ជាតិ
លោក សុខ ទូច ត្រូវតែងតាំងឡើងវិញជាប្រធានរាជបណ្ឌិត្យសភា ឋានៈស្មើរដ្ឋមន្ត្រី
× លោក សុខ ទូច ដែលមានគោរមងារជាបណ្ឌិតសភាចារ្យ ត្រូវព្រះករុណាព្រះមហាក្សត្រ បង្គ្រាប់តែងតាំងឡើងវិញជាប្រធានរាជបណ្ឌិត្យសភាកម្ពុជា មានឋានៈស្មើរដ្ឋមន្ត្រី។ នេះបើតាមព្រះរាជក្រឹត្យចុះកាលពីថ្ងៃទី១៨ ខែមករា ឆ្នាំ២០២០។
លោក សុខ ទូច បានឡើងឋានៈពីអនុប្រធានទៅជាប្រធានរាជបណ្ឌិត្យសភាកម្ពុជាជំនួសលោកស្រី ខ្លូត ធីតា កាលពីឆ្នាំ២០១៧ ហើយបន្តដឹកនាំស្ថាប័នមួយនេះរហូតដល់បច្ចុប្បន្ន។
កាលពីថ្ងៃ២៦ ខែធ្នូ ឆ្នាំ២០១៩ ព្រះមហាក្សត្របានឡាយព្រះហស្តលេខាលើព្រះរាជក្រឹត្យស្តីពីការបង្កើតរាជបណ្ឌិត្យសភាកម្ពុជា ជាគ្រឹះស្ថានសាធារណៈរដ្ឋបាល ដូច្នេះ មុខតំណែងជាប្រធានរាជបណ្ឌិត្យសភាកម្ពុជា គឺត្រូវតែងតាំងឡើងវិញ ហើយលោក សុខ ទូច បន្តដឹកនាំស្ថាប័នជាតិមួយនេះ។
មាត្រា១នៃព្រះរាជក្រឹត្យ បញ្ជាក់ថា រាជបណ្ឌិត្យសភាកម្ពុជា (រ.ប.ស.ក) ដែលត្រូបបានបង្កើតជារដ្ឋបាលសាធារណៈ ស្ថិតក្រោមអាណាព្យាបាលបច្ចេកទេសនៃទីស្តីការគណៈរដ្ឋមន្ត្រី និងស្ថិតក្រោមអាណាព្យាបាលហិរញ្ញវត្ថុនៃក្រសួងសេដ្ឋកិច្ច និងហិរញ្ញវត្ថុ៕
© រក្សាសិទ្ធិដោយ thmeythmey.com