ពីនេះ ពីនោះ
រូបត្លុក
ខ្លាចយុវជន«ទន់ភ្លន់»…! ព្រោះបង្កគ្រោះថ្នាក់!
× ភ្នំពេញ៖ យុវជនត្រូវសុភាពរាបសា និងស្លូតបូត តែមិនត្រូវទន់ភ្លន់ឡើយ! ពាក្យ«ទន់ភ្លន់»នេះមានន័យដើមរបស់វាល្អទេ តែ ពេលខ្លះ ត្រូវបានគេយកមកប្រើប្រាស់ដើម្បីចំអកលេងសើចឲ្យយុវជនមួយចំនួនដែលចូលចិត្តផឹកគ្រឿងស្រវឹងច្រើនជ្រុលពេក រហូតដើរមិនរួច ដើរឃ្លោង ដើរទោរទន់ទៅមុខ ទៅក្រោយ ទន់ចង្កេះ។ល។ ដំណើរទោរទន់ ទន់ចង្កេះ ឃ្លោងទៅមុខទៅក្រោយនេះហើយ ទើបចាស់ៗមួយចំនួននិយាយបែបចំអកទៅកាន់យុវជនថា៖«ឱយុវជនទន់ភ្លន់អើយ! ថ្ងៃណាទៅទើបលែងទន់ភ្លន់»។
ម្យ៉ាងទៀត ទន់ភ្លន់នេះ គេនិយាយសំដៅឌឺដងទៅកាន់យុវជនជិះម៉ូតូប្រដេញ«ចាក់កួ»ចុះ, «ចាក់កួ»ឡើង កាច់ចង្កេះឆ្វេងស្តាំយ៉ាងទន់ភ្លន់។ល។
សរុបសេចក្តីមក ទន់ភ្លន់ គឺដោយសារតែយុវជនស្រវឹងខ្លាំងរាល់ថ្ងៃ។ សូមបញ្ជាក់ ហើយកុំរើសដាក់ខ្លួន អត្ថបទខាងលើនេះ មិនមែននិយាយពីយុវជនទាំងអស់ទេ៕
© រក្សាសិទ្ធិដោយ thmeythmey.com