App TikTok របស់​ចិន​មួយ​នេះ អនុញ្ញាត​ឲ្យ​អ្នកប្រើប្រាស់​ថត​វីដេអូ បញ្ចូល​សំឡេង និង​សម្តែង​កាយវិការ​របស់ខ្លួន​។ Tik Tok ដែល​គេ​ហៅ​ម្យ៉ាង​ទៀតថា Douying នេះ ត្រូវបាន​បង្កើត​នៅ​ខែកញ្ញា ឆ្នាំ​២០១៦ ដោយ​លោក Zhang Yiming វិស្វករ​សូ​ហ្វែ​រ និង​ជា​មហាសេដ្ឋី​ម្នាក់​របស់​ចិន​។​

 

​ក្នុងចំណោម​ការទាញយក​ប្រមាណ​៧០០​លាន មាន​៤៥​ភាគរយ​នៅ​ឥណ្ឌា ដោយ​ភាគច្រើន​គឺ​យុវជន​ដែលមាន​អាយុ​ក្រោម​២៥​ឆ្នាំ​។ នៅ​អឺរ៉ុប តួលេខ​ក៏បាន​បង្ហាញ​ផងដែរ​ថា TikTok ត្រូវបាន​ទាញយក​ជាង​៩​លាន​នៅលើ App Store និង​ជិត​២៥​លាន​នៅលើ Google Play ដោយ​រុស្ស៊ី តួ​ក​គី និង​អ៊ីតាលី មាន​អ្នកប្រើប្រាស់​ច្រើនជាងគេ​។​

 

WhatsApp ដែលជា​កម្មសិទ្ធិ​របស់​ហ្វេ​ស​ប៊ុ​ក បន្ត​ឈរ​ចំណាត់ថ្នាក់​លេខ​១ ប្រចាំឆ្នាំ​២០១៩ នៅក្នុង​តារាង​ចំណាត់ថ្នាក់​របស់ Sensor Tower ប៉ុន្តែ​នេះ​ជា​លើកដំបូង ដែល TikTok ដណ្តើម​ទីតាំង​លំដាប់​ទី​ពីរ​ពី App Messenger និង Facebook របស់លោក Mark Zuckerberg៕