សុខភាព
អន្តរជាតិ
កូរ៉ូណាវីរុស៖ អាមេរិក និងអាល្លឺម៉ង់ឡើង៨ករណី អេមីរ៉ាតអារ៉ាប់រួមមាន៥ករណី
×![]()
ដោយ: រួបរួម
ខណៈចិនចេះតែបន្តកើនឡើងចំនួនអ្នកស្លាប់ និងអ្នកជំងឺ សហរដ្ឋអាមេរិក អាល្លឺម៉ង់ និងអេមីរ៉ាតអារ៉ាប់រួម ក៏កើនឡើងតួលេខអ្នកជំងឺរលាកសួតបង្កដោយមេរោគកូរ៉ូណាផងដែរ។ គិតត្រឹមម៉ោង៦ព្រឹកថ្ងៃអាទិត្យនេះ អ្នកជំងឺសរុបឡើងជិត១៤០០នាក់ ខណៈអ្នកស្លាប់ឡើងជាង៣០០នាក់។
អាមេរិកបានអះអាងពីការរកឃើញករណីទី៨ ដោយអ្នកជំងឺជាបុរសវ័យជាង២០ឆ្នាំម្នាក់ដែលរស់នៅក្រុងបូស្តុន រដ្ឋម៉ាសាឈូសេត ហើយបានធ្វើដំណើរទៅកាន់ក្រុងវូហាន។ នេះក៏ជាករណីដំបូងដែលត្រូវបានរកឃើញនៅរដ្ឋម៉ាសាឈូសេតផងដែរ។
នៅអាល្លឺម៉ង់ បុរសវ័យ៣៣ឆ្នាំម្នាក់ ដែលស្នាក់នៅមន្ទីរពេទ្យរដ្ឋ Bavaria បានក្លាយជាករណីទី៨ផងដែរ។ បើតាមមន្ត្រីសុខាភិបាលរដ្ឋ Bavaria គាត់ជាអ្នកជំងឺសរុបទី៧ដែលត្រូវបានរកឃើញនៅក្នុងក្រុមហ៊ុនមួយក្នុងក្រុង Starnberg នារយៈពេល៣ថ្ងៃចុងក្រោយនេះ។
ជាមួយគ្នានេះ អេមីរ៉ាតអារ៉ាប់រួម មានអ្នកជំងឺបន្ថែមទៀត បន្ទាប់ពីការរកឃើញ៤ករណីដំបូងដែលស្ថិតក្នុងគ្រួសារតែ១។ ករណីទី៥នៅប្រទេសអារ៉ាប់មួយនេះ គឺជាបុរសម្នាក់ដែលមកពីក្រុងវូហាន។ ទោះបីជាយ៉ាងណាក៏ដោយ បើយោងតាមការផ្សាយរបស់ Khaleej Times អាជ្ញាធរអេមីរ៉ាអារ៉ាប់រួម បានអះអាងថា ពួកគេមានសមត្ថភាពគ្រប់គ្រាន់ក្នុងការទប់ទល់ជំងឺមួយនេះ។
ក្រៅពីចិន និងរដ្ឋបាលពិសេសហុងកុង ម៉ាកាវ និងតៃវ៉ាន់ ប្រទេស២៣ផ្សេងទៀតដែលមានអ្នកជំងឺកូរ៉ូណាវីរុសរួមមាន ថៃ ជប៉ុន សិង្ហបុរី កូរ៉េខាងត្បូង អូស្ត្រាលី ម៉ាឡេស៊ី បារាំង សហរដ្ឋអាមេរិក អាល្លឺម៉ង់ វៀតណាម អេមីរ៉ាតអារ៉ាប់រួម កាណាដា អ៊ីតាលី រុស្ស៊ី ចក្រភពអង់គ្លេស កម្ពុជា ហ្វាំងឡង់ ឥណ្ឌា ណេប៉ាល់ ហ្វីលីពីន ស្រីលង្កា ស៊ុយអែត និងអេស្ប៉ាញ៕
អាមេរិកបានអះអាងពីការរកឃើញករណីទី៨ ដោយអ្នកជំងឺជាបុរសវ័យជាង២០ឆ្នាំម្នាក់ដែលរស់នៅក្រុងបូស្តុន រដ្ឋម៉ាសាឈូសេត ហើយបានធ្វើដំណើរទៅកាន់ក្រុងវូហាន។ នេះក៏ជាករណីដំបូងដែលត្រូវបានរកឃើញនៅរដ្ឋម៉ាសាឈូសេតផងដែរ។
នៅអាល្លឺម៉ង់ បុរសវ័យ៣៣ឆ្នាំម្នាក់ ដែលស្នាក់នៅមន្ទីរពេទ្យរដ្ឋ Bavaria បានក្លាយជាករណីទី៨ផងដែរ។ បើតាមមន្ត្រីសុខាភិបាលរដ្ឋ Bavaria គាត់ជាអ្នកជំងឺសរុបទី៧ដែលត្រូវបានរកឃើញនៅក្នុងក្រុមហ៊ុនមួយក្នុងក្រុង Starnberg នារយៈពេល៣ថ្ងៃចុងក្រោយនេះ។
ជាមួយគ្នានេះ អេមីរ៉ាតអារ៉ាប់រួម មានអ្នកជំងឺបន្ថែមទៀត បន្ទាប់ពីការរកឃើញ៤ករណីដំបូងដែលស្ថិតក្នុងគ្រួសារតែ១។ ករណីទី៥នៅប្រទេសអារ៉ាប់មួយនេះ គឺជាបុរសម្នាក់ដែលមកពីក្រុងវូហាន។ ទោះបីជាយ៉ាងណាក៏ដោយ បើយោងតាមការផ្សាយរបស់ Khaleej Times អាជ្ញាធរអេមីរ៉ាអារ៉ាប់រួម បានអះអាងថា ពួកគេមានសមត្ថភាពគ្រប់គ្រាន់ក្នុងការទប់ទល់ជំងឺមួយនេះ។
ក្រៅពីចិន និងរដ្ឋបាលពិសេសហុងកុង ម៉ាកាវ និងតៃវ៉ាន់ ប្រទេស២៣ផ្សេងទៀតដែលមានអ្នកជំងឺកូរ៉ូណាវីរុសរួមមាន ថៃ ជប៉ុន សិង្ហបុរី កូរ៉េខាងត្បូង អូស្ត្រាលី ម៉ាឡេស៊ី បារាំង សហរដ្ឋអាមេរិក អាល្លឺម៉ង់ វៀតណាម អេមីរ៉ាតអារ៉ាប់រួម កាណាដា អ៊ីតាលី រុស្ស៊ី ចក្រភពអង់គ្លេស កម្ពុជា ហ្វាំងឡង់ ឥណ្ឌា ណេប៉ាល់ ហ្វីលីពីន ស្រីលង្កា ស៊ុយអែត និងអេស្ប៉ាញ៕
Tag:
កូរ៉ូណាវីរុស
© រក្សាសិទ្ធិដោយ thmeythmey.com
