ជាតិ
បើកូនដើរខុសផ្លូវ សូមកែខ្លួនឡើង! ការអង្វរកររបស់ម្តាយក្មេងស្រីម្នាក់ដែលបង្កហិង្សានៅវិទ្យាល័យផ្សារដើមថ្កូវ
×![]()
ដោយ: រួបរួម
ជាស្ត្រីមេម៉ាយ និងប្រកបរបរលក់ដូរបន្តិចបន្តួច ស្ត្រីម្នាក់ហួសចិត្តនឹងសកម្មភាពរបស់កូនស្រីខ្លួនយ៉ាងខ្លាំង។ គាត់មិនដែលគិតថា ខ្លួនត្រូវបានសម្ភាស និងចុះផ្សាយពេញបណ្តាញសង្គមហ្វេសប៊ុកឡើយ ប៉ុន្តែវាជារឿងដែលមិនអាចចៀសផុត ហើយត្រូវតែទទួលស្គាល់។ គាត់ជាម្តាយរបស់ក្មេងស្រីបង្កម្នាក់ក្នុងចំណោម៤នាក់ ដែលបានវាយទាត់ធាក់យ៉ាងដំណំទៅលើសិស្សស្រីម្នាក់នៅវិទ្យាល័យ ហ៊ុនសែន ប៊ុនរ៉ានី ផ្សារដើមថ្កូវ។
ឃ្លីបវីដេអូមួយ បានបង្ហាញពីសកម្មភាពក្មេងស្រី៤នាក់ ព្រួតដៃគ្នាវាយ ទាត់ធាត់ និងជេប្រមាទ ទៅលើសិស្សស្រីម្នាក់យ៉ាងធ្ងន់ធ្ងរ។ ហេតុការណ៍បានកើតឡើងតាំងពីថ្ងៃទី២៥ ខែធ្នូ ឆ្នាំ២០១៩ ហើយឃ្លីបវីដេអូទើបតែត្រូវបានបង្ហោះ និងបែកធ្លាយក្នុងបណ្តាញសង្គមនាថ្ងៃទី១៦ ខែមករា ឆ្នាំ២០២០។
តាមការស្រាវជ្រាវ សមត្ថកិច្ច រកឃើញថា ទីតាំងកើតហេតុគឺស្ថិតក្នុងវិទ្យាល័យផ្សារដើមថ្កូវ ក្នុងខណ្ឌចម្ការមន រាជធានីភ្នំពេញ ដោយជនរងគ្រោះ អាយុ១៦ឆ្នាំ រៀននៅថ្នាក់ទី៨ រីឯយុវតីបង្កហេតុ៤នាក់ មានម្នាក់ជាសិស្សរៀនថ្នាក់ទី៩ រៀននៅវិទ្យាល័យជាមួយគ្នា ហើយ៣នាក់រៀននៅសាលាផ្សេង។
«ខ្ញុំសូមទទួលកំហុស ព្រោះកូនយើងវាខុសមែន កូនយើងទៅវាយគេ... ជាអាណាព្យាបាល ខ្ញុំមិនចង់ឲ្យកូនខ្ញុំធ្វើបែបហ្នឹងឡើយ»។ គាត់បាននិយាយយ៉ាងដូច្នេះ នៅចំពោះមុខកាម៉េរា និងទូរសព្ទរាប់សិបគ្រឿង ដែលគាត់ត្រូវបានសម្ភាសគាត់ជុំវិញករណីហិង្សា ដែលបានកើតឡើងក្នុងបន្ទប់រៀនមួយក្នុងវិទ្យាល័យផ្សារដើមថ្កូវ។
ស្ត្រីដែលសូមមិនបញ្ចេញឈ្មោះ មិនមានអ្វីដែលត្រូវការពារកូននោះឡើយ ពីព្រោះសកម្មភាពក្នុងឃ្លីបវីដេអូ ដែលទើបតែបែកធ្លាយនោះ បង្ហាញថា កូនរបស់គាត់ និងបក្ខពួកបីនាក់ទៀត ពិតជាបានប្រព្រឹត្តខុស។ «ដំណាក់កាលនេះ មិនបាច់គេចមុខទេ»។ នេះជាការលើកឡើងរបស់អ្នកម្តាយរបស់យុវតីបង្កហេតុម្នាក់ ដោយបានអះអាងថា នេះជាការអារម្មណ៍ខកចិត្តលើកដំបូងបំផុតក្នុងជីវិត ក្រោយតស៊ូចិញ្ចឹមកូនស្រីអស់រយៈពេលប្រមាណ១៥ឆ្នាំកន្លងមក។
គាត់បានអះអាងថា គាត់មានតែលើកដៃសូមទោសអាណាព្យាបាលជនរងគ្រោះ និងសុំការលើកលែងបន្ធូរបន្ថយពីសំណាក់សមត្ថកិច្ច ដើម្បីមានឱកាសបន្តអប់រំកូនឲ្យកែខ្លួនឡើងវិញ។ «សូមកូនៗយល់ទឹកចិត្តម្តាយ បើកូនដើរផ្លូវខុសសូមកែចរឹកឡើង ទាន់មានឱកាសកែ»។ គាត់បាននិយាយទាំងទឹកភ្នែករលីងរលោង ដោយមិននឹកស្មានតែខ្លួនមានមុខក្នុងហ្វេសប៊ុកបែប ដែលត្រូវមនុស្សច្រើនសម្ភាសបែបហ្នឹងនោះឡើយ ព្រោះធ្លាប់តែមើលគេ ឥឡូវដល់វេនខ្លួនឯង។
ទោះបីជាយ៉ាងណាក៏ដោយ ម្តាយសិស្សដែលបង្ករឿង ហាក់ដូចជាហួសចិត្តដែលសាលាទាំងមូល មិនអាចគ្រប់គ្រងស្ថានការណ៍បាន ដែលបណ្តាលឲ្យមនុស្សពីខាងក្រៅចូលវាយសិស្សក្នុងសាលា រីឯសិស្សប្រុសមួយចំនួនបានឃើញហេតុការណ៍បែរជានាំគ្នាឈរមើល និងថតវីដេអូទៅវិញ។
បើតាមភាគីសាលា ថ្ងៃកើតហេតុ កើតឡើងចំពេលដែលគ្រូៗប្រជុំ ហើយក្រុមបង្ករបាននាំគ្នាបិទបន្ទប់វាយជនរងគ្រោះ។ ក្រុមគ្រួសារជនរងគ្រោះ គ្រាន់តែស្នើឲ្យសមត្ថកិច្ចអប់រំ ជនបង្ក ដើម្បីកុំឲ្យពួកគេប្រព្រឹត្តខុសនៅថ្ងៃខាងមុខ។
ស្ត្រីម្នាក់ជាម្តាយមីងរបស់ជនរងគ្រោះ បានអះអាងថា ជនរងគ្រោះមិនបានទៅរៀនជាច្រើនថ្ងៃដោយសារស្ថានភាពរបួសពេញខ្លួន តែគេមិនហ៊ានប្រាប់អាណាព្យាបាលឡើយ ព្រោះជនបង្កបាននាំគ្នាគំរាមរូបនាង។
ក្រុមសិស្សស្រីដែលបង្កហេតុ និងជនរងគ្រោះ ក៏ដូចជាឪពុកម្តាយរបស់ពួកគេ ត្រូវបានសមត្ថកិច្ចខណ្ឌចម្ការមន ហៅទៅសាកសួរផងដែរ ប៉ុន្តែមិនទាន់មានការសម្រេចអ្វីឡើយ នាល្ងាចថ្ងៃទី១៦ ខែមករា នេះ៕
ឃ្លីបវីដេអូមួយ បានបង្ហាញពីសកម្មភាពក្មេងស្រី៤នាក់ ព្រួតដៃគ្នាវាយ ទាត់ធាត់ និងជេប្រមាទ ទៅលើសិស្សស្រីម្នាក់យ៉ាងធ្ងន់ធ្ងរ។ ហេតុការណ៍បានកើតឡើងតាំងពីថ្ងៃទី២៥ ខែធ្នូ ឆ្នាំ២០១៩ ហើយឃ្លីបវីដេអូទើបតែត្រូវបានបង្ហោះ និងបែកធ្លាយក្នុងបណ្តាញសង្គមនាថ្ងៃទី១៦ ខែមករា ឆ្នាំ២០២០។
តាមការស្រាវជ្រាវ សមត្ថកិច្ច រកឃើញថា ទីតាំងកើតហេតុគឺស្ថិតក្នុងវិទ្យាល័យផ្សារដើមថ្កូវ ក្នុងខណ្ឌចម្ការមន រាជធានីភ្នំពេញ ដោយជនរងគ្រោះ អាយុ១៦ឆ្នាំ រៀននៅថ្នាក់ទី៨ រីឯយុវតីបង្កហេតុ៤នាក់ មានម្នាក់ជាសិស្សរៀនថ្នាក់ទី៩ រៀននៅវិទ្យាល័យជាមួយគ្នា ហើយ៣នាក់រៀននៅសាលាផ្សេង។
«ខ្ញុំសូមទទួលកំហុស ព្រោះកូនយើងវាខុសមែន កូនយើងទៅវាយគេ... ជាអាណាព្យាបាល ខ្ញុំមិនចង់ឲ្យកូនខ្ញុំធ្វើបែបហ្នឹងឡើយ»។ គាត់បាននិយាយយ៉ាងដូច្នេះ នៅចំពោះមុខកាម៉េរា និងទូរសព្ទរាប់សិបគ្រឿង ដែលគាត់ត្រូវបានសម្ភាសគាត់ជុំវិញករណីហិង្សា ដែលបានកើតឡើងក្នុងបន្ទប់រៀនមួយក្នុងវិទ្យាល័យផ្សារដើមថ្កូវ។
ស្ត្រីដែលសូមមិនបញ្ចេញឈ្មោះ មិនមានអ្វីដែលត្រូវការពារកូននោះឡើយ ពីព្រោះសកម្មភាពក្នុងឃ្លីបវីដេអូ ដែលទើបតែបែកធ្លាយនោះ បង្ហាញថា កូនរបស់គាត់ និងបក្ខពួកបីនាក់ទៀត ពិតជាបានប្រព្រឹត្តខុស។ «ដំណាក់កាលនេះ មិនបាច់គេចមុខទេ»។ នេះជាការលើកឡើងរបស់អ្នកម្តាយរបស់យុវតីបង្កហេតុម្នាក់ ដោយបានអះអាងថា នេះជាការអារម្មណ៍ខកចិត្តលើកដំបូងបំផុតក្នុងជីវិត ក្រោយតស៊ូចិញ្ចឹមកូនស្រីអស់រយៈពេលប្រមាណ១៥ឆ្នាំកន្លងមក។
គាត់បានអះអាងថា គាត់មានតែលើកដៃសូមទោសអាណាព្យាបាលជនរងគ្រោះ និងសុំការលើកលែងបន្ធូរបន្ថយពីសំណាក់សមត្ថកិច្ច ដើម្បីមានឱកាសបន្តអប់រំកូនឲ្យកែខ្លួនឡើងវិញ។ «សូមកូនៗយល់ទឹកចិត្តម្តាយ បើកូនដើរផ្លូវខុសសូមកែចរឹកឡើង ទាន់មានឱកាសកែ»។ គាត់បាននិយាយទាំងទឹកភ្នែករលីងរលោង ដោយមិននឹកស្មានតែខ្លួនមានមុខក្នុងហ្វេសប៊ុកបែប ដែលត្រូវមនុស្សច្រើនសម្ភាសបែបហ្នឹងនោះឡើយ ព្រោះធ្លាប់តែមើលគេ ឥឡូវដល់វេនខ្លួនឯង។
ទោះបីជាយ៉ាងណាក៏ដោយ ម្តាយសិស្សដែលបង្ករឿង ហាក់ដូចជាហួសចិត្តដែលសាលាទាំងមូល មិនអាចគ្រប់គ្រងស្ថានការណ៍បាន ដែលបណ្តាលឲ្យមនុស្សពីខាងក្រៅចូលវាយសិស្សក្នុងសាលា រីឯសិស្សប្រុសមួយចំនួនបានឃើញហេតុការណ៍បែរជានាំគ្នាឈរមើល និងថតវីដេអូទៅវិញ។
បើតាមភាគីសាលា ថ្ងៃកើតហេតុ កើតឡើងចំពេលដែលគ្រូៗប្រជុំ ហើយក្រុមបង្ករបាននាំគ្នាបិទបន្ទប់វាយជនរងគ្រោះ។ ក្រុមគ្រួសារជនរងគ្រោះ គ្រាន់តែស្នើឲ្យសមត្ថកិច្ចអប់រំ ជនបង្ក ដើម្បីកុំឲ្យពួកគេប្រព្រឹត្តខុសនៅថ្ងៃខាងមុខ។
ស្ត្រីម្នាក់ជាម្តាយមីងរបស់ជនរងគ្រោះ បានអះអាងថា ជនរងគ្រោះមិនបានទៅរៀនជាច្រើនថ្ងៃដោយសារស្ថានភាពរបួសពេញខ្លួន តែគេមិនហ៊ានប្រាប់អាណាព្យាបាលឡើយ ព្រោះជនបង្កបាននាំគ្នាគំរាមរូបនាង។
ក្រុមសិស្សស្រីដែលបង្កហេតុ និងជនរងគ្រោះ ក៏ដូចជាឪពុកម្តាយរបស់ពួកគេ ត្រូវបានសមត្ថកិច្ចខណ្ឌចម្ការមន ហៅទៅសាកសួរផងដែរ ប៉ុន្តែមិនទាន់មានការសម្រេចអ្វីឡើយ នាល្ងាចថ្ងៃទី១៦ ខែមករា នេះ៕
© រក្សាសិទ្ធិដោយ thmeythmey.com
