រីនឹងស្តាប់សំណួរ និងសំណូមពរ ពីអ្នកសារព័ត៌មាន តាមរយៈក្រសួងព័ត៌មាន។ សារព័ត៌មានថ្មីៗ សូមបង្ហោះសារជាបន្តបន្ទាប់ ដែលជាការយល់ឃើញរបស់អ្នកសារព័ត៌មាន ទាក់ទងនឹងវិស័យសារព័ត៌មាន និងអ្នកសារព័ត៌មានផ្ទាល់ នៅកម្ពុជា។
សូមចូលទៅកាន់ ទីនេះ ដើម្បីមើលមតិយោបល់ផ្សេងៗរបស់អ្នកសារព័ត៌មាន
Tag:
អ្នកសារព័ត៌មាន
© រក្សាសិទ្ធិដោយ thmeythmey.com
