សង្គមអន្តរជាតិ
អន្តរជាតិ
កូរ៉ូណាវីរុស៖ ករណីឆ្លងនៅថៃឡើងដល់៣២, អេមីរ៉ាតអារ៉ាប់រួមមាន៧, ជប៉ុនមាន៨៩
× នៅថ្ងៃទី៨ ខែកុម្ភៈ ថៃ ជប៉ុន និងអេមីរ៉ាតអារ៉ាប់រួមបានប្រកាសពីករណីឆ្លងកូរ៉ូណាវីរុសថែមទៀតក្នុងប្រទេសរៀងៗខ្លួន។ ករណីឆ្លងនៅថៃកើនដល់៣២ ខណៈអេមីរ៉ាតអារ៉ាប់រួមមាន៧ករណី ឯជប៉ុនកើនដល់៨៩។
នៅថ្ងៃទី៨ ខែកុម្ភៈ អាជ្ញាធរសុខាភិបាលប្រកាសពីរកឃើញករណីឆ្លងកូរ៉ូណាវីរុសចំនួន៧ថែមទៀត ដែលក្នុងនោះមានជនជាតិថៃបីនាក់ និងជនជាតិបួននាក់។ បូក៧ករណីចុងក្រោយនេះ ថៃមានករណីឆ្លងកូរ៉ូណាវីរុសចំនួន៣២ ដែលជាចំនួនច្រើនជាងគេបន្ទាប់ពីចិន។
លោក Suwannachai Wattanayingcharoenchai អគ្គនាយកនាយកដ្ឋានគ្រប់គ្រងជំងឺឆ្លងបញ្ជាក់ថា អ្នកជំងឺទាំង៧ កំពុងសម្រាកក្នុងមន្ទីរពេទ្យ។ ក្នុងចំណោមករណីឆ្លងចំនួនបីដែលកើតលើជនជាតិថៃ មានមួយករណីកើតលើអ្នកដែលជម្លៀសពីវូហាន និងពីរនាក់ទៀតទំនងជាឆ្លងពីភ្ញៀវទេសចរណ៍។ នេះបើតាមការផ្សាយរបស់ទីភ្នាក់ងារព័ត៌មាន Reuters ។ ជនជាតិបីនាក់ដែលឆ្លងវីរុសនេះ ជាសមាជិកគ្រួសាររបស់អ្នកដែលឆ្លងលើកមុន ហើយមួយករណីចុងក្រោយ គឺជាអ្នកដំណើរមកពីចិន។
នៅអេមីរ៉ាតអារ៉ាប់រួមវិញ ករណីឆ្លងពីរទៀត ត្រូវបានរកឃើញ។ ក្រសួងសុខាភិបាលប្រទេសនេះបានប្រកាសតាម Twitter ថា ករណីចុងក្រោយ កើតលើជនជាតិចិន និងហ្វីលីពីន ដែលធ្វើឲ្យអេមីរ៉ាតអារ៉ាប់រួម មានករណីឆ្លងដល់៧ហើយ។
ករណីឆ្លងកូរ៉ូណាវីរុសនៅជប៉ុន ក៏បន្តកើនឡើងដែរ។ នៅថ្ងៃទី៨ ខែកុម្ភៈ ជប៉ុនបានរកឃើញករណីឆ្លងកូរ៉ូណាវីរុសលើនាវាទេសចរណ៍ Diamond Princess ចំនួនបីករណីទៀត ដែលធ្វើឲ្យករណីឆ្លងនៅលើនាវានេះកើនដល់៦៤ ។ មិនគិតពីករណីនៅលើនាវាnV ជប៉ុនមានករណីឆ្លងចំនួន២៥ទៀត៕
Tag:
ថៃ
ជប៉ុន
កូរ៉ូណាវីរុស
UAE
© រក្សាសិទ្ធិដោយ thmeythmey.com