អត្ថបទពាណិជ្ជកម្ម
ឆាកតន្រ្តីទេសចរភេសជ្ជៈប៉ូវកម្លាំងវើក WURKZ ឆ្នាំ២០២០នេះ រចនាម៉ូតស្អាតខ្លាំង ឯបេក្ខជននិងគណៈកម្មការ X Factor Cambodia ទាំងអស់ ក៏ចូលរួមផ្តល់ភាពរីករាយ ១០ខេត្តក្រុង
× ភ្នំពេញ៖ លោក ម៉ៃឃើល សុវណ្ណ ប្រធានផ្នែករៀបចំកម្មវិធី និងទំនាក់ទំនងសាធារណៈ ក្រុមហ៊ុន ខ្មែរ ប៊ែវើរីជីស បានប្រកាសចាប់ផ្តើមដំណើរកម្សាន្តតន្ត្រីទេសចរណ៍ភេសជ្ជៈប៉ូវកម្លាំង វើក WURKZ ឆ្នាំ២០២០ហើយ។ កម្មវិធីនេះនឹង ចាប់ផ្តើមពីស្រុកបវេល ខេត្តបាត់ដំបង ពីថ្ងៃទី ២៧-២៨ ខែកុម្ភៈខាងមុខ នៅបរិវេណបុរីវាលស្រែ ១០០ ចាប់ពីម៉ោង ៦ល្ងាចតទៅ។
លោកក៏បានបង្ហាញគំរូរចនាបថឆាកតន្ត្រីដ៏ស្រស់ស្អាតខ្លាំងតុបតែងដោយភ្លើង ពណ៌ខៀវ លាយក្រហមបន្តិច រំលេចជាមួយទ្រង់ទ្រាយក្រឡាបាល់ទាត់ ដែលមើលទៅហាក់បីដូចជាការប្រគំតន្ត្រីនៅលើទីធ្លាបាល់ទាត់មួយ ដោយមានចំណងជើងឈ្មោះកម្មវិធីប្រគំតន្ត្រីខាងលើថា WURKZ CITY TOUR CONCERT ។ ហើយការរចនាឆាកនេះ នឹងត្រូវរៀបចំឡើងសម្រាប់ការប្រគំតន្ត្រីទេសចរណ៍នេះតែម្តង។
តន្ត្រីទេសចរណ៍នេះ នឹងមានការចូលរួមសម្តែងពីតារាដែលជាគណៈកម្មការកម្មវិធី X-Factor Cambodia និងបេក្ខជនកំពូលៗ មានដូចជា៖ ឱក សុគន្ធកញ្ញា ខេមរៈ សេរីមន្ត សុខ សីឡាលីន ណុប បាយរិទ្ធិ សំ សុវណ្ណារ៉ាក់ ចាន់ កូម៉ែន ចាន់ សុបញ្ញា កែវ ចន្ទដាលីន រួមជាមួយ តារាចម្រៀងល្បីៗប្រចាំព្រះរាជាណាចក្រកម្ពុជាយើងដូចជា លោក ឆន សុវណ្ណរាជ ហ្សូណូ Step អ្នកនាង ពេជ្រ សោភា រ៉េត ស៊ូហ្សាណា នីរតនា លាង សុផាឡែន កែវ សុបញ្ញា និង តារាចម្រៀងផ្សេងៗទៀតផងដែរ។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com