អត្ថបទពាណិជ្ជកម្ម
មណ្ឌលប៉ោយប៉ែត ក្រុម Family Sisophon FC (A) ក្លាយជាម្ចាស់ជើងឯក Tiger Street Football 2020
×![]()
ដោយ: ថ្មីៗ
ប៉ោយប៉ែត,បន្ទាយមានជ័យ៖ ក្រុម Family Sisophon FC (A) បានក្លាយជាម្ចាស់ជើងឯកមណ្ឌលប៉ោយប៉ែត Tiger Street Football 2020 ក្រោយយកឈ្នះ Bun Koy FC ជើងឯកឆ្នាំចាស់យ៉ាងលំបាក ក្នុងលទ្ធផល១ទល់០ នៅវគ្គផ្តាច់ព្រ័ត្រ ដែលបានរៀបចំឡើងកាលពីថ្ងៃអាទិត្យ។ យ៉ាងណាការប្រកួតធម្មតា ប្រើរយៈពេល១២នាទីពេញនោះ គឺមិនមានក្រុមណា អាចយកឈ្នះគ្នាបានឡើយ បើទោះជាក្រុមនីមួយៗ មោះមុតយ៉ាងណាក្ដី។ ការប្រកួតត្រូវបានបន្ត និងដកកីឡាកររហូត២ដងចេញ ទើបក្រុម Family Sisophon (A) អាចស៊ុតបញ្ចូលសំណាញ់១គ្រាប់ នៅជិតបញ្ចប់ការប្រកួត។
បន្ទាប់ពីគ្រងតំណែងជើងឯកប្រចាំមណ្ឌលប៉ោយប៉ែត លោក ឈឿម ហេង ប្រធានក្រុម Family Sisophon FC (A) បានលើកឡើងថា ទម្រាំដណ្តើមបានតំណែងជើងឯកនេះបាន ក្រុមរបស់លោកបានឆ្លងកាត់ក្រុមខ្លាំងជាច្រើន ហើយអ្វីដែលធ្វើអោយក្រុមលោក ទទួលបានជោគជ័យដណ្តើមបានលេខ១ ប្រចាំមណ្ឌលអមជាមួយទឹកប្រាក់ ១៥០០ដុល្លារ ដោយសាតែក្រុមបានហ្វឹកហាត់ទម្រង់លេង Tiger Street Football ជាប្រចាំ។ ចំពោះផែនការបន្តទៀត នៅវគ្គផ្តាច់ព្រ័ត្រនៅរាជធានីភ្នំពេញ លោកនឹងបង្កើនការហ្វឹកហាត់ ពង្រឹងសមត្ថភាពក្រុមបន្ថែមទៀត ដើម្បីឈានទៅក្រសោបបាន ជើងឯកវគ្គផ្តាច់ព្រ័ត្រ នៅរាជធានីភ្នំពេញ លើកមុខមាត់ខេត្តបន្ទាយមានជ័យ។
សម្រាប់ជ័យលាភីមណ្ឌលប៉ោយប៉ែតនេះ គឺ៖ ក្រុមលេខ១ Family Sisophon (A) ទទួលបានប្រាក់រង្វាន់ ១៥០០ដុល្លារ។ ក្រុមលេខ២ Bun Koy FC ទទួលបានប្រាក់រង្វាន់ ១០០០ដុល្លារ។ ក្រុមលេខ៣ Bun Koy Youth ទទួលបាន ប្រាក់រង្វាន់ ៥០០ដុល្លារ និងក្រុមលេខ៤ Poi pet United ទទួលបានប្រាក់រង្វាន់ ២០០ដុល្លារ។ ក្រុម Diamondstar A និង ក្រុម Poi Pet Empire (A) បានសំបុត្រ ឡើងមកវគ្គផ្ដាច់ព្រ័ត្រ នៅរាជធានីភ្នំពេញ ចាប់ពី ថ្ងៃទី២៩ កុម្ភៈ និងថ្ងែទី១ មីនាឆ្នាំ ២០២០។ នៅវគ្គព្រ័ត្រនៅរាជធានីភ្នំពេញនេះ ក៏មានការចូលរួមពី លោក Rio Ferdinand ផងដែរ។
ក្រោយបញ្ចប់មណ្ឌលប៉ោយប៉ែតនេះ ព្រឹត្តិការណ៍ Tiger Street Football 2020 នឹងបន្តទៅមណ្ឌលបាត់ដំបង ដែលជាមណ្ឌលទី៤ មានបាត់ដំបង ពោធិ៍សាត់ ប៉ៃលិន បន្ទាយមានជ័យ ដាក់ពាក្យនៅមណ្ឌលខេត្តបាត់ដំបងប្រកួត នៅថ្ងៃទី៣១ មករា ថ្ងៃទី១ និងទី២ កុម្ភៈ ឆ្នាំ២០២០។
ស្តែងចេញនូវការតាំងចិត្តដ៏មោះមុតរបស់អ្នក ជាមួយស្រាបៀរថៃហ្គ័រ។
ពិសាដោយការទទួលខុសត្រូវ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
