ជាតិ
សម្តេច ហ៊ុន សែន រម្លឹកពីមូលហេតុនៃការធ្លាក់ចុះភាសាបារាំងនៅកម្ពុជា
× ភ្នំពេញ៖ ការប្រើប្រាស់ភាសាបារាំងនៅកម្ពុជាមានការធ្លាក់ចុះខ្លាំង គឺដោយសាររដ្ឋាភិបាលបារាំងផ្ទាល់មិនយកចិត្តទុកលើការប្រើប្រាស់បារាំងក្នុងវិស័យអប់រំជាមួយកម្ពុជា ដោយភ្ជាប់បញ្ហាទៅនឹងរឿងនយោបាយ នៅឆ្នាំ១៩៨២ ហើយស្របពេលនឹងចរន្តនៃការប្រើប្រាស់ភាសាអង់គ្លេសជាសកលបានកើតឡើង។ នេះជាការលើកឡើងរបស់សម្តេច ហ៊ុន សែន ដែលឆ្លើយតបនឹងការធ្លាក់ចុះនៃការប្រើប្រាស់ភាសាបារាំងនៅកម្ពុជា នាពេលបច្ចុប្បន្ន។
ក្នុងពិធីប្រគល់សញ្ញាបត្រដល់គរុសិស្ស-គរុនិស្សិតបញ្ចប់ការសិក្សានៅវិទ្យាស្ថានជាតិអប់រំ នាថ្ងៃទី១៨កុម្ភៈ ឆ្នាំ២០២០ សម្តេច ហ៊ុន សែន បានរម្លឹកថា នៅឆ្នាំ១៩៨២ក្នុងដំណើរចូលរួមកិច្ចប្រជុំគណបក្សនៅប្រទេសបារាំងក្នុងនាមជារដ្ឋមន្ត្រីការបរទេស សម្តេចបានស្នើឱ្យបារាំងយកចិត្តទុកដាក់ភាសារបស់ខ្លួននៅកម្ពុជា តាមរយៈការបើកមជ្ឃមណ្ឌលវប្បធម៌បារាំងនៅកម្ពុជា ប៉ុន្តែពេលនោះបារាំងមិនបានបង្កើតមជ្ឃមណ្ឌលនោះឡើយ ដោយមានគណបក្សនយោបាយមួយជំទាស់នឹងការលើកឡើងរបស់សម្តេច ក្នុងកិច្ចប្រជុំនោះ។ សម្តេច បានស្រង់សម្តីរបស់ប្រធានគណបក្សបារាំង ក្នុងកិច្ចប្រជុំនោះថា៖« បារាំងអត់ទទួលស្គាល់រដ្ឋាភិបាលរបស់អ្នកឯងទេ ដូច្នេះបារាំងអត់មានលទ្ធភាពដាក់មជ្ឈមណ្ឌលវប្បធម៌ នៅកម្ពុជាឡើយ»។
សូមស្តាប់ប្រសាសន៍សម្តេច ហ៊ុន សែន ដូចតទៅ៖
© រក្សាសិទ្ធិដោយ thmeythmey.com