អន្តរជាតិ
កូរ៉ូណាវីរុស៖ ជប៉ុនរកឃើញ៦០ករណីទៀតនៅនាវា Diamond Princess
× នាថ្ងៃទី១០ ខែកុម្ភៈ ជប៉ុន បានរកឃើញអ្នកផ្ទុកកូរ៉ូណាវីរុសប្រភេទថ្មី (2019-nCoV) ៦០ករណីបន្ថែមទៀត នៅលើនាវាទេសចរណ៍ Diamond Princess ដែលត្រូវបានឃាត់ទុកនៅកំពង់ផែ Yokahama។ តួលេខថ្មីនេះ នាំឲ្យចំនួនអ្នកជិះនាវាដែលត្រូវបានរកឃើញថា កើតកូរ៉ូណាវីរុស ឡើងដល់១៣០នាក់។ នេះបើតាមការផ្សាយរបស់ TBS TV។
មនុស្ស១០នាក់ដំបូង ត្រូវបានរោគឃើញរោគសញ្ញាកូរ៉ូណាវីរុស នៅថ្ងៃទី៤ ខែមករា ក្នុងចំណោមអ្នកជិះនាវា Diamond Princess ប្រមាណ៣៧០០នាក់។ ចំនួនកើនឡើងជាបន្តបន្ទាប់ ដោយកាលពីម្សិលមិញ ចំនួនសរុបឡើងដល់៧០នាក់ ហើយនៅថ្ងៃនេះ៦០នាក់បន្ថែមទៀត។
បើគិតទូទាំងប្រទេសជប៉ុនទាំងមូល ការរកឃើញអ្នកកើតកូរ៉ូណាវីរុស មាន១៥៦ករណីហើយ ដែលក្នុងនោះ២៦នាក់នៅតាមតំបន់នានា និង១៣០នាក់នៅលើនាវា Diamond Princess៕
© រក្សាសិទ្ធិដោយ thmeythmey.com