អន្តរជាតិ
×![]()
ឥណ្ឌា បានរកឃើញករណីណូវែលកូរ៉ូណាវីរុសថ្មីមួយទៀត ។ តួលេខថ្មីនេះ បានបន្ថែមករណីឆ្លងសរុបនៅក្នុងប្រទេសនេះ កើនដល់២ករណីហើយ។
រដ្ឋាភិបាលឥណ្ឌា នៅថ្ងៃ ២ កុម្ភៈ បានបញ្ជាក់ករណីឆ្លងកូរ៉ូណាវីរុសទី២ ក្នុងប្រទេសខ្លួន។ ករណីនេះ កើតលើអ្នកជំងឺម្នាក់ក្នុងរដ្ឋ Kerala ពោលគឺរដ្ឋដូចគ្នាដែលករណីទី១ក៏ត្រូវបានរកឃើញ។ ក្នុងសេចក្តីថ្លែងការណ៍ខ្លួន រដ្ឋាភិបាលឥណ្ឌា បានអះអាងថា អ្នកជំងឺករណីទី២នេះ ត្រូវបានដាក់ឲ្យនៅដាច់ដោយឡែកក្នុងមន្ទីរពេទ្យ។
រដ្ឋាភិបាលឥណ្ឌា អះអាងទៀតថា សុខភាពអ្នកជំងឺនេះ ស្ថិតក្នុងស្ថានភាពល្អ ហើយកំពុងទទួលបានតាមដានយ៉ាងជិតដិត។ អ្នកជំងឺនេះ មានប្រវត្តិធ្វើដំណើរមកពីប្រទេសចិន។ យ៉ាងណាមិញ រដ្ឋាភិបាលឥណ្ឌា ពុំបានបញ្ជាក់ពីជនជាតិ ឬអាយុរបស់អ្នកជំងឺនេះឡើយ៕
© រក្សាសិទ្ធិដោយ thmeythmey.com
