ពីនេះ ពីនោះ
ព័ត៍មានសុខភាព
×![]()
ដោយ: ថ្មីៗ
កំពុងជួបប្រទះបញ្ហាដុំពកធម្មតាក្នុងសុដន់ ប៉ុន្តែមិនមែនដុំសាច់មហារីកមែនទេ? កុំបារម្ភពេក! ក៏ព្រោះមានអាហារមួយចំនួនអាចជួយអ្នកដោះស្រាយបញ្ហានេះបានយ៉ាងប្រសើរ។ 
ខាងក្រោមនេះយើង នឹងបង្ហាញឱ្យដឹងពីអ្វីដែលអ្នកគួររួមបញ្ចូលក្នុងរបបអាហារប្រចាំថ្ងៃដើម្បីប្រាកដថាសុដន់របស់អ្នកគ្មានវត្តមានដុំពកណាមួយលេចឡើង ៖
១. បន្លែប្រភេទ Cruciferous
បន្លែប្រភេទ Cruciferous រួមមានស្ពៃក្ដោប ផ្កាខាត់ណាខៀវ ផ្កាខាត់ណា និងពន្លកផ្កាស្ពៃជាដើមមិនត្រឹមតែជួយកម្ចាត់ជាតិពុលផ្សេងៗពីក្នុងរាងកាយ ហើយកម្ចាត់ដុំពកធម្មតាក្នុងសុដន់ប៉ុណ្ណោះទេ ប៉ុន្តែក៏ជួយកាត់បន្ថយការឈឺចាប់និងភាពឡើងតឹងដោយសារវត្តមាននៃដុំពកផងដែរ។
២. អាហារមានផ្ទុកសម្បូរទៅដោយវីតាមីន A
វីតាមីន A គឺចាំបាច់បំផុតសម្រាប់កម្ចាត់ដុំពកក្នុងសុដន់។ ដូច្នេះដើម្បីជាការប្រសើរចូរព្យាយាមរួមបញ្ចូលអាហារដែលមានផ្ទុកសម្បូរទៅដោយវីតាមីន A ក្នុងរបបអាហារប្រចាំថ្ងៃ។ អ្នកគួរពិគ្រោះជាមួយគ្រូពេទ្យជាមុនប្រសិនបើចង់ប្រើប្រាស់ថ្នាំគ្រាប់វីតាមីន A។
៣. អាហារមានផ្ទុកសម្បូរទៅដោយវីតាមីន E
សារធាតុចិញ្ចឹមដ៏សំខាន់មួយទៀតដែលជួយប្រយុទ្ធប្រឆាំងនឹងដុំពុកធម្មតាក្នុងសុដន់ គឺវីតាមីន E។ វីតាមីននេះជួយការពារសុខភាពស្បែកនិងប្រឆាំងការរលាកផងដែរ។
៤. អាហារមានផ្ទុកជាតិសូដ្យូមទាប
ការទទួលទានអំបិល ឬជាតិសូដ្យូមច្រើនពេកធ្វើឱ្យរាងកាយស្តុកទុកសារធាតុរាវលើសកម្រិតដែលអាចនឹងបង្កផលប៉ះពាល់ធ្ងន់ធ្ងរដល់អ្នកកំពុងមានបញ្ហាដុំពកស្រាប់ ក៏ដូចជាអ្នកងាយនឹងកើតបញ្ហានេះ។ ដូច្នេះដើម្បីជាការប្រសើរត្រូវប្រាកដថាអ្នកទទួលទានអំបិល ឬជាតិសូដ្យូមតិចជាង ១៥០០ មីលីក្រាមក្នុងមួយថ្ងៃ។
៥. អាហារសម្បូរជាតិសរសៃ
ការលើសអ័រម៉ូន estrogen ជាកត្តាចម្បងបំផុតមួយនៃការលូតលាស់ទៅជាបញ្ហាដុំពកក្នុងសុដន់។ ដូច្នេះហើយទើបអ្នកគួរព្យាយាមទទួលទានអាហារសម្បូរជាតិសរសៃក៏ព្រោះរបបអាហារប្រភេទនេះនឹងជួយគ្រប់គ្រងកម្រិតត្រឹមត្រូវនៃអ័រម៉ូន estrogen ក្នុងរាងកាយ។
៦. អាហារមានផ្ទុកជាតិខ្លាញ់ឆ្អែតទាប
ការទទួលទានអាហារមានផ្ទុកជាតិខ្លាញ់ឆ្អែត saturated ខ្ពស់ គឺមិនល្អសោះឡើយសម្រាប់សុខភាពរាងកាយទាំងមូល។ ខ្លាញ់ឆ្អែត saturated បង្កើនហានិភ័យនៃបញ្ហាដុំពកក្នុងសុដន់គួរឱ្យកត់សម្គាល់ខណៈដែលវាបង្កការផលិតអ័រម៉ូន estrogen កាន់តែច្រើន។ ដូច្នេះគួរកម្រិតការទទួលទានសាច់ក្រហមនិងផលិតផលអាហារណាដែលមានផ្ទុកជាតិខ្លាញ់ឆ្អែតខ្ពស់។ ចូរព្យាយាមទទួលទានអាហារមានផ្ទុកអាស៊ីតខ្លាញ់ល្អអូមេហ្កា ៣ ដូចជាត្រីសម្បូរខ្លាញ់ជំនួសវិញដើម្បីទប់ស្កាត់ការរលាក។ ផ្លែឈើនិងបន្លែក៏ល្អណាស់ដែរដោយវាគ្មានផ្ទុកជាតិខ្លាញ់ឆ្អែត៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
