អត្ថបទពាណិជ្ជកម្ម
ហ្វតតេ ឡាយហ្វ៍ បើកវេទិកាស្ដីពីអត្ថប្រយោជន៍របស់និយោជិតសម្រាប់ដំណើរការអាជីវកម្ម
×![]()
ដោយ: ថ្មីៗ
ភ្នំពេញ៖ កាលពីថ្ងៃទី ២១ កុម្ភៈ ២០២០ ក្រុមហ៊ុនធានារ៉ាប់រង ហ្វតតេ ឡាយហ្វ៍ អឹសួរ៉ិនស៍ (ខេមបូឌា) ម.ក ដែលជាបុត្រសម្ព័ន្ធរបស់ក្រុមហ៊ុន ហ្វតតេ ដែលជាក្រុមហ៊ុនធានារ៉ាប់រងទូទៅឈានមុខគេនៅកម្ពុជា បានបើកសិក្ខាសាលាស្ដីអំពី “បច្ចុប្បន្នភាពស្ដីអំពីច្បាប់ការងារ និងផលប៉ះពាល់នៃជំងឺធ្ងន់ធ្ងរ និងអត្ថប្រយោជន៍កម្មករនិយោជិតក្នុងដំណើរការអាជីវកម្ម” ក្នុងកិច្ចខិតខំប្រឹងប្រែងដើម្បីរក្សាឱ្យបាននូវសុខុមាលភាពរបស់និយោជិតដែលជាធនធានដ៏មានតម្លៃសម្រាប់ក្រុមហ៊ុន។ នៅក្នុងវេទិកានេះដែរ ហ្វតតេ ឡាយហ្វ៍ បានពិភាក្សាអំពីការផ្តល់ជូននូវផលិតផលរបស់ខ្លួនដើម្បីបន្ថែមអត្ថប្រយោជន៍ដល់និយោជិត។
ផលិតផលទី១ គឺបណ្ណសន្យារ៉ាប់រងអាយុជីវិតមានកាលកំណត់ជាក្រុម (Group Term Life) ។ ផលិតផលនេះ ជាផលិតផលធានារ៉ាប់រងដែលអាចបន្ដសុពលភាពសាជាថ្មីជារៀងរាល់ឆ្នាំ ដែលមានបុព្វលាភធានារ៉ាប់រងទាប ប៉ុន្ដែទទួលបានការការពារខ្ពស់ ២៤ ម៉ោង ទូទាំងពិភពលោក។ បណ្ណសន្យារ៉ាប់រងអាយុជីវិតមានកាលកំណត់ជាក្រុមនេះ ត្រូវបានផ្តល់ជូនដោយនិយោជកដើម្បីជាប្រយោជន៍ដល់និយោជិត។ នៅពេលដែលមានរឿងអកុសលណាមួយកើតឡើងចំពោះនិយោជិត នោះប្រាក់សំណងនឹងត្រូវបានផ្ដល់ជូនសមាជិកគ្រួសាររបស់និយោជិតដែលត្រូវបានធានារ៉ាប់រង។
ផលិតផលនេះបង្ហាញពីគុណប្រយោជន៍ដែលនិយោជកអាចផ្តល់ជូនដល់និយោជិត ដើម្បីផ្តល់រង្វាន់ដល់ការខិតខំរបស់ពួកគេដែលបានជួយឱ្យក្រុមហ៊ុនរីកចម្រើន។ គម្រោងធានារ៉ាប់រងនេះអាចត្រូវបានរៀបចំឡើងដោយផ្អែកតាមតម្រូវការ កញ្ចប់ថវិកា និងចំនួនបុគ្គលិកដែលធ្វើឱ្យផលិតផលនេះអាចផ្តល់ការការពារដ៏ល្អបំផុតដល់និយោជក និងនិយោជិត។
ផលិតផលទី ២ គឺជាបណ្ណសន្យារ៉ាប់រងអាយុជីវិតការពារជាក្រុមទូលំទូលាយ (Comprehensive Group Care Insurance) របស់ ហ្វតតេ ឡាយហ្វ៍ ដែលអនុញ្ញាតឱ្យនិយោជិតអាចចូលរួមប្រើប្រាស់ដោយស្ម័គ្រចិត្ត ដោយបង់បុព្វលាភធានារ៉ាប់រងតាមរយៈការអនុញ្ញាតឱ្យនិយោជកកាត់ប្រាក់ខែដោយស្វ័យប្រវត្តិ។ គម្រោងនេះអនុញ្ញាតឱ្យក្រុមហ៊ុន ហ្វតតេ ឡាយហ្វ៍ ផ្តល់ជូននូវអត្រាបុព្វលាភធានារ៉ាប់រងទាបបំផុតត្រឹមតែ ៥ ដុល្លារ/ខែ។ ដោយចំណាយត្រឹមតែ ៥ដុល្លារ/ខែ និយោជិតក៏អាចទទួលបានការធានារ៉ាប់រងអាយុជីវិតចំនួន ៥០០០ ដុល្លារ និងការធានារ៉ាប់រងមរណភាពដោយគ្រោះថ្នាក់ចៃដន្យចំនួន ១០០០០ ដុល្លារ។ ផលិតផលនេះក៏មានកញ្ចប់ផ្សេងទៀត ដែលមានបុព្វលាភធានារ៉ាប់រងរហូតដល់ ២០ ដុល្លារ/ខែ។ បន្ថែមពីលើការធានារ៉ាប់រងលើអាយុជីវិតបន្ទាប់ពី ១២ ខែដំបូង និយោជិតក៏អាចទទួលបានអត្ថប្រយោជន៍ជាសាច់ប្រាក់បូកបង្គរផងដែរ ដែលមានចំនួនប្រហែលពី ៣០% ដល់៤០% នៃបុព្វលាភធានារ៉ាប់រងដែលបានចំណាយ។
លោក យក់ ចំរើនប្ញទ្ធិ ប្រធានក្រុមប្រឹក្សាភិបាលក្រុមហ៊ុនធានារ៉ាប់រង ហ្វតតេ ឡាយហ្វ៍ បានមានប្រសាសន៍ថា “ ធនធានមនុស្សជាធនធានដ៏មានតម្លៃបំផុតដែលជំរុញឱ្យក្រុមហ៊ុនឆ្ពោះទៅមុខដោយជោគជ័យ”។ ដូច្នេះហើយ “បណ្ណសន្យារ៉ាប់រងអាយុជីវិតមានកាលកំណត់ជាក្រុម អាចជួយនិយោជិតដែលខិតខំធ្វើការ ឱ្យមានសន្ដិភាពផ្លូវចិត្តដែលពួកគេសមនឹងទទួលបានដោយធានាបានថាក្រុមគ្រួសាររបស់ពួកគាត់ទទួលបានប្រាក់សំណងក្នុងករណីមានរឿងអកុសលណាមួយកើតឡើង” ។
លោកក៏បានបន្ថែមទៀតថា “ទោះបីជាក្រុមហ៊ុន ហ្វតតេ ឡាយហ្វ៍ ជាក្រុមហ៊ុនថ្មីក៏ដោយ តែយើងមានក្រុមហ៊ុនហ្វតតេ ដែលមានកេរ្តិ៍ឈ្មោះជាក្រុមហ៊ុនមេ ក្រុមការងារដែលមានជំនាញខ្ពស់ និងបទពិសោធន៍ជាច្រើនឆ្នាំ និងក្រុមហ៊ុនធានារ៉ាប់រងបន្ដអន្តរជាតិល្បីៗជាដៃគូដើម្បីធានាបានថាយើងតែងតែផ្តល់ជូននូវផលិតផល និងសេវាកម្មដែលមានគុណភាពល្អបំផុត” ។
សម្រាប់ព័ត៌មានបន្ថែមស្តីពីផលិតផល និង ហ្វតតេ ឡាយហ្វ៍
(អត្ថបទពាណិជ្ជកម្ម)
Tag:
Forte
© រក្សាសិទ្ធិដោយ thmeythmey.com
