រដ្ឋមន្ត្រីសុខាភិបាលថៃ ព្រមានដេញបរទេសចេញទៅវិញ បើពួកគេអត់ពាក់ម៉ាស់

អន្តរជាតិ

រដ្ឋមន្ត្រីសុខាភិបាលថៃ ព្រមានដេញបរទេសចេញទៅវិញ បើពួកគេអត់ពាក់ម៉ាស់

07, Feb 2020 , 4:35 pm

រូបភាព

ដោយ: ធីតា

លោក Anutin Charnvirakul រដ្ឋមន្ត្រីសុខាភិបាលថៃ បានព្យាយាមពន្យល់ឲ្យពលរដ្ឋពង្រឹងការការពារខ្លួនពីជំងឺរលាកសួតបង្កដោយមេរោគកូរ៉ូណាប្រភេទថ្មី (2019-nCoV)។ ជាមួយគ្នានេះ លោកបានព្រមានថា ជនបរទេស (farangs) ដែលបដិសេធពាក់ម៉ាស់ នឹងត្រូវដេញចេញពីថៃ។

ក្នុងបទសម្ភាសជាមួយអ្នកសារព័ត៌មាននៅ BTS Siam នាព្រឹកថ្ងៃទី៧ ខែកុម្ភៈ បានបញ្ជាក់ថា ជនបរទេសដែលមានអាកប្បកិរិយាមិនគប្បី នឹងត្រូវរាយការណ៍ទៅស្ថានទូតរបស់ពួកគេ។ ប្រសិនបើពួកគេមិនព្រមពាក់ម៉ាស់ តាមការណែនាំរបស់អាជ្ញាធរថៃ មធ្យោបាយតែមួយគត់ គឺដេញពួកគេចេញពីថៃតែម្តង។

តាមការផ្សាយរបស់ Khaosod English រដ្ឋមន្ត្រីសុខាភិបាលថស កត់សម្គាល់ថា ជនជាតិចិន និងអាស៊ីផ្សេងទៀតបានពាក់ម៉ាស់ ប៉ុន្តែជនជាតិអឺរ៉ុបមួយចំនួន មិនបានធ្វើដូច្នោះឡើយ។ ទោះបីជាម៉ាស់ មិនអាចទប់ស្កាត់មេរោគបាន១០០ភាគរយ តែក៏ឲ្យជួយការពារបានខ្លះផងដែរ។

Thai Public Health Min Anutin Charnvirakul was handing out surgical masks today for people to protect themselves against the Novel #Coronavirus. Apparently some foreign tourists didn't take them, which led to this unusual outburst by him suggesting they "should be kicked out." pic.twitter.com/UcVJtYCqeM
— Saksith Saiyasombut (@SaksithCNA) February 7, 2020

គិតត្រឹមល្ងាចថ្ងៃទី៧ ខែកុម្ភៈ នេះ ថៃ រកឃើញអ្នកជំងឺកូរ៉ូណាវីរុស២៥ករណី ដោយមានទាំងទេសចរចិន និងជនជាតិចិន ដែលក្នុងនោះ ៩ករណីត្រូវបានអះអាងថា ជាសះស្បើយ ហើយត្រូវបានអនុញ្ញាតឲ្យចេញពីមន្ទីរពេទ្យ៕