ជាតិ
បទយកការណ៍ / បទសម្ភាសន៍
អត្ថបទពាណិជ្ជកម្ម
សេវាហៅកង់បីតាម APP ឈ្មោះGoGo Taxi Cambodia សង្ឃឹមបំពេញភាពខ្វះខាតក្នុងទីផ្សារកម្ពុជាបាន
×![]()
ដោយ: ថ្មីៗ
ភ្នំពេញ៖ GoGo Taxi Cambodia គឺជាសេវាកម្មហៅរ៉ឺម៉កកង់បី និងតាក់ស៊ី តាមកម្មវិធីទូរសព្ទ(Application) ដែលទើបប្រឡូកក្នុងទីផ្សារប្រទេសកម្ពុជានៅដើមឆ្នាំ២០១៩នេះ។ GoGo Taxi Cambodia ហាក់មានជំនឿខ្ពស់នៅក្នុងជំនួញរបស់ខ្លួន។ លោក ទូច ពិសិដ្ឋ អ្នកគ្រប់គ្រងទីផ្សារនៃក្រុមហ៊ុន GoGo Taxi Cambodia អះអាងប្រាប់សារព័ត៌មានថ្មីៗថា កម្មវិធីហៅរ៉ឺម៉កកង់បី និងតាក់ស៊ីតាមទូរសព្ទមួយនេះ នឹងបង្កើតជម្រើសកាន់តែល្អប្រសើរសម្រាប់អតិថិជន។ជាមួយគ្នានេះ GoGo Taxi Cambodia ចូលមកប៉ះប៉ូវចន្លោះប្រហោង ដែលគូប្រជែងរបស់ខ្លួន មិនទាន់មាននៅក្នុងទីផ្សារបច្ចុប្បន្ន។ លោក ទូច ពិសិដ្ឋ បញ្ជាក់ពីជំនឿរបស់ក្រុមហ៊ុនខ្លួនដូច្នេះ៖«ក្នុងសម័យបច្ចេកវិទ្យានេះ ក្រុមហ៊ុនធំលែងជាឧបសគ្គទៀតហើយ តែគិតលើល្បឿនវិញ។ លើសពីនេះទៀត គឺយើងនៅតែមើលឃើញចន្លោះប្រហោង ឱកាស និងយុទ្ធសាស្ត្រអាចទៅរួចក្នុងជំនួញនេះ»។
ដើម្បីជ្រាបច្បាស់ សូមអញ្ជើញអានបទសម្ភាសរវាងសារព័ត៌មានថ្មីៗ និងលោក ទូច ពិសិដ្ឋ ប្រធានផ្នែកទីផ្សាររបស់ក្រុមហ៊ុន GoGo Taxi Cambodia ខាងក្រោមនេះ៖
សារព័ត៌មានថ្មីៗ៖ លោក ទូច ពិសិដ្ឋ ដោយសារតែសេវាកក់រ៉ឺម៉កកងបី តាមកម្មវិធីទូរស័ព្ទដៃ មិនមែនជាអាជីវកម្មថ្មីឡើយនៅកម្ពុជា នាងខ្ញុំចង់ឲ្យលោក រំឭកបន្តិចពីដើមចមនៃការបង្កើតអាជីវកម្មមួយនេះ?
លោក ទូច ពិសិដ្ឋ៖ ត្រឹមត្រូវណាស់ សេវាកក់រ៉ឺម៉កកង់បី ឬតុកតុក និងការហៅសេវាកម្មតាក់ស៊ីផ្សេងៗ កំពុងតែដំណើរការដោយក្រុមហ៊ុនមួយចំនួននៅកម្ពុជាយើងហើយ។ ក្នុងនោះមានទាំងវិនិយោគិនក្នុងស្រុក និងក្រុមហ៊ុនបរទេស ដែលបានហក់ចូលមកដូចគ្នា ប៉ុន្តែអ្វីដែលជាដើមចម នៃការបង្កើតកម្មវិធីនេះឡើងគឺ ដោយសារក្រុមយើងមានក្តីស្រឡាញ់ និងចំណេះជំនាញលើផ្នែកហ្នឹងស្រាប់។ ម្យ៉ាងទៀតយើងឃើញថា នៅក្នុងបរិបទនៃប្រទេសជាតិកំពុងរីកចម្រើនដូច្នេះ ចរាចរណ៍ក៏កាន់តែកកស្ទះ ហើយយើងឃើញថា និន្នាការនៅក្នុងប្រទេសយើងបច្ចុប្បន្ន មានទំនោរផ្លាស់ប្តូរមធ្យបាយធ្វើដំណើរ។ ទន្ទឹមនឹងនេះ ប្រជាពលរដ្ឋកម្ពុជា ជាពិសេសស្រទាប់យុវវ័យ និងមជ្ឈិមវ័យ ក៏មានការយល់ដឹងច្រើនឡើងៗទៅលើបច្ចេកវិទ្យា ដែលនេះក៏ជាឱកាសសម្រាប់ការវិនិយោគរបស់ពួកយើង។ ហើយអ្វីដែលសំខាន់នោះ គឺយើងមានជំនឿយ៉ាងមុតមាំថា យើងមានក្រុមដ៏ខ្លាំង ដែលយើងអាចធ្វើរឿងអស្ចារ្យបានច្រើន។
សារព័ត៌មានថ្មីៗ៖ ហេតុអ្វីបានជា ក្រុមហ៊ុនលោក សម្រេចហក់ចូលក្នុងអាជីវកម្មតាមប្រព័ន្ធអនឡាន ពោលគឺផ្តល់សេវាកម្មកក់រ៉ឺម៉កកងបីតាមកម្មវិធីទូរសព្ទ ដែលមានឈ្មោះថា Go Go Taxi Cambodiaនេះ?
លោក ទូច ពិសិដ្ឋ៖ ក្តីស្រលាញ់ ហើយសង្ឃឹមថាបច្ចេកវិទ្យា(Technology) នឹងជួយសម្រួលការងារយើងកាន់តែប្រសើរ មិនត្រឹមក្នុងវិស័យដឹកជញ្ជូនប៉ុណ្ណោះទេ ប៉ុន្តែវិស័យជាច្រើនទៀតក៏ត្រូវបានជំរុញឲ្យរីកចម្រើន តាមរយៈបច្ចេកវិទ្យានេះដែរ។ ទំនោរសង្គម ដែលគ្រប់មនុស្សទាំងអស់ ចាប់ផ្តើមប្រើស្មាតហ្វូន ជាមធ្យោបាយក្នុងការទំនាក់ទំនង និងសេវាម្មផ្សេងៗ ដែលជាបង្កភាពងាយស្រួលកាន់តែខ្លាំង។ បង្កើតជម្រើសកាន់តែល្អប្រសើរ សម្រាប់អតិថិជនទាំងអស់ឲ្យមានជម្រើសច្រើន ក្នុងការប្រើប្រាស់តាមតំបន់នីមួយៗ ហើយអ្វីដែលយើងបានរៀនពីគូប្រជែងរបស់យើង គឺជាការប៉ះប៉ូវនូវចន្លោះប្រហោង ដែលទីផ្សាររបស់ពួកគាត់មិនទាន់មាន។
សារព័ត៌មានថ្មីៗ៖ លោក ពិសិដ្ឋ គិតថា Go Go Taxi Cambodia អាចប្រកួតប្រជែងក្នុងទីផ្សារកម្ពុជាបានទេ ដោយសារបច្ចុប្បន្នមានក្រុមហ៊ុនធំៗ២ ដែលបានចាប់យកចំណែកទីផ្សារដ៏ច្រើនរួចបាត់ទៅហើយនោះ?
លោក ទូច ពិសិដ្ឋ៖ តាមការពិតទៅ កាលពីដើម នៅពេលដែលយើងឃើញថា មានក្រុមហ៊ុនធំៗនៅក្នុងវិស័យដែលយើងចង់ធ្វើ យើងតែងតែខ្លាច ឬក៏ឈប់ធ្វើនូវអ្វីដែលជាចំណង់ចំណូលចិត្ត(passion) គោលដៅ និងយុទ្ធសាស្ត្ររបស់យើង។ តែតាមពិតទៅ ក្នុងសម័យបច្ចេកវិទ្យានេះ គឺលែងគិតថាក្រុមហ៊ុនធំ ជាឧបសគ្គទៀតហើយ តែគិតលើល្បឿនវិញ នោះគឺ «លឿនស៊ីយឺត»។ លើសពីនេះទៀត គឺយើងនៅតែមើលឃើញចន្លោះប្រហោង ឱកាស និងយុទ្ធសាស្ត្រអាចទៅរួចក្នុងជំនួញនេះ ព្រមទាំងបច្ចេកវិទ្យា ភាពបត់បែន និងភាពងាយស្រួលរបស់យើងអាចចាប់យកអតិថិជន និងតំបន់ដែលមិនសូវប្រជែងខ្លាំងបន្ថែមទៀត ពីគូរប្រកួតធំៗរបស់យើងបាន៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
