ជាតិ
សង្គមជាតិ
ក្រសួងអប់រំ ឲ្យគណៈគ្រប់គ្រងសាលាពង្រឹងវិន័យ ក្រោយករណីសិស្សសាលាប្រើហិង្សាដាក់គ្នា
សកម្មសិស្សត្រួតគ្នាវាយដំគ្នា
×![]()
ភ្នំពេញ៖ ក្រោយករណីប្រើអំពើហិង្សារវាងសិស្ស នៅប៉ុន្មានថ្ងៃចុងក្រោយនេះ ក្រសួងអប់រំ បានស្នើឲ្យគណៈគ្រប់គ្រងសាលានីមួយៗ ពង្រឹងការណែនាំសិស្ស និងពង្រឹងវិន័យនៅក្នុងសាលា។ 
លោក រស់ សុវាចា អ្នកនាំពាក្យក្រសួងអប់រំ យុវជន និងកីឡា បានប្រាប់អ្នកសារព័ត៌មានថ្មីៗតាមទូរសព្ទថា ក្រសួងអប់រំ បានប្រាប់ដល់លោកគ្រូ អ្នកគ្រូប្រចាំថ្នាក់ឲ្យបន្តការណែនាំសិស្ស ពង្រឹងក្រុមប្រឹក្សាយុវជន និងក្រុមប្រឹក្សាកុមារ ដើម្បីទប់ស្កាត់អំពើខុសឆ្គងណាមួយដែលកើតឡើងដោយសារសិស្ស។
លោក រស់ សុវាចា ថ្លែងដូច្នេះ៖«ក្រសួងអប់រំបានដាក់ចេញនូវគោលការណ៍ សម្រាប់ឲ្យគណៈគ្រប់គ្រងសាលារៀននីមួយៗ អនុវត្តលើសិស្សានុសិស្ស។ ក្នុងករណីមានសិស្សប្រព្រឹត្តិអំពើអសីលធម៌អ្វីមួយ គណៈគ្រប់គ្រងសាលា ត្រូវណែនាំសិស្សកុំឲ្យប្រព្រឹត្តទៀត។ បើសិស្សប្រព្រឹត្តលើកទី២ សិស្សនោះត្រូវទទួលពិន័យរដ្ឋបាល។ កាលណាសិស្សដដែលនោះ នៅតែប្រព្រឹត្តទៀត សិស្សនោះនឹងត្រូវលុបឈ្មោះចេញ»
ក្រៅពីនេះ ក្រសួងអប់រំ ក៏អំពាវនាវឲ្យមានការចូលរួមពីគ្រប់ភាគីពាក់ព័ន្ធ ជាពិសេសមាតាបិតា សហគមន៍ អាជ្ញាធរ ដើម្បីទប់ស្កាត់ករណីទាំងអស់នេះដែរ៕
Tag:
ក្រសួងអប់រំ
សិស្ស.អប់រំ
© រក្សាសិទ្ធិដោយ thmeythmey.com
