ពីនេះ ពីនោះ
ព័ត៍មានសុខភាព
×![]()
ដោយ: ថ្មីៗ
ខាងក្រោមនេះ យើងខ្ញុំនឹងបង្ហាញអ្នកពីវិធីក្នុងការការពារអ្នកពីវីរុសថ្មី ក្រោយពេលដែលប្រើបង្គន់សាធារណៈ។ តើមានអ្វីខ្លះទៅ?
- ប្រសិនជាអ្នកមើលដឹងថា លើចានបង្គន់នោះគឺកង្វក់ខ្លាំង អ្នកគួរតែប្តូរបង្គន់មួយទៀត មិនគួរបន្តប្រើបង្គន់កង្វក់នេះទេ ទើបអ្នកមិនឆ្លងរោគពីបង្គន់នោះយ៉ាងងាយ។
- អ្នកគួរតែយកក្រណាត់សើមដែលមានសារធាតុអាល់កុលតាមខ្លួន ទើបអាចប្រើពេលចូលបន្ទប់ទឹកសាធារណៈ។ នៅពេលដែលអ្នកចូលបន្ទប់ទឹក អ្នកគួរតែយកក្រណាត់សើមនោះជូតលើចានបង្គន់ជាមុនសិន ទើបអ្នកអាចអង្គុយលើបង្គន់នោះបាន ដើម្បីសម្លាប់មេរោគដែលមានលើនោះ។
- អ្នកមិនគួរឡើងជាន់លើចានបង្គន់ដើម្បីបត់ជើងតូច ឬធំនោះទេ ព្រោះទម្ងន់អ្នកធ្ងន់ អាចធ្វើឲ្យចានបង្គន់នោះប្រេះបាន ដោយអាចធ្វើឲ្យអ្នករបួសបានយ៉ាងងាយ។
- ដៃរបស់អ្នកមិនគួរប៉ះពាល់ផ្តេសផ្តាសក្នុងបន្ទប់ទឹកនោះឡើយ ព្រោះសុទ្ធតែមានមេរោគផ្ទុកច្រើនណាស់ក្នុងនោះ។ ដូចនេះ អ្នកមិនគួរប៉ះពាល់របស់ដែលមានក្នុងនោះឡើយ។ ជាពិសេស ក្រោយពេលដែលអ្នកចេញពីបន្ទប់ទឹក គួរតែលាងដៃរបស់អ្នកឲ្យបានស្អាត៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
