ជាតិ
សេដ្ឋកិច្ច
សម្តេច ហ៊ុន សែន៖ កម្ពុជាគ្មានសេចក្តីថ្លែងការណ៍តបរឿង EBA ឡើយ
× «ឲ្យក៏យក មិនឲ្យក៏ហី!»។ នេះជាការអះអាងរបស់សម្តេចនាយករដ្ឋមន្ត្រី តបទៅនឹងការសម្រេចរបស់គណៈកម្មការអឺរ៉ុបលើសម្រេចផ្តាច់ប្រព័ន្ធអនុគ្រោះពន្ធ (EBA) ខ្លះ នូវទំនិញកម្ពុជាក្នុងទីផ្សាអឺរ៉ុប។
សម្តេចបានបញ្ជាក់ថា ការកាត់ EBA គឺជាសិទ្ធិសម្រេចរបស់អឺរ៉ុប ប៉ុន្តែពួកគេក៏ត្រូវគោរពសិទ្ធិសម្រេចផ្សេងៗរបស់កម្ពុជាផងដែរ។ សម្តេចនិយាយបែបកំប្លែងថា កម្ពុជានឹងថ្លែងការណ៍តបរឿង EBA នៅថ្ងៃទី៣១ ខែកុម្ភៈ។
ទាក់ទងនឹងករណីនេះ ក្រសួងការបរទេស និងសហប្រតិបត្តិការអន្តរជាតិ ក៏បានចេញសេចក្តីថ្លែងការណ៍មួយផងដែរ ប៉ុន្តែមិនមែនជាលិខិតដែលសរសេរផ្ញើទៅកាន់គណៈកម្មការអឺរ៉ុបនោះឡើយ។ ក្នុងសេចក្តីថ្លែងការណ៍ ក្រសួងការបរទេសកម្ពុជាសម្តែងការសោកស្តាយ ដោយបានលើកឡើងថា ការសម្រេចដកផ្នែកខ្លះនៃ EBA ពីកម្ពុជាកើតចេញពីការយល់ច្រឡំ និងទំនើងចិត្តរបស់អឺរ៉ុប។
© រក្សាសិទ្ធិដោយ thmeythmey.com