​បទ ព្រហ្មគីតិ​
 

​អាហារ​ទាំង​ក្រៅ​ក្នុង​ ​ ​ជា​កំប៉ុង​ឬ​ជា​ដប​

​ប្រភេទ​ខ្លះ​មិន​ស្រប​ ​ ​សមប្រកប​នឹង​ក្មេង​ឡើយ​។​

​អាហារ​គ្មាន​ប្រភព​ ​        ​ គ្រឿង​ប៉ូវ​គ្រប់​គ្រោះ​ពេក​ហើយ​

​ចាហួយ​ព្រួយ​មិន​ស្បើយ​         ​រួមគ្នា​ឆ្លើយ​តបត​ទប់​។​

​នំ​ផ្អែម​ខ្លាំង​ដូ​ណាត់​ ​ ​ស្ករ​គ្រាប់​ចាត់ជា​ប្រភព​

​នាំ​ក្មេង​ឈឺ​ថ្ងៃ​យប់​ ​         ​រួម​បញ្ឈប់​ឲ្យ​បាន​ឆាប់​។​

​នៅផ្ទះ​ពឹង​ម៉ែឪ​ ​ ​        រី​តាមផ្លូវ​ពឹង​បម្រាប់​

​បម្រាម​គ្រូ​ប្រាមប្រាប់​ ​ ​ចែង​ចេញ​ច្បាប់​តាម​សាលា​។​

​អ្នកលក់​ត្រូវ​រឭក​ ​ ​        មមៃ​នឹក​ឧបមា​

​ក្មេងៗ​ក្នុង​សាលា​ ​ ​        ជា​បុត្រាបុត្រី​ឯង​។​

​កុំ​លក់​គ្រឿង​គ្រោះថ្នាក់​ ​        ទោះ​បាន​ប្រាក់ចំណូល​ស្តែង​

​ចំណេញ​បានតែ​ឯង​ ​ ​តែ​ដាក់​ស្លែង​បំប​ផ្លាញ​ជាតិ​។​ ​

​មន្ត្រី​គ្រប់លំដាប់​ ​ ​        ធ្វើតាម​ច្បាប់​ចាប់​ជន​ជៀត​

​កុំ​ឲ្យ​នាំចូល​ទៀត​ ​ ​        គ្រឿង​ណា​ឃ្លាត​ចាក​ច្បាប់​ចែង​៕​ ​