ជាតិ
បទយកការណ៍ / បទសម្ភាសន៍
វីដេអូ
ត្បាញភួយ ក្រមា ដែលមានក្បាច់ ជនជាតិដើមភាគតិចទំពួន ត្រូវសែនជ្រូក និងស្រាពាង
× រតនគិរី៖ អ្នកស្រី បឺត ភ្លន់ ជាជនជាតិដើមភាគតិចទំពួន ដែលនៅរក្សាប្រពៃណីតម្បាញដែលបន្សល់ទុកពីដូនតារបស់ខ្លួន។ មានទីលំនៅក្នុងភូមិភ្នំ សង្កាត់យក្សឡោម ក្រុងបានលុង ខេត្តរតនគិរី ស្ត្រីវ័យជាង៥០ឆ្នាំរូបនេះ ថាគាត់ចេះត្បាញភួយ កន្សែង ក្រមា និងរបស់ប្រើប្រាស់ផ្សេងទៀត តាំងពីតូចៗមក ដោយមានម្តាយជាអ្នកបង្រៀន។ អ្នកស្រី បឺត ភ្លន់ អះអាងទៀតថា រៀងរាល់ពេលដែលអ្នកស្រីត្បាញភួយ សំពត់ ឬក្រមា មានក្បាច់ឡេះរនាម(តាមសំនៀងរបស់ជនជាតិភាគតិចទំពួន) គឺដាច់ខាតអ្នកស្រីត្រូវ រៀបចំសែនជ្រូក និងស្រាពាង។ អ្នកស្រី ភ្លន់ ពន្យល់ថា តាមជំនឿប្រសិនបើត្បាញ(មានក្បាច់)ហើយ មិនរៀបសំនែននោះ អ្នកត្បាញអាចឈឺក្បាល ងងឹត ឬស្រវាំងភ្នែក ហើយមានករណីខ្លះមានបញ្ហាផ្នែកស្មារតីទៀតផង។
ដើម្បីជ្រាបព័ត៌មានលម្អិត សូមអញ្ជើញទស្សនាកិច្ចសម្ភាសរវាង កញ្ញា ខន ចំប៉ា អ្នកកាសែតនៃសារព័ត៌មានថ្មីៗ និងអ្នកស្រី បឺត ភ្លន់ ជាជនជាតិដើមភាគតិចទំពួន ដូចតទៅ៖
Tag:
ត្បាញ
តម្បាញ
ជនជាតិដើមភាគតិច
ទំពួន
សែនព្រេន
© រក្សាសិទ្ធិដោយ thmeythmey.com