អន្តរជាតិ
COVID-19៖ អ៊ីរ៉ង់ឡើងដល់១៨ករណី ដែលក្នុងនោះមានស្លាប់៤នាក់
× អ៊ីរ៉ង់បានរកឃើញករណីអ្នកឆ្លងមេរោគកូរ៉ូណាប្រភេទថ្មី COVID-19 ចំនួន១៣ករណីទៀតនាថ្ងៃទី២១ ខែកុម្ភៈ ដែលក្នុងនោះមាន៧ករណីពីក្រុង Qom ៤ករណីពីក្រុងតេហេរ៉ង់ និង២ករណីពីខេត្ត Gilan។ យោងតាមការផ្សាយរបស់រ៉យទ័រ អ្នកនាំពាក្យក្រសួងសុខាភិបាលអ៊ីរ៉ង់ លោក Kianush Jahanpur បានអះអាងថា ក្នុងចំណោមនោះ មានអ្នកស្លាប់២ករណី។
ការស្លាប់ទាំងពីរករណីនេះ នាំឲ្យចំនួនអ្នកស្លាប់នៅអ៊ីរ៉ង់ឡើងដល់៤នាក់ ក្នុងចំណោមអ្នកជំងឺសរុប១៨នាក់។ កាលពីថ្ងៃទី១៩ អ៊ីរ៉ង់បានរកឃើញ២ករណីដំបូងនៅក្រុង Qom ដែលក្រោយមក ក្រសួងសុខាភិបាលបានប្រកាសពីការស្លាប់អ្នកទាំងពីរនោះ។
ឈានដល់ថ្ងៃទី២០ ខែកុម្ភៈ ៣ករណីបន្ថែមទៀតត្រូវបានរកឃើញ ដែលក្នុងនោះមាន២ករណីនៅ Qom និង១ករណីនៅ Arak៕
© រក្សាសិទ្ធិដោយ thmeythmey.com