realme ដែលជាម៉ាកសញ្ញាស្មាតហ្វូន ដែលមានការរីកចម្រើនលឿនបំផុត បានប្រ កាសជាផ្លូវការនៅថ្ងៃនេះថា ខ្លួននឹងរៀបចំព្រឹត្តិការណ៍សម្ពោធផលិតផល 5G ថ្មីជាមួយនឹងប្រធានបទ «ល្បឿននៃអនាគត» នៅក្នុងសមាជទូរស័ព្ទពិភពលោកប្រចាំឆ្នាំ2020 (MWC) ដែលនឹងប្រារព្ធឡើងនៅទីក្រុងបាសេឡូណា (Barcelona) ប្រទេសអេស្ប៉ាញ នៅម៉ោង៩កន្លះព្រឹក ថ្ងៃទី២៤ ខែកុម្ភៈ (UTC + 01:00) ខាងមុខ។ កំពូលស្មាតហ្វូន 5G ដំបូងបង្អស់ របស់ realme X50 Pro 5G នឹងបង្ហាញខ្លួនជាលើកដំបូងនៅលើគេហទំព័រនៅពេលឆាប់នេះៗ។
នេះសបញ្ជាក់ឱ្យឃើញថា ម៉ាកសញ្ញាស្មាតហ្វូន realme នឹងបង្ហាញខ្លួនជាប្រវត្តិសាស្ត្រជាលើកដំបូង ក្នុងសមាជទូរស័ព្ទពិភពលោកប្រចាំឆ្នាំ (MWC) ដែលជាការតាំងពិព័រណ៍ទូរស័ព្ទដ៏ធំ នៅក្នុងឧស្សាហកម្មសារគមនាគមន៍លំដាប់ពិភពលោក។ ក្នុងនាមជាអ្នកពេញនិយម នៃ5G ទូទាំងពិភពលោក ក្រុមហ៊ុន realme ដែលប្រកាន់ខ្ជាប់ នូវទស្សនវិស័យ “dare to leap” នឹងបង្ហាញស្មាតហ្វូន 5G ដំបូងរបស់ខ្លួនគឺ realme X50 Pro 5G បំពាក់ដោយបន្ទះឈីបដំបូង នៃឈីប Qualcomm Snapdragon 865 5G ដែលដាក់នៅលើស្មាតហ្វូន។ ក្រុមហ៊ុន realme នឹងបន្តផ្ដល់ភាពភ្ញាក់ផ្អើលដល់អតិថិជន លើសពីការរំពឹងទុក។
ស្មាតហ្វូន 5G ដំបូងបង្អស់ដែលបំពាក់ដោយឈីប Snapdragon 865 5G នឹងត្រូវដាក់ឱ្យដំណើរការឆាប់ៗនេះ
នៅក្នុងកិច្ចប្រជុំកំពូលបច្ចេកវិទ្យា Qualcomm Snapdragon លើកទី៤ ដែលបានធ្វើឡើងនៅចុងឆ្នាំនេះ ក្រុមហ៊ុន Qualcomm បានប្រកាសថា realme នឹងក្លាយជាម៉ាកស្មាតហ្វូនដំបូងបង្អស់មួយ ក្នុងចំណោមស្វាតហ្វូនទាំងអស់ ដែលបានបំពាក់ប្រព័ន Snapdragon 765G និង Snapdragon 865 5G មុនគេបង្អស់។ ជាងនេះទៅទៀត នៅថ្ងៃទី៧ ខែមករា ឆ្នាំ២០២០២ ស្មាតហ្វូន 5G ដំបូងបង្អស់របស់ realme ដែលបំពាក់ដោយប្រព័ន្ធ Snapdragon 765G “5G Youth flagship” នោះ បានដាក់លក់ម៉ូឌែល realme X50 5G ជាផ្លូវការ នៅប្រទេសចិនហើយ។ ផលិតផលទាំងអស់ សុទ្ធតែទទួលបានការគាំទ្រ និងកោតសរសើរពីអតិថិជន។
ក្រុមហ៊ុន realme កំពុងខិតខំប្រឹងប្រែងបន្ថែមទៀត ដើម្បីបញ្ចេញស្នាដៃជាលើកដំ បូង នៅក្នុងសមាជទូរស័ព្ទពិភពលោកប្រចាំឆ្នាំ (MWC)។ ក្រុមហ៊ុន realme នឹងនាំមកនូវផលិតផលដ៏ពិសេសមួយ គឺ realme X50 Pro 5G ដែលជាផលិតផលស្មាតហ្វូន 5G ដំបូងបង្អស់របស់ខ្លួន ដែលភ្ជាប់មកជាមួយបន្ទះឈីបជំនាន់ចុងក្រោយ នៃប្រព័ន្ធ Snapdragon 865 5G ។
ដ្បិតថាជាម៉ាកយីហោវ័យក្មេងមែនពិត ប៉ុន្តែក្រុហ៊ុន realme បានខិតខំប្រឹងប្រែងយ៉ាងខ្លាំង ដើម្បីក្លាយជាម៉ាកស្មាតហ្វូនដំបូងបង្អស់ ដែលបំពាក់បន្ទះឈីប Qualcomm Snapdragon 865 5G ដែលនេះ មិនមែនជារឿងងាយស្រួលប៉ុន្មាននោះទេ។ ទន្ទឹមគ្នានេះ ក្រុមហ៊ុន realme បានបង្កើតកិច្ចសហប្រតិបត្តិការយ៉ាងជិតស្និទ្ធជាមួយបណ្តាញផ្គត់ផ្គង់ ដែលតំណាងដោយក្រុមហ៊ុន Qualcomm ដែលអាចផ្តល់ជូនអតិថិជនទូទាំងពិភពលោក នូវបច្ចេកវិទ្យានិងផលិតផលទំនើបបំផុត។
realme នឹងខិតខំដើម្បីក្លាយជាម៉ាកបច្ចេកវិទ្យាដែលប្រកាន់ខ្ជាប់នូវទស្សនវិស័យ "Dare to Leap" ហើយនឹងបង្ហាញខ្លួនជាលើកដំបូងនៅក្នុងសមាជទូរស័ព្ទពិភពលោកប្រចាំឆ្នាំ (MWC) ក្នុងនាមជាម៉ាកសញ្ញាឈានមុខគេលំដាប់ពិភពលោក។
ចាប់តាំងពីការបង្ហាញខ្លួនជាសាធារណៈមក realme បានរីកចម្រើនជាមួយនឹងគំនិត “Dare to Leap” និងផលិតផលស្មាតហ្វូនដែលមានការប្រកួតប្រជែងខ្ពស់។ យោងតាមស្ថិតិពិភពលោក ដែលបានរាយការណ៍ដោយ Counterpoint ការនាំចេញស្មាតហ្វូន realme សរុបនៅក្នុងត្រីមាសទី៣ នៃឆ្នាំ២០១៩ មានចំនួន លើសពី១០លានគ្រឿង រហូតជាប់ចំណាត់ថ្នាក់ទី៧ បើប្រៀបជាមួយទីផ្សារទូរស័ព្ទកំពូលៗ នៅជុំវិញពិភពលោក។ បើប្រៀបធៀបនឹងរយៈពេលដូចគ្នា ក្នុងឆ្នាំ២០១៨ realme មានអត្រាកំណើនរហូតដល់ 808% ហើយបានក្លាយជាយីហោស្មាតហ្វូន ដែលមានការរីកចម្រើនលឿនបំផុតនៅលើពិភពលោកផងដែរ។ ក្នុងពេលជាមួយគ្នានេះដែរ realme ដែលជាយីហោ ផ្តោតលើទីផ្សាពិភពលោក កំពុងចារាចរណ៍យ៉ាងសកម្មនៅលើទីផ្សារ ធំៗចំនួន ២៥ នៅទូទាំងពិភពលោក រួមមានប្រទេស ចិន ឥណ្ឌា អាស៊ីអាគ្នេយ៍ រុស្ស៊ី មជ្ឈិមបូព៌ា និងអឺរ៉ុបជាដើម។ នេះសបញ្ជាក់ឱ្យឃើញថា realme កំពុងមានឈ្មោះល្បីល្បាញ ពាសពេញពិភពលោក។
(2) Official Poster of realme’s Debut at MWC
នៅឆ្នាំ២០២០នេះ realme នឹងដើរតួជា “អ្នកពេញនិយមនៃពិភពបច្ចេកវិទ្យា និងកម្សាន្ត”។ ទន្ទឹមនឹងនេះដែរ realme បានយកចិត្តទុកដាក់យ៉ាងពិសេស ចំពោះតម្រូវការរបស់អតិថិជនវ័យក្មេង។ ជាមួយនឹងម៉ាស៊ីនភ្លោះនៃស្មាតហ្វូន និងAloT ក្រុមហ៊ុន realme នឹងបង្កើតជីវិតបែបទាន់សម័យ និងឆ្លាតវៃដែលពេញនិយមបំផុត។ ជាងនេះទៅទៀត realme យល់ពីតម្រូវការអតិថិជនវ័យក្មេង ហើយផ្តល់ជូនផលិតផលបច្ចេកវិទ្យាយ៉ាងទាន់សម័យ ជាមួយនឹងបទពិសោធន៍ដ៏គួរឱ្យភ្ញាក់ផ្អើល ដល់អតិថិជនរបស់ខ្លួននៅទូទាំងពិភពលោក។
នៅពេលនេះ realme នឹងបង្ហាញខ្លួនជាយីហោស្មាតហ្វូនឈានមុខគេ នៅក្នុងសមាជទូរស័ព្ទ ពិភពលោកប្រចាំឆ្នាំ 2020 (MWC) ដែលជាព្រឹត្តិការណ៍ដ៏ធំនៅក្នុងឧស្សាហកម្ម សារគមនាគមន៍អន្តរជាតិ។ ក្នុងនាមជាម៉ាកយីហោវ័យក្មេង realme នឹងបង្ហាញសក្ដានុពលរបស់ខ្លួនថាជា «ក្លាយជាអ្នកនិយមបច្ចេកវិទ្យាយ៉ាងទាន់សម័យ» ដែលមិនត្រឹមតែជាជំហានដ៏ធំមួយ ក្នុងការកសាងម៉ាកយីហោ realme ប៉ុណ្ណោះទេ ប៉ុន្តែវាក៏ជាការចាប់ផ្តើមដ៏សំខាន់ ជាមួយនឹងជំហានថ្មីរបស់ realme ក្នុងបេសកកម្មនៅឆ្នាំ 2020 នេះផងដែរ។
សម្រាប់ព័ត៌មានបន្ថែម សូមចូលទៅកាន់តំណភ្ជាប់នេះ៖
អំពី realme
realme គឺជាម៉ាកបច្ចេកវិទ្យាមួយ ដែលមានជំនាញក្នុងការផ្តល់នូវផលិតផល និងសេវាកម្មបច្ចេកវិទ្យា ដែលមានគុណភាពខ្ពស់ ជាមួយនឹងបទពិសោធន៍ ទស្សនវិស័យ Dare-to-Leap។ យីហោនេះ ត្រូវបានបង្កើតឡើងជាផ្លូវការ នៅថ្ងៃទី៤ ខែឧសភាឆ្នាំ២០១៨ ដោយស្ថាបនិករបស់ខ្លួនឈ្មោះ Sky Li រួមជាមួយយុវជនមួយក្រុម ដែលមានបទពិសោធន៍សម្បូរបែប នៅក្នុងឧស្សាហកម្មស្មាតហ្វូន។ ក្រុមហ៊ុន realme បានប្តេជ្ញាចិត្ត ផ្តល់ជូនស្មាតហ្វូនដែលមានគុណភាពខ្ពស់ ជាមួយនឹងការរចនាទាន់សម័យ នៅក្នុងបរិបទការធ្វើពាណិជ្ជកម្ម តាមប្រព័ន្ធអេឡិចត្រូនិក។
គេហទំព័រ Counterpoint បានបញ្ជាក់ថា realme បានក្លាយជាម៉ាកយីហោស្មាតហ្វូនលំដាប់ពិភពលោក និងបានជាប់លំដាប់លេខ រៀងទី៧ នៅត្រីមាសទី៣ ឆ្នាំ២០១៧។ ទន្ទឹមនឹងនេះដែរ realme មានចំនួនអ្នកប្រើប្រាស់ កើនឡើងរហូតដល់ ២៥ លាននាក់ឯណោះ ក្នុងពេលបច្ចុប្បន្ន ដែលជាហេតុធ្វើឱ្យ realme ក្លាយជាម៉ាកស្មាតហ្វូនដែលមានការរីកចម្រើនយ៉ាងឆាប់រហ័សបំផុត លំដាប់ពិភពលោក។
realme បានពង្រីកទីផ្សារជាសកលរហូតដល់ 25 ទីផ្សារដូចជា ចិន ឥណ្ឌា អាស៊ីអាគ្នេយ៍ អឺរ៉ុប រុស្ស៊ី ប៉ាគីស្ថាន និងអាហ្វ្រិកជាដើម៕
(អត្ថបទពាណិជ្ជកម្ម)