អត្ថបទពាណិជ្ជកម្ម
ធនាគារ ABA និងគណៈកម្មការមូលបត្រកម្ពុជា បើកឲ្យមានមធ្យោបាយទូទាត់អនឡាញ សម្រាប់វិនិយោគិន
× រាជធានីភ្នំពេញ កាលពីថ្ងៃទី២១ មករា ឆ្នាំ2020 កន្លងទៅនេះ ធនាគារ ABA ដែលជាគ្រឹះស្ថានហិរញ្ញវត្ថុឌីជីថលឈានមុខគេនៅកម្ពុជា នៅថ្ងៃនេះ ប្រកាសពីការចុះកិច្ចព្រមព្រៀង ជាមួយគណៈកម្មការមូលបត្រកម្ពុជា (គ..ម.ក) ដើម្បីផ្ដល់មធ្យោបាយទូទាត់ដ៏ងាយស្រួល និងដោយឥតគិតថ្លៃ សម្រាប់ការបង់ថ្លៃសេវា ស្នើសុំលេខអត្តសញ្ញាណវិនិយោគិន តាមអនឡាញ។
កិច្ចព្រមព្រៀងស្ដីពីការប្រើប្រាស់សេវាទូទាត់ប្រាក់តាមប្រព័ន្ធអេឡិចត្រូនិក សម្រាប់ការបង់ថ្លៃសេវាស្នើសុំលេខអត្តសញ្ញាណវិនិយោគិន តាមអនឡាញ ត្រូវបានចុះហត្ថលេខា រវាងលោក ស៊ូ សុជាតិ អគ្គនាយ គ.ក.មនិង លោក Askhat Azhikhanov នាយកប្រតិបត្តិធនាគារ ABA ដោយមានការចូលរួមពីក្រុមការងារនៃស្ថាប័នទាំងពីរ។
ផ្អែកលើកិច្ចព្រមព្រៀង និងការភ្ជាប់ប្រព័ន្ធទូទាត់ប្រកបដោយភាពជោគជ័យ វិនិយោគិនដែលមានបំណងចាប់ផ្ដើមការវិនិយោគ នៅក្នុងផ្សារមូលបត្រកម្ពុជា នឹងអាចបង់ថ្លៃសេវាស្នើសុំលេខអត្តសញ្ញាណវិនិយោគិនតាមអនឡាញ ជាប្រាក់រៀល ដោយប្រើប្រាស់ ABA PAY ដែលជាមុខងារទូទាត់បែបឌីជីថលរបស់ធនាគារ ABA ឬអាចទូទាត់តាមកាត Visa, Mastercard ឬ កាត UnionPay របស់ពួកគេ។ វិនិយោគិន អាចទូទាត់បានដោយសុវត្ថិភាព និងគ្រប់ពេលវេលានៅលើគេហទំព័ររបស់ គ.ក.ម website
www.secc.gov.kh ។
ក្នុងពិធីចុះហត្ថលេខានោះ នាយកប្រតិបត្តិធនាគារ ABA លោក Askhat Azhikhanov បានមានប្រសាសន៍ថា៖«យើងមានសេចក្ដីសោមនស្សរីករាយ ក្នុងការចាប់ដៃគូជាមួយ គ.ក.ម ដើម្បីផ្ដល់ដំណោះស្រាយឌីជីថលរបស់យើង សម្រាប់សេវាទូទាត់អនឡាញ ដល់វិនិយោគិនជារូបវន្តបុគ្គល និងជាក្រុមហ៊ុន។ ដោយទីផ្សារមូលបត្រនៅកម្ពុជា កំពុងមានការរីកចម្រើនទៅមុខ យើងជឿជាក់ថា នឹងមានវិនិយោគិនកាន់តែច្រើនឡើងៗ សម្រេចចិត្តចូលមកវិនិយោគ។ ហើយវាជារឿងចាំបាច់ណាស់ ដែលយើងត្រូវផ្ដល់ធម្យោបាយទូទាត់ដ៏ងាយស្រួល និងអាចទុកចិត្តបាន សម្រាប់ពួកគាត់។ ដំណោះស្រាយដែលយើងដាក់ឲ្យប្រើប្រាស់ នៅលើគេហទំព័ររបស់ គ.ក.ម នឹងឆ្លើយតបពេញលេញ ទៅតាមតម្រូវការរបស់វិនិយោគិន ដោយផ្ដល់ជូននូវជម្រើសទូទាត់ជាច្រើន ជាមួយការគាំទ្ររូបិយប័ណ្ណជាតិ គឺប្រាក់រៀល»។
ក្នុងរយៈពេលប៉ុន្មានឆ្នាំថ្មីៗនេះ ធនាគារ ABA ត្រូវបានទទួលស្គាល់ថា ជាធនាគារឈានមុខគេ ដោយសារយុទ្ធសាស្ត្ររបស់ខ្លួន ដែលផ្ដោតលើបច្ចេកវិទ្យា និងការអភិវឌ្ឍផលិតផលដ៏ទំនើបសម្រាប់អតិថិជនជាអាទិភាព។ សមិទ្ធផលរបស់ធនាគារ នៅក្នុងវឌ្ឍនភាពធុរកិច្ចឌីជីថល ត្រូវបានសាទរដោយទស្សនាវដ្ដីហិរញ្ញវត្ថុ Asiamoney ដែលផ្ដល់ពាន «ធនាគារឌីជីថលឆ្នើមជាងគេនៅកម្ពុជា ក្នុងឆ្នាំ2019» ដល់ធនាគារ ABA។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com